Jan Cellierspark, Pretoria
Jan Cellierspark is 'n park in Groenkloof, Pretoria, Suid-Afrika.
Die 4,5 hektaar park teen die noordelike hange van Klapperkop staan ook bekend as Proteapark. Die park is toegewy aan inheemse plante en bied pragtige uitsigte oor die stad en die Uniegebou. Die park is op die hoek van Wenning- en Broderickstraat en die ingang is in Broderickstraat. Die belangrikste kenmerk van die park is 'n stroom met 14 miniatuurwatervalle wat twee damme met mekaar verbind en begrens word deur verskeidenheid van plante. Die park beskik ook oor groot grasperke wat deur rotstuine, bome en struike onderbreek word.
Geskiedenis
Die park is in die 1960's ontwerp deur Harry Bruins-Lich, direkteur van parke in Pretoria vanaf 1942 tot 1967, en genoem na die Afrikaanse digter, Jan F.E. Celliers.
Fotogalery
-
'n Brosblaar in Jan Cellierspark. -
Bontkiewiet in die park -
Reuse aasblom
Verwysings
| Wiki Commons bevat media in verband met Jan Celliers Park. |
This article uses material from the Wikipedia Afrikaans article Jan Cellierspark, Pretoria, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.