Hugenote Hoërskool

Die skool se leerdertal toon 'n konstante styging en daar is tans 920 leerders. Die skoolhoof is mnr. Wikus Naudé. (Daar is 'n hoërskool met dieselfde naam in Springs in Gauteng, maar amptelik is daardie skool Hoërskool Hugenote.)

Die skool kan sy geskiedenis terugvoer tot 1868 met die stigting van Wellington se Hoër Jongenskool. Die skool verskuif in 1884 na 'n nuwe perseel op die plek waar Wellington se stadsaal vandag staan. Van die skool se noemenswaardige skoolhoofde was Robert MacCrone (1881–1904), Fransie Roux (1904–1928) en Hennie Roos (1928–1953).

Intussen kom dr. Andrew Murray in September 1871 na Wellington en beywer hom vir die stigting van 'n meisieskool. Die Hugenote-seminarie is in 1874 gestig met mes. Anna Bliss en Abbie Park Ferguson as onderwysers. Die eerste 40 meisies skryf in Januarie daardie jaar in.

In 1954 besluit die destydse Kaaplandse onderwysdepartement die twee skole moet saamsmelt, wat lei tot die stigting van die huidige hoërskool. Aanvanklik is die nuwe hoërskool gehuisves in die geboue van die ou Hugenote-seminarie in Kerkstraat. Die skool se leerdertal neem vinnig toe en binne 16 jaar raak die perseel in Kerkstraat te klein. Die departement van onderwys rig toe die nuwe skool en koshuis op in die Blouvlei, naby die Bolandstadion.

• Rugby
• Netbal
• Seuns- en dogtershokkie
• Tennis
• Krieket
• Atletiek
• Muurbal
• Gholf
• Tweekamp
• Biathle
• Skaak
• Landloop
• Swem

Bo en behalwe die gewone onderriglokale beskik Hugenote Hoërskool oor die volgende fasiliteite:

• Internet in alle klasse

• Dataprojektors in alle klasse

• 3 klasse met elektroniese witborde

• 3 wetenskaplaboratoriums

• 3 biologielaboratoriums

• ’n goed toegeruste Verbruikerstudielokaal

• 4 volledig toegeruste rekenaarsentrums vir die onderrig van rekenaarstudie, rekenaartoepassingstegnologie en rekenaargeletterdheid

• skoolsaal met sysaal wat ook vir liggaamsopvoedingsessies gebruik kan word

• ’n veeldoelige ontspanningsaal, die grondsaal

Op ons pragtige terrein bied ons die volgende aan:

• Pawiljoen met dak vir 1000 toeskouers

• Klubhuis met satellietskottel wat uitkyk oor rugbyvelde

• Kleedkamers

• Oefenveld met fasiliteite vir opwarming

• 3 rugbyvelde

• atletiekbaan

• 2 krieketvelde

• 7 krieketnette

• groot swembad (25m)

• 8 netbalbane waarvan een onderdak is

• 5 tennisbane

• tennisslaanmuur

• 2 hokkievelde en 'n Astro-baan

• 1954 – Winnie Rust, skrywer
• 1957 – Breyten Breytenbach, Afrikaanse digter en skilder
• 1958 – Hercules von Molendorff, Boland-heelagter
• 1959 – Hernus Kriel, voormalige Wes-Kaapse premier
• 1962 – Prof Antony Melck, voormalige Rektor van Unisa
• 1963 – Regter Burton Fourie, regter van die hooggeregshof in Kaapstad
• 1973 – Jannie Bosman, Wes-Kaapse boer van die jaar 2009
• 1977 – Prof. Danie Brink, Universiteit Stellenbosch se departement genetika in fakulteit agriwetenskappe
• 1984 – Pierre Nolte (Valiant Swart), Afrikaanse musikant
• 1992 – Chean Roux, rugbyspeler en bestuur Springbokke
• 1995 – Prof. Geo Quinot, toegelate advokaat van die Hoë Hof van Suid-Afrika en professor in die departement publiekreg, Universiteit Stellenbosch
• 1996 – Rolanda Marais, aktrise
• 1996 – Dr. Willem Anker, Afrikaanse dramaturg en skrywer
• 2000 – Lee-Anne Pace, beroepsgholfspeler
• 2005 – Juan de Jongh, Springbok- en Stormers-rugbyspeler

Hugenote Hoërskool ontsluit die toekoms.

Hugenote Hoërskool doen alles moontlik om leerders:

1. op akademiese, fisiese en geestelike gebied tot volle potensiaal te ontwikkel.

2. ‘n voorsprong te gee sodat hulle ‘n positiewe verskil kan maak in die samelewing.

• Respek
• Stiptelikheid
• Verantwoordelikheid
• Eerlikheid
• Selfdissipline en Selfbeheersing
• Integriteit
• Lojaliteit

• Waardes – Moeder Theresa
• Sport – Frankie Horn
• Gemeenskap – Nelson Mandela
• Akademie – Geo Quinot
• Kultuur – Breyten Breytenbach

Aangepas uit Erekode van Hoër Jongenskool van 1868

Ek vrees my Skepper en eer my ouers.

Ek hou die naam en leuse van my skool hoog omdat ek myself en my medemens respekteer.

Ek glo aan stiptelikheid, verantwoordelikheid en aanspreeklikheid.

Ek beskou my medeleerders as my vriende aan wie ek hulp, bemoediging en lojaliteit verskuldig is.

Ek glo in integriteit en pligsgetrouheid.

Ek eerbiedig die waarheid, want my woord is my eer.

Selfdissipline en selfbeheersing is vir my vanselfsprekend.

My strewe in alles is “MIK HOOG”.

Teen die blou van trotse berge daal ‘n berghang groen en sag.

Na ‘n sondeurdrenkte aarde waar die lewe lê en wag.

Om te bot en bloei in boorde ons tot wasdom laat gedy.

In ‘n skool wat deur die jare, trou aan hoë roeping bly.

Al ons dank en eer en hulde aan ‘n edele simbool

van ‘n mooi en vrugbaar lewe:

Hugenote Hoërskool!

• Wes-Kaapse onderwysdepartement se skole-inligtingsidens Geargiveer 16 April 2009 op Wayback Machine
• Die skool se webwerf