Geminides
Die Geminides is ’n meteoorreën wat deur die voorwerp 3200 Phaethon veroorsaak word; dit is vermoedelik ’n Pallas-asteroïde met ’n rotskomeetwentelbaan.
Die Geminides en Quadrantides is die enigste meteoorreëns wat nie deur ’n komeet veroorsaak word nie. Die meteore van dié reën beweeg stadig en kan in Desember gesien word – die hoogtepunt is die oggend van 14 Desember. Die reën word blykbaar elke jaar intenser en tydens onlangse voorvalle is 120 tot 160 meteore per uur waargeneem onder die beste sigtoestande, gewoonlik omstreeks 02:00 tot 03:00. Die Geminides is in 1862 die eerste keer waargeneem – baie meer onlangs as ander meteoorreëns soos die Perseïdes (36 n.C.) en Leonides (902 n.C.).
| Geminides | ||
 | ||
| Die Geminides soos gesien in die Noordelike Halfrond. | ||
| Ontdekking | 1862 | |
| Moederliggaam | 3200 Phaethon | |
| Uitstralingspunt | ||
| Sterrebeeld | Tweeling (naby die ster Castor) | |
| Regte klimming | 07h 28m | |
| Deklinasie | +32° | |
| Eienskappe | ||
| Voorkoms | 7–17 Desember | |
| Hoogtepunt | 14 Desember | |
| Spoed | 35 km/s | |
| Sterre per uur | 75+ | |
Uitstralingspunt
Die Geminides lyk of hulle van ’n sentrale punt in die sterrebeeld Tweeling kom, vandaar hul naam. Hulle kan egter op enige plek aan die hemelruim voorkom en lyk dikwels gelerig. Noord van die ewenaar styg die uitstralingspunt net voor sonsopkoms. In die Suidelike Halfrond word die uitstralingspunt eers omtrent middernag sigbaar. In die Noordelike Halfrond kan meer meteore gesien word omdat die uitstralingspunt hoër in die lug is. Die meteore beweeg teen ’n gemiddelde spoed in vergelyking met dié van ander reëns, sowat 35 km per sekonde, en hulle is dus maklik om te sien. Die Geminides word nou deur baie beskou as die mees konsekwente en aktiefste jaarlikse meteoorreën. Geminides disintegreer op ’n hoogte van sowat 38 km of meer.
Bekende Geminides
| Jaar | Aktief | Hoogtepunt | Maksimum per uur | Maanfase |
|---|---|---|---|---|
| 2006 | 7–17 Desember | 14 Desember | 115 | 33% afnemend |
| 2007 | 15 Desember | 122 | 28% groeiend | |
| 2008 | 14 Desember | 139 | 96% vol | |
| 2009 | 13 Desember | 120 | 10% donker | |
| 2010 | 7–17 Desember | 14 Desember | 127 | 57% eerste kwartier |
| 2011 | 14 Desember | 198 | 86% afnemende bolmaan | |
| 2012 | 4–17 Desember | 13–14 Desember | 109 | 1% donker |
| 2013 | 14–17 Desember | 14 Desember | 134 | 91% vol |
| 2014 | 4–17 Desember | 14 Desember | 253 | 50% laaste kwartier |
Verwysings
Eksterne skakels
- NASA se meteoorvoorspeller (Leonid MAC Meteor Shower Estimator)
- 2004 Geminides Geargiveer 6 Julie 2012 op Wayback Machine
- 2006 Geminides Geargiveer 17 Desember 2009 op Wayback Machine
- Amateurwaarnemings van die Geminides Geargiveer 14 Mei 2011 op Wayback Machine
- Die Geminides by Constellation Guide
- Wiki Afrikaans
Wiki Commons het meer media in die kategorie Geminides. 
Hierdie artikel is vertaal uit die Engelse Wiki
This article uses material from the Wikipedia Afrikaans article Geminides, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.