Frans Erasmus: Suid-Afrikaanse politikus
François Christiaan Erasmus (19 Januarie 1896 - 1 Julie 1967) was 'n Suid-Afrikaanse politikus van die Nasionale Party.
Hy was die Minister van Verdediging van Junie 1948 tot 1959, en Minister van Justisie van 1959 tot Augustus 1961.
| François Christiaan Erasmus | |
 Minister Erasmus in 1953 | |
| Ampstermyn 12 Desember 1959 – 10 Augustus 1961 | |
| Eerste minister | Hendrik Verwoerd |
|---|---|
| Voorafgegaan deur | Charles Robberts Swart |
| Opgevolg deur | John Vorster |
| Ampstermyn 4 Junie 1948 – 12 Desember 1959 | |
| Eerste minister | |
| Voorafgegaan deur | Jan Smuts |
| Opgevolg deur | Jacobus Johannes Fouché |
Persoonlike besonderhede | |
| Gebore | 19 Januarie 1896 Houtenbeck, Merweville, Kaapkolonie |
| Sterf | 1 Julie 1967 (op 71) Bredasdorp, Suid-Afrika |
| Nasionaliteit | Suid-Afrikaner |
| Politieke party | Nasionale Party |
| Eggenoot/-note | Christina Wiese |
Hy is op Houtenbeck in die Merweville-distrik van die Kaapkolonie gebore as seun van Marthinus Frederik Erasmus en Hester Maria Jacoba Maritz.
Gesinslewe
Erasmus was aanvanklik getroud met Christina Wiese van Melsetter in die destydse Suid-Rhodesië. Hulle het 'n seun en 'n dogter gehad. Op 9 Januarie 1946 trou hy met Cornelia Margaretha (Corrie) Naudé van Lydenburg. Hulle het drie dogters gehad.
Loopbaan
In 1927 word hy as adjunk-prokureurgeneraal van Suidwes-Afrika aangestel. Daarna betree hy die politiek en word in 1933 tot die parlement verkies. Hy het in 1948 by D.F. Malan se kabinet aangesluit as die Minister van Verdediging. Hy word allerweë as onbevoeg beskou en was baie ongewild vanweë sy breë veranderings aan die weermag om wat hy die 'Britse invloed' genoem het, te verwyder. Dit sluit in die verwydering van items soos die Red Tabs (Rooi Luise) en die aflegging of afdanking van talle Engelssprekende offisiere en die aanstelling van Afrikaners in hul plek.
Ná sy termyn as Minister van Justisie word hy aangestel as ambassadeur in Italië.
Verwysings
This article uses material from the Wikipedia Afrikaans article Frans Erasmus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.