'n Eier is waarin die sigoot van sommige diere, wat nie aan lewendige babas geboorte gee nie, geleë is
Sommige diere, veral soogdiere, behou die sigoot binne hul lywe waar dit sal groei totdat dit gereed is om gebore te word. Sommige diere behou nie die sigoot in hul lyf nie, maar lê 'n eier waarin die sigoot is. Die eier voed en beskerm die embrio. Wanneer die baba uiteindelik gereed is, sal dit vanuit die eier ontwaak.
Diere wat eiers lê, sluit in visse, reptiele, amfibieë, en voëls. Monotremata is die enigste soogdiere wat eiers lê. Die meeste insekte en arachnides lê ook eiers.
Die volstruis is tans die dier wat die grootste eiers lê en die kolibri (Engels:Hummingbird) die kleinste van die voëleiers, teen 'n halwe gram. Die 1,5 kg (3,3 pond) volstruiseier is tans die grootste bekend, alhoewel die uitgestorwe Aepyornis en sommige dinosaurusse groter eiers gelê het.
Die eiers van sommige reptiele asook meeste visse is heelwat kleiner, en dié van insekte en ander ongewerweldes selfs mikroskopies klein.
Die eiers van die meeste voëls kan algemeen as voedsel geëet word.
This article uses material from the Wikipedia Afrikaans article Eier (biologie), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.