Die Wonder van Afrikaans was ‘n landswye fees wat in 1959 gehou is om die ontstaan van Afrikaans as taal te vier.
In 1959 het die Suid-Afrikaanse Akademie vir Wetenskap en Kuns sy 50ste en die FAK sy 30ste bestaansjaar herdenk. Hierdie twee organisasies het baie gedoen om Afrikaans te handhaaf en te bou. Die kultuurleier Douglas Fuchs het die tema “Die Wonder van Afrikaans” aan die hand gedoen en die FAK het daarop in April en Mei taalfeeste regoor die land gehou, selfs tot in Namibië, Zimbabwe, Nederland en België. Verskeie feesgeskrifte het verskyn om die aandag te vestig op Afrikaans as kultuurtaal, sy snelle aanvaarding en verspreiding en sy stryd teen oorheersing van die wêreldtaal Engels. Hierdie feesvierings sowel as 1960 se Uniefees het baie gedoen om die geesdrif vir die groeiende Afrikaner-nasionalisme gaande te hou. Dit dra dan ook beduidend by tot die stigting van die Republiek van Suid-Afrika in 1961.
This article uses material from the Wikipedia Afrikaans article Die Wonder van Afrikaans, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.