Clanwilliam-Rooivlerkie
Die Clanwilliam-rooivlerkie (Barbus calidus) is 'n varswatervis wat endemies is aan die Olifantsrivier in die Namakwaland van die Wes-Kaap.
In Engels staan die vis bekend as die Clanwilliam redfin.
| Clanwilliam-rooivlerkie | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | Barbus (betwis) |
| Spesie: | B. calidus |
| Binomiale naam | |
| Barbus calidus Barnard, 1938 | |
Voorkoms
Die vis se kop is gepunt met groot oë en daar is ook twee baarde om die mond. Die vis is bruin aan die bokant, silwer aan die onderkant met 'n breë donker band wat horisontaal strek oor die lyf vanaf die kieue tot by die stert. Daar is onreëlmatige donker kolle op die bokant van die vis. Die basis van die vinne is helderrooi. Die vis word 82 mm lank.
Habitat en broeigedrag
Die vis leef in groot, diep poele in helder strome. Hulle vreet hoofsaaklik insekte wat hulle vang op die wateroppervlakte. Gedurende die broeiseisoen in die somer, ontwikkel beide geslagte tuberkels op die kop en rug.
Bewaring
Die spesie is bedreigd en word deur die IUBN geklassifiseer as 'n kwesbare spesie. Hul grootste vyand is die uitheemse baars, familie Micropterus.
Sien ook
Bron
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
Verwysings
Eksterne skakel
This article uses material from the Wikipedia Afrikaans article Clanwilliam-rooivlerkie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.