Bhoetanese Ngultrum: Geldeenheid van Bhoetan

Dit word verdeel in 100 chhertum (Dzongkha: ཕྱེད་ཏམ, IFA: pt͡ɕʰɛ́ˈtám, tot in 1979 op munte gespel "chetrum"). Die ngultrum is tans teen pariteit aan die Indiese roepee vasgepen. Die term "ngultrum" kom van die Dzongkha woord ngul, "silwer", en die Hindi-leenwoord trum, "geld".

 

Tot 1789 het die muntstukke van die Cooch Behar-munt in Bhoetan gesirkuleer. Hierna het Bhoetan begin met die uitreiking van sy eie munte, bekend as chetrum, meestal silwer ½ roepies. Gehamerde silwer- en kopermuntstukke was die enigste soorte wat tot 1929 uitgereik is, toe moderne silwer ½ rupee-muntstukke in die moderne styl in sirkulasie gebring is, gevolg deur brons 1 paisa in 1931 (gedateer 1928). Nikkel ½ rupee-muntstukke is in 1950 bekendgestel.

Terwyl die Cooch Behar-muntstukke saam met Bhoetan se eie muntstukke gesirkuleer is, is desimalisasie in 1957 ingestel, toe Bhutan se eerste uitryking van muntstukke in naya paisa gedenomineer is. Die uitgawes van 1966 was 25 naya paisa, 50 naya paisa en 1 rupee-muntstukke, wat in koper-nikkel vervaardig is.

Terwyl Bhoetan se ekonomie in die 1960's ontwikkel het, het monetisering in 1968 gelei tot die stigting van is die Bank van Bhoetan in 1968. Tydens geldhervormings in 1974 het die ngultrum amptelik die geldeenheid geword, verdeel in 100 chhetrum gelyk aan 1 ngultrum. Die ngultrum is vasgepen op gelyke waarde met die Indiese roepee, wat die Bhutanse muntstukke gehandhaaf het.

Die Bhoetanese departement van finansies het die eerste nuwe banknote in 1974 uitgegee met die waardes Nu.1, Nu.5, Nu,10 en Nu.100. Nadat die Koninklike Monetêre Owerheid van Bhoetan in 1982 gevestig is as die land se sentrale bank, het dit die uitreiking van banknote by die regering oorgeneem. In 2006 is die jongste reeks note uitgereik, met waardes van Nu.1, Nu.5, Nu.10, Nu.20, Nu.50, Nu.100, Nu.500 en Nu.1000.

In 1974 is aluminium Ch.5 en Ch.10, aluminium-brons Ch.20 en cupro-nikkel Ch.25 en Nu.1 bekendgestel. Die Ch.5 was vierkantig en die Ch.10 was kammosselvormig. 'n Nuwe muntstuk is in 1979 bekendgestel, bestaande uit brons Ch.5 en Ch.10, en koper-nikkel Ch.25 en Ch.50 en Nu.1 en Nu.3. Ch.25 van aluminium-brons is ook in 1979 uitgereik. Die Ch.5 en Ch.10 het grotendeels opgehou om te sirkuleer. Tans is muntstukke beskikbaar in die denominasies van Ch.20, Ch.25, Ch.50 en Nu.1.

• Panish, Charles K: "Early Coinage of Bhutan". The American Numismatic Society, Museum Notes 17, New York 1971, p. 247-254 and plates XLVII-XLVIII.
• Rhodes, Nicholas:The Coinage of Bhutan. Oriental Numismatic Society, Information Sheet no 16, January 1977.
• Rhodes, Nicholas: "Coinage in Bhutan".Journal of Bhutan Studies.. The Centre of Bhutan Studies, vol. 1, no. 1, Thimphu, Autumn, 1999, p. 84-113.
• Rhodes, Nicholas: "The Monetisation of Bhutan". Journal of Bhutan Studies.. The Centre of Bhutan Studies, vol. 2, no. 1, Thimphu, Winter 2000, p. 85-103.

• Wiki Afrikaans  Wiki Commons het meer media in die kategorie Bhoetanese ngultrum.
• Analysis of Pegged Exchange Rate Between Bhutan and India
• Historical and current banknotes of Bhutan
• http://himalaya.socanth.cam.ac.uk/collections/journals/jbs/pdf/JBS_01_01_04.pdf
• http://himalaya.socanth.cam.ac.uk/collections/journals/jbs/pdf/JBS_02_02_03.pdf
• https://web.archive.org/web/20120806142959/http://picasaweb.google.com/Vercrusse/Bhutan_Coins02

Hierdie artikel is in sy geheel of gedeeltelik vanuit die Engelse Wiki vertaal.