Bagad De Lann-Bihoué
Die Bagad de Lann-Bihoué is as die bekendste Bretonse bagad-groep in 1952 op die Franse vloot- en lugmagbasis van Lann-Bihoué naby Lorient (département Morbihan) gestig.
Sedert 1956 verteenwoordig die groep met 'n dertigtal musikante die Nasionale Vloot van Frankryk. Hulle streef saam met ander musikale kunstenaars daarna om die kulturele en musikale erfenis van Bretagne te bewaar.
Bagad de Lann-Bihoué | |
|---|---|
 | |
| Agtergrondinligting | |
| Oorsprong | Département Lorient, Bretagne, Frankryk |
| Genres | Bretonse musiek |
| Instrumente | Bombarde, doedelsak, slaginstrumente |
| Jare aktief | 1952 - hede |
| Etikette | EMI |
| Webwerf | Bagad de Lann-Bihoué |
Die lede van die groep (wat sedert 2001 ook dames insluit) speel instrumente soos die biniou braz of cornemuse écossaise (Skotse doedelsak), die bombarde ('n oosterse voorloper van die hobo wat tydens die kruistogte na Europa ingevoer word en nou verwant is aan byvoorbeeld die Marokkaanse raïta), caisses claires en percussions (slagwerk). Hulle tree gereeld in Frankryk en die buiteland op, dikwels met ander bekende verteenwoordigers van Keltiese musiek soos Alan Stivell en Carlos Nuñez, en het ook 'n aantal langspelers vrygestel.
Op 29 Maart 2004 is Bagad de Lann-Bihoué deur die Franse Posdiens (La Poste) met 'n spesiale posseël vereer.
Diskografie
- 1982 : 30e Anniversaire 1952-1982, ed. Keltia Musique
- 1989 : Bagad de Lann-Bihoué, ed. Keltia Musique
- 1991 : Marches, danses et mélodies, ed. Coop Breizh
- 1992 : 40e Anniversaire 1952-1992, ed. Coop Breizh
- 1996 : Glann Glaz, ed. Coop Breizh
- 1998 : Me gav hir an amzer, ed. Keltia Musique
- 2000 : Ar Mor divent, ed. Columbia Tristar, distr. Sony Music
- 2002 : Fromveur, ed. Sony Music
- 2005 : Kerbagad, ed. Coop Breizh / Label Production.
- 2007 : Bagad de Lann-Bihoué, ed. Keltia Musique
- 2007 : Bagad de Lann-Bihoué : 55 ans, ed. Coop Breizh / Label Production
- 2012 : Degemer Mat, ed. EMI
Verwysings
Eksterne skakels
- Media
This article uses material from the Wikipedia Afrikaans article Bagad de Lann-Bihoué, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.