Anadoluhisarı
Die Anadoluhisarı, Kasteel van Anatolië of Fort van Asië is ’n fort in Istanboel, Turkye, aan die Asiatiese kant van die Bosporus.
Dit is tussen 1393 en 1394 deur die Ottomaanse sultan Bajezid I laat bou tydens die beleg van Konstantinopel om te keer dat hulp die stad bereik.
Beskrywing
Die fort is aan die nouste deel van die Bosporus geleë, regoor Rumelihisarı, nog ’n fort wat tussen 1451 en 1452 deur sultan Mehmet II laat bou is voordat hy Konstantinopel verower het.
Anadoluhisarı het ’n 25 meter hoë toring binne die mure van ’n ongelyke pentagoon met vyf torings op die hoeke. Dit is die oudste Turkse gebou in Istanboel. Ná die val van Konstantinopel was dit ’n militêre tronk.
Vandag
Die fort is van 1991 tot 1993 gerestoureer. Vandag skep dit ’n mooi prentjie met die ou houthuise in die omgewing. Dit is ’n museum, maar is nie oop vir die publiek nie. Die Fatih Sultan Mehmet-brug oor die Bosporus is net noord daarvan.
Sien ook
Verwysings
- Hierdie artikel is merendeels vertaal vanaf die Engelse Wikipedia-artikel en:Anadoluhisarı
Eksterne skakels
| Wiki Commons bevat media in verband met Anadoluhisarı. |
- Argitektuurmuseum Geargiveer 18 Januarie 2006 op Wayback Machine (tr)
29°04′01″O / 41.08194°N 29.06694°O
This article uses material from the Wikipedia Afrikaans article Anadoluhisarı, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.