Bergskilpad

Bergskilpad
'n Bergskilpad, ca. 3 jaar oud
Bewaringstatus
Veilig (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Sauropsida
Orde:	Testudines
Suborde:	Cryptodira
Superfamilie:	Testudinoidea
Familie:	Testudinae
Genus:	Stigmochelys Gray, 1873
Spesie:	S. pardalis
Binomiale naam
Stigmochelys pardalis (Bell, 1828)

Bergskilpaaie wei in semi-droë, doringagtige en grasveldareas, hoewel hulle by uitsondering in natter gebiede opgemerk word. In sowel bloedig warm as yskoue weer kan hulle hul toevlug tot verlate jakkals- en erdvarkgate neem. Die enigste rede vir 'n bergskilpad om self te grawe is om 'n nes te maak om eiers in te lê.

Hulle het tot ses neste, elk met ses tot 15 eiers. Die eiers word in die somer gelê en broei 10 tot 15 maande later uit. Die kleintjies kan met Bell se skarnierskilpad verwar word.

Die dieet bestaan hoofsaaklik uit verskillende soorte gras, bene en hiënamis. Hulle vreet ook vetplante en distels, en in gevangeskap kaktusse.

Bergskilpaaie is gemiddeld 30 tot 45 cm (maksimum 70 cm) lank. Hulle word gewoonlik tussen 80 en 100 jaar oud. Dit is die grootste en die mees wydverspreide landskilpad in die Suider-Afrikaanse streek.

•  
  Drie bergskilpaaie in 'n dieretuin.
•  
  Kleintjie, een maand oud.
•  
  Onvolwasse skilpad van drie jaar oud.
•  
  Die een vreet plantmateriaal.
•  
  Wyfie met haar pote onder haar dop ingetrek.
•  
  Die karapaks (bo-dop) van naby.
•  
  Die karapaks vervaag by ouer skilpaaie.
•  
  'n Bergskilpad in die Addo-olifant Nasionale Park.

• (2012) Die veldwagter stap saam. Pretoria: BRIZA PUBLIKASIES, 190-191. ISBN 978-1-920217-18-1
• Sasol Eerste Veldgids tot Slange & Ander Reptiele van Suider-Afrika. Kaapstad, 2000. ISBN 978-1-86872-188-7

• Wiki Afrikaans  Wiki Commons het meer media in die kategorie Bergskilpad.

• Wiki Afrikaans  Wikispecies het meer inligting verwant aan Bergskilpad