Арап Чĕлхи

Ку чĕлхепе калаçакансен йышĕ 250 млн яхăн. Çыруллăхĕ арап çыруллахĕ çинче никĕсленет. Алжир, Бахрейн, Египет, Анăç Сахара, Иордани, Ирак, Йемен, Катар, Кувейт, Ливан, Ливи, Мавритани, Марокко, АПЭ, Оман, Палестина, Сауд Аравийĕ, Сири, Судан, Тунис патшалăхĕсенче ку чĕлхепе халăхăн ытларах пайĕ калаçать. Израильпе Иранра та калаçакансен йышĕ пысăк.

Ку чĕлхе нумай патшалăхра официаллă челхе шутне кĕрет: Алжир, Бахрейн, Джибути, Египет, Анăç Сахара, Израиль, Иордани, Ирак, Йемен, Катар, Комор утравĕсем, Кувейт, Ливан, Ливи, Мавритани, Марокко, АПЭ, Оман, Палестина, Сауд Аравийĕ, Сири, Судан, Тунис, Чад, Эритрея.

Хальхи арап чĕлхи пилĕк диалект ушкăнĕ çине пайланать. Чĕлхе пĕлĕвĕ тăрăх вĕсем уйрăм чĕлхесем шутланмалла:

• Магриб диалекчĕсен ушкăнĕ (="чĕлхе")
• Египетпа Судан диалекчĕсен ушкăнĕ (="чĕлхе")
• Сирипе Мессопотами диалекчĕсен ушкăнĕ (="чĕлхе")
• Арави диалекчĕсен ушкăнĕ (="чĕлхе")
• Вăтам Ази диалекчĕсен ушкăнĕ (="чĕлхе")

Пĕрремĕш ушкăн анăç енчисем шутне, ыттисем вара хĕвелтухăç енчисем шутне кĕреççĕ. Литератури чĕлхи пĕрре. Диалексенчен хăшĕ-пĕрисем ыттисенчен питĕ вăйлă улшăнса тăнăран калаçакансем пĕр-пĕрне ăнланманни те тĕл пулать.

Арап çырăвĕнче сылтăмран сулахаялла çыраççĕ. Пайăр ятсене тата предложени пуçламăшĕнчи саспаллисене пысăкран çырмаççĕ. Пунктуаци паллисене çавăрса çыраççĕ.

Арап чĕлхинче виçĕ падеж: тĕп, камăнлăх тата айăплав, виçĕ уçă сасă: а, у, и, аль артикльпа, çуклăх форми ля префикспа.

• Арап чĕлхин урокĕсем