ମାଇକ୍ରୋସଫ୍ଟ ଉଇଣ୍ଡୋଜ ମାଇକ୍ରୋସଫ୍ଟ ଅପରେଟିଙ୍ଗ ସିଷ୍ଟମ ପରିବାରର ଏକ ସଦସ୍ୟ । ଏହା ମଧ୍ୟରେ ଅନେକ ଛୋଟ ଛୋଟ ଅପରେଟିଙ୍ଗ ସିଷ୍ଟମ ରହିଛି । ବର୍ତ୍ତମାନର ସବୁଠୁ ଅଧିକ ବ୍ୟବହାର ହେଉଥିବା ଉଇଣ୍ଡୋଜ ପରିବାରର ସଦସ୍ୟମାନଙ୍କ ମଧ୍ୟରୁ ଉଇଣ୍ଡୋଜ ଏନ୍ ଟି, ଉଇଣ୍ଡୋଜ ଏମ୍ବେଡେଡ଼, ଏବଂ ଉଇଣ୍ଡୋଜ ଫୋନ୍ ଅନ୍ୟତମ ।
କମ୍ପାନୀ / ସଫ୍ଟୱେର ଗଢ଼ାଳି | ମାଇକ୍ରୋସଫ୍ଟ |
---|---|
ପ୍ରଗ୍ରାମ କେଉଁଠି କରାଯାଇଛି: | C, C++, Assembly |
କାମର ସ୍ଥିତି | Publicly released |
ସ୍ରୋତ ମଡ଼େଲ | Closed / Shared source |
ଆରମ୍ଭ ସଂସ୍କରଣ | ନଭେମ୍ବର 20, 1985 | , as Windows 1.0
ବ୍ୟବସାୟିକ ଲକ୍ଷ | Personal computing |
ମିଳୁଅଛି ଭାଷା | 137 languages |
ଅପଡେଟ କରିବା ପ୍ରଣାଳୀ |
|
ପ୍ୟାକେଜ ମ୍ୟାନେଜର | Windows Installer (.msi), Windows Store (.appx) |
ସହାୟକ ପ୍ଲାଟଫର୍ମ | ARM, IA-32, Itanium, x86-64, DEC Alpha, MIPS, PowerPC |
କର୍ନେଲ ପ୍ରକାର |
|
ଡିଫଲ୍ଟ ଇଉଜର ଇଣ୍ଟରଫେସ | Windows shell |
ଲାଇସେନ୍ସ | Proprietary commercial software |
ୱେବସାଇଟ | windows |
ମାଇକ୍ରୋସଫ୍ଟ ନଭେମ୍ବର ୨୦, ୧୯୮୫ରେ ପ୍ରଥମ ଥର ପାଇଁ ନିଜର ଅପରେଟିଙ୍ଗ ସିଷ୍ଟମ ବିଶ୍ୱ ସମ୍ମୁଖରେ ଉପସ୍ଥାପନ କରିଥିଲା । ଏହା ଏମ ଏସ ଡସ୍ର ଏକ ଗ୍ରାଫିକାଲ ଇଣ୍ଟରଫେସ ନାମରେ ପରିଚିତ ହେଲା ।
ଜୁଲାଇ ୨୦୧୫ରେ ଉଇଣ୍ଡୋଜ ୧୦, ଏହି ଉଇଣ୍ଡୋଜର ସବୁଠାରୁ ନୂଆ ଅପରେଟିଙ୍ଗ ସିଷ୍ଟମ ଭାବେ ପରିଚିତ ହୋଇଥିଲା । ଯାହାକି ବର୍ତ୍ତମାନ କମ୍ପ୍ୟୁଟର, ଟାବଲେଟ, ଏବଂ ଉଇଣ୍ଡୋଜ ମୋବାଇଲରେ ବ୍ୟବହାର ହେଉଛି । ଆଗକୁ ଆସୁଥିବା ଉଇଣ୍ଡୋଜ ମଧ୍ୟରେ ଉଇଣ୍ଡୋଜ ସର୍ଭର ୨୦୧୬ ଅନ୍ୟତମ ।
ଅଦ୍ୟାବଧି ଭିନ୍ନ ଭିନ୍ନ ଧରଣର ଉଇଣ୍ଡୋଜ ଅପରେଟିଙ୍ଗ ସିଷ୍ଟମ ଦେଖିବାକୁ ମିଳୁଛି । ୨୦୧୪ ସୁଦ୍ଧା ନିମ୍ନ ଉଇଣ୍ଡୋଜର ପ୍ରକଳ୍ପଗୁଡ଼ିକ ଗାଢା ଯାଇ ଥିଲା ।
୧. ଉଇଣ୍ଡୋଜ ଏନ.ଟି: ଏହା ଉଇଣ୍ଡୋଜ ଏନ.ଟି ୩.୧ ପରିବାରର ଏକ ସଦସ୍ୟ ଭାବରେ ସର୍ଭର କମ୍ପ୍ୟୁଟରଗୁଡ଼ିକ ପାଇଁ ତିଆରି କରାଯାଇଥିଲା ।
ନିମ୍ନ ଲିଖିତ ସଂସ୍କରଣଗୁଡ଼ିକ ଆଉ ବ୍ୟବହାର କିମ୍ବା ଉନ୍ନତିକରଣ କରାଯାଉ ନାହିଁ ।
ଉଇଣ୍ଡୋଜ ଶବ୍ଦଟି ସାମୁହିକ ଭାବରେ ମାଇକ୍ରୋସଫ୍ଟ ପରିବାରର ସମସ୍ତ ଅପରେଟିଙ୍ଗ ସିଷ୍ଟମମାନଙ୍କୁ ବୁଝାଏ । ଏହାର ଇତିହାସ ବହୁତ ପୁରୁଣା । ଯାହାକି ୧୯୮୧ ମସିହାରୁ ଆରମ୍ଭ ହୋଇଥିଲା ।
ଉଇଣ୍ଡୋଜର ପ୍ରଥମ ସଂସ୍କରଣ ଉଇଣ୍ଡୋଜ ୧.୦ ସେପ୍ଟେମ୍ବର ୧୯୮୧ରେ ଚେସ ବିସ୍ହପଙ୍କଦ୍ୱାରା ଉଦ୍ଭାବନ ହୋଇଥିଲା । ଏବଂ ନାବେମ୍ବର ୧୯୮୩ରେ ଏହାକୁ ବଜାରରେ ଛଡା ଯାଇଥିଲା । ଆପଲର Macintoshକୁ ଲକ୍ଷ୍ୟ ରଖି ଏହାର ଉଦ୍ଭାବନ ହୋଇଥିଲା ।
ଉଇଣ୍ଡୋଜ ୧ ଏକ ସମ୍ପୂର୍ଣ୍ଣ ଅପରେଟିଙ୍ଗ ସିଷ୍ଟମ ନଥିଲା । ବରଂ ଏହା ଡସ୍ ଅପରେଟିଙ୍ଗ ସିଷ୍ଟମର ଏକ ଗ୍ରାଫିକାଲ ରୂପାନ୍ତର ଥିଲା ।ଏହା ସହିତ ଏଥିରେ କଲ୍କୁଲେଟର, କ୍ୟାଲେଣ୍ଡର, ଘଣ୍ଟା, ନୋଟ ପ୍ୟାଡ଼ ଇତ୍ୟାଦି ମଧ୍ୟ ଯୋଡ଼ା ଯାଇଥିଲା ।
ଡିସେମ୍ବର ୧୯୮୭ରେ ପ୍ରଥମ ଥର ପାଇଁ ଉଇଣ୍ଡୋଜ ୨ ପଦାକୁ ଆସିଥିଲା । ଉଇଣ୍ଡୋଜ ୧ ତୁଳନାରେ ଏହା ଅଧିକ ଲୋକପ୍ରିୟ ହୋଇପାରିଥିଲା । ଏଥିରେ ଅନେକ ଗୁଡ଼ିଏ ଜିନିଷ ନୂଆ ଯୋଡ଼ା ଯାଇ ଅପରେଟିଙ୍ଗ ସିଷ୍ଟମ ଟିକୁ ଉନ୍ନତ କରାଯାଇଥିଲା । ଉଇଣ୍ଡୋଜ ୨ରେ ପ୍ରଥମକରି କିବୋର୍ଡ଼ ସର୍ଟକଟର ବ୍ୟବହାର କରାଯାଇଥିଲା ।
ଉଇଣ୍ଡୋଜ ୩.xର ନିର୍ମାଣ ୧୯୯୦ ମସିହାରେ ହୋଇଥିଲା । ଏହା ପୂର୍ବ ଉଇଣ୍ଡୋଜ ତୁଳନାରେ ବହୁତ ଉନ୍ନତ ଥିଲା । ଏଥିରେ ପ୍ରଥମଥର ପାଇଁ ଭରଚୁଆଲ ମେମୋରୀର ବ୍ୟବହାର ହୋଇଥିଲା ।
ଉଇଣ୍ଡୋଜ ୩ରେ ମଲ୍ଟିଟାସ୍କିଂଗର ବ୍ୟବସ୍ଥା ମଧ୍ୟ ରହିଥିଲା । ଏଥିରେ ଥିବା ପ୍ରୋଗ୍ରାମ ଗୁଡିକୁ ସୁରକ୍ଷିତ ଭାବରେ ଚଳାଇବାର ବ୍ୟବସ୍ଥା ମଧ୍ୟ ଏଥିରେ ରହିଥିଲା । ପରବର୍ତ୍ତୀ ସମୟରେ ଏହି ଉଇଣ୍ଡୋଜ ୩କୁ ଅସସେମ୍ବଲି ଲାଙ୍ଗୁଏଜରେ ଲେଖା ଯାଇଥିଲା । ଉଇଣ୍ଡୋଜ ୩ ହେଉଛି ମାଇକ୍ରୋସଫ୍ଟର ପ୍ରଥମ ଅପରେଟିଙ୍ଗ ସିଷ୍ଟମ ଯାହାକି ବ୍ୟବହାର କାରୀଙ୍କ ମଧ୍ୟରେ ସଫଳତା ଅର୍ଜନ କରିପାରିଥିଲା ।
ଏହା ପରେ ମାର୍ଚ୍ଚ ୧, ୧୯୯୨ରେ ଉଇଣ୍ଡୋଜ ୩.୧ ପ୍ରସ୍ତୁତ ହୋଇଥିଲା । ଯେଉଁଥିରେ ଗ୍ରୁପର ବ୍ୟବସ୍ଥା ହୋଇଥିଲା । ପରବର୍ତ୍ତୀ କାଳରେ ଏହାର ଚାଇନିଜ ସଂସ୍କରଣ ଉଇଣ୍ଡୋଜ ୩.୨ , ୧୯୯୪ ମସିହାରେ ତିଆରି କରାଯାଇଥିଲା ।
ନଭେମ୍ବର ୧୯୮୮ ମସିହାରେ ମାଇକ୍ରୋସଫ୍ଟର ଏକ ନୂଆ ଦଳ ଆଇ.ବି.ଏମ ଏବଂ ମାଇକ୍ରୋସଫ୍ଟର ଏକ ନୂତନ ଅପରେଟିଙ୍ଗ ସିଷ୍ଟମ ଡିଯାଇନ କରିବାରେ ଲାଗିଥିଲେ ଯାହାକି ବ୍ୟବହାରକାରୀଙ୍କୁ ଅଧିକ ସୁରକ୍ଷା ପ୍ରଦାନ କରି ପାରିବ, ଏବଂ ବ୍ୟବହାରକାରୀ ଏହା ମାଧ୍ୟମରେ ଏକ ସମୟରେ ଏକାଧିକ କାମ କରିପାରିବେ । ଏହି ଲକ୍ଷ୍ୟକୁ ଆଖିରେ ରଖି ଉଇଣ୍ଡୋଜ NTର ଉଦ୍ଭାବନ ହୋଇଥିଲା ।
ଜୁଲାଇ ୧୯୯୩ ମସିହାରେ ଏହାର ପ୍ରଥମ ସଂସ୍କରଣ ଉଇଣ୍ଡୋଜ NT ୩.୧ ବ୍ୟାଭରକାରୀଙ୍କ ପାଖରେ ପହଂଚି ପାରିଥିଲା । ଏହା ପରେପରେ ଏହାର ଡେସ୍କଟପ ଏବଂ ସର୍ଭର ପାଇଁ ମଧ୍ୟ ନୂଆ ସଂସ୍କରଣ ବାହାରିଥିଲା ଯାହାକି ଉଇଣ୍ଡୋଜ NT ୩.୫ ନାମରେ ପରିଚିତ ହୋଇପାରିଥିଲା ।
ଉଇଣ୍ଡୋଜ CEକୁ ଅନ୍ୟତ୍ର ଉଇଣ୍ଡୋଜ ଏମ୍ବେଡେ଼ଡ଼ କଂପ୍ୟାକ୍ଟ ବୋଲି ମଧ୍ୟ କୁହ ଯାଏ । ଏହା ଏପରି ଏକ କମ୍ପ୍ୟୁଟର ସିଷ୍ଟମ ଯାହାକି ଅଟୋ ସୂକ୍ଷ୍ମ କମ୍ପ୍ୟୁଟରରେ ବ୍ୟବହାର ହୋଇଥାଏ । ସାଟେଲାଇଟ କମ୍ପ୍ୟୁଟରରେ ଏହାର ବହୁତ ବ୍ୟବହାର ଦେଖିବାକୁ ମିଳିଥାଏ ।
ସାଧାରଣତଃ ପର୍ଶନଲ କମ୍ପ୍ୟୁଟରଗୁଡ଼ିକ ବ୍ୟକ୍ତିଗତ କାର୍ଯ୍ୟ ପାଇଁ ପ୍ରସ୍ତୁତ ହୋଇଥାଏ । ସେଥିପାଇଁ ଏଥିରେ ଅତିରିକ୍ତ ସୁରକ୍ଷାର ବ୍ୟବସ୍ଥା କରାଯାଇନଥାଏ । କିନ୍ତୁ ଉଇଣ୍ଡୋଜ NT ପରି ଅନ୍ୟ କେତେକ ଓଏସ୍ କେବଳ ସୁରକ୍ଷା ପ୍ରଦାନ କରିବା ପାଇଁ ପ୍ରସ୍ତୁତ ହୋଇଛି । କିନ୍ତୁ ପ୍ରାଥମିକ ଅପରେଟିଙ୍ଗ ସିଷ୍ଟମଗୁଡ଼ିକ ଏହି ସୁରକ୍ଷା ବ୍ୟବସ୍ଥା ସହ ଆସି ନଥିଲା ।
ଯେହେତୁ ବ୍ୟବହାରକରି କମ୍ପ୍ୟୁଟରରେ ନିଜର ପ୍ରାୟ ସମସ୍ତ ତଥ୍ୟ ସଂରକ୍ଷଣ କରିବାକୁ ଚାହେଁ, ସେଠି ପାଇଁ କମ୍ପ୍ୟୁଟରରେ ସୁରକ୍ଷାର ବ୍ୟବସ୍ଥା ଅତି ଗୁରୁତ୍ୱ ପୂର୍ଣ ।
କମ୍ପ୍ୟୁଟର ସୁରକ୍ଷା କ୍ଷେତ୍ରରେ ଦୈନିକ ଆଖିକୁ ଆସୁଥିବା ସମସ୍ୟ ମାନଙ୍କ ମଧ୍ୟରେ କମ୍ପ୍ୟୁଟର ଭାଇରସ ଅନ୍ୟତମ । ଦୈନିକ ୧୦୦୦ ନୂଆ ଭାଇରସ ବୈଜ୍ଞାନିକମାନେ ଆବିଷ୍କାର କରୁଛନ୍ତି । ଆଜି ଯାଏଁ କ୍ୟାସ୍ପରସ୍କଏ ଲ୍ୟାବଦ୍ୱାରା ୧୧,୦୦୦ ଭାଇରସ ଆବିଷ୍କାର ହୋଇ ସରିଛି ।
This article uses material from the Wikipedia ଓଡ଼ିଆ article ମାଇକ୍ରୋସଫ୍ଟ ଉଇଣ୍ଡୋଜ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.