蟻

蟻
蟻
物種分類
界 動物界 Animalia 門 節肢動物門 Arthropoda 綱 昆蟲綱 Insecta 目 膜翅目 Hymenoptera 科 蟻科 Formicidae

蟻有真社會性，種種蟻群入面，都有蟻后，佢哋中意羣居生活，齊齊做嘢。

蟻其中一樣出名嘅嘢，係有真社會性（eusociality）：蟻乸分做工蟻同蟻后，當中蟻后通常成個竇得一隻，而工蟻數量就閒閒哋成千上萬；蟻后會係噉生幼蟲，同時啲工蟻冇生殖能力，要合力照顧蟻后啲幼蟲，唔同年紀嘅工蟻一齊做呢樣嘢；蟻喺生理上仲高度專化－工蟻淨係負責做嘢，唔曉繁殖，而蟻后就通常淨係識繁殖，唔曉搵食或者照顧幼蟲。

 

 

有部份物種嘅蝴蝶（例如多種嘅灰蝶）會同蟻形成互利共生（mutualism）嘅關係：呢啲灰蝶幼蟲嘅身體有特殊構造，識得釋放一啲特殊化學物質同蟻溝通，吸引啲蟻過嚟；同時，隻幼蟲嘅身體曉分泌一啲蜜露（honeydew；一種富含糖份嘅黐立立液體），而呢啲蜜露對於蟻嚟講係好有用嘅糧食，所以啲蟻就會好樂意噉幫手保護隻蝴蝶幼蟲－於是乎隻蝴蝶幼蟲同啲蟻就形成咗一種互惠互利嘅關係。

另一方面，又有啲物種嘅蝴蝶幼蟲會用呢一點嚟去整蠱同利用啲蟻：大藍蝶（Phengaris arion）嘅幼蟲會吸引啲蟻帶佢返去佢哋嗰個（好安全嘅）蟻丘嗰度，跟住隻大藍蝶幼蟲會寄生喺個蟻丘度，以食啲蟻嘅幼蟲同卵嚟維生。

• 硼酸

• 蜜蜂
• 白蟻

• 蟻懶（laan1）：形容慢吞吞
• 一身蟻：形容惹禍上身
• 蟻多嬲死象：即以多制少
• 蟻民：（帶貶義）通常指身份地位低微到好似蟻一樣嘅市民，常見於自嘲、自貶