湯文亮

湯文亮後生跟過澳門賭王傅老榕、傅三夫人等人學賭技同埋賭場管理。1966年澳門發生暴動，湯文亮去香港浸會書院讀會計（或者化學），讀咗一年就同屋企人去加拿大讀書。

佢學成之後返咗香港，跟姐夫廖烈正學做生意，而廖烈正本身係廖創興銀行嘅家族成員。去到1976年，佢同佢家姐廖湯慧靄、細佬湯子亮一齊創立咗紀惠集團。佢名義上係集團創辦人之一不過主要營運者係佢家姐，因佢本人除賭技外並無其他專長，只憑家姐餘蔭先可當個掛名主席。

• 世界華商投資基金會「世界傑出華人獎」（2010年）
• 香港浸會大學榮譽大學院士（2016年）

湯文亮曾經多次發表一啲親中嘅政治觀點，有時會混雜假新聞，佢又喺中美貿易戰經常喺報紙專欄撰文力撐中國，呢啲亦同環繞佢嘅爭議有唔少關係。

針對《香港人權及民主法案》嘅言論

喺2020年3月9號，美股大幅下跌，湯文亮喺個人社交網站嗰度話，係因為佩洛西為咗幫香港社運人士而推出《香港人權與民主法案》所致，結果引起網民唔少批評，而美股股價亦喺第二日反彈。另外，佢又曾經喺2020年3月10號話，如果美國喺半年內實施人權法，佢就「將個file吞落肚」，而去到8月7號，美國宣布制裁11名侵犯香港人權自由嘅中港官員，佢就話制裁無關人權法，叫人唔好話佢輸。

否認新疆維吾爾族人人權問題

喺2021年3月29號，佢喺地產資訊網發表文章，否認新疆維吾爾族人種族滅絕問題，又話佢哋喺棉花田工作全部都係自願，唔係被逼奴役，歐美政府話幫佢哋其實係害咗佢哋。佢仲話，美國搵唔到證據證明新疆維吾爾族人種族滅絕嘅問題。

發佈17萬BNO移英港人回流假新聞

喺北京未經香港人同意強行訂立《港版國安法》之後，英國政府推出咗BNO簽證幫助香港人。湯文亮喺2023年4月發佈假新聞，話有17萬香港人攞住簽證之後回流，但之後被事實查核實驗室嘅人查證講法唔正確。