維基百科，自由嘅百科全書 Wiki 粵語 Cantonese 2021 - Study in China

粵文維基百科

海納百川有容乃大
人人都寫得嘅自由百科

有 119,532 篇文章

是日正文

順化，全名順化市，係越南中部位置嘅省直屬都市，係承天順化省嘅省會，面積7168平方公里，人口大約有35萬。順化所屬埞方係越南中部沿海平原。順化喺古代叫做富春、順化（越南文：Thuận Hóa／順化^*/?），而家喺越南語度叫做化，但華文依然叫佢嘅舊名做「順化」。

順化係越南嘅國家級都市，歷史上曾經係西山朝同阮朝（1802年～1945年）嘅京城，係越南古都，以歷史古蹟著稱，保有好多歷史嘅紀念物、建築物。1993年，喺呢座城市嘅順化京城同順化皇城（順化歷史建築群）畀聯合國教科文組織列做世界文化遺產。現今，呢座城市係越南中部喺好多方面嘅中心，如文化、政治、醫療、教育、遊歷、科學……順化最出名嘅嘢係香江，同埋啲王朝時代留低嘅遺產，呢座城市有五項越南UNESCO名號：除咗順化故都遺蹟群體之外，仲有順化宮廷雅樂（2003年）、阮朝木版（2009年）、阮朝硃本（2014年）、順化宮庭建築上嘅詩文系統（2016年）。當中嘅雅樂係宮廷表演藝術，登錄爲無形文化遺產。

順化漢名嘅由來，出自14世紀陳朝設置嘅順州、化州。呢兩個政區當中，攞佢哋頭字合成咗「順化」，呢個就係中文名嘅由來；順化城區所屬嘅係化州，隻「化」字嘅標準漢字音係hoá，由佢度訛轉，變成huế，座城市就喺越南文度噉樣稱呼做「化」。喺法國殖民時代，訪問順化嘅外國人稱呼呢座城市係用佢嘅西文名Hue，按照自己語種嘅拼讀法來讀音。(成篇文章……)

以前嘅正文：劉賓雁 – 生命 – 貓

歸檔 – 提名 – 全部68篇正文...

你知唔知...

...北哨兵島（圖）既係地球上比較少見嘅未接觸部落之一，又係當地居民反抗外地人後成日出現「殺人唔犯法」行爲之地？
...每年嘅9月18號係香港手語日？
...喺電腦科學上，一款數據結構會講明所包含嗰啲數值之間成咩關係？
...混合式學習係將傳統嘅面授教學同遙距網上教學兩種唔同嘅學習方法融合嘅教育模式？
...社會生物學嘗試由進化嘅角度解釋人類嘅社會行為？
...喺作曲嗰陣，作曲嘅人通常都會諗完主旋律先至諗伴奏等裝飾性嘅嘢？
...喺5D國際象棋入面，啲棋可以穿越時空返去過去，甚至去其他平行時空？
...喺化學上，空氣屬於一種混合物？

提名 – 歸檔 – 寫新文

是日靚畫

岑勇康係個美國華裔男演員，喺哥斯達黎加出世。亞爸係廣州人，亞媽係香港人。佢喺2002年出道，代表作有《臥虎藏龍：青冥寶劍》。

圖片來自：Gage Skidmore
舊圖 - 更多正圖...

時人時事

塔利班攻入阿富汗首都喀布爾，據報總統加尼已經離國。
成立咗48年嘅香港教育專業人員協會，以及成立咗19年嘅民間人權陣線，分別先後宣佈解散。
海地發生7.2級地震，至少300人死。
東京奧運（圖）因為疫情順延一年之後成功舉行。
頭一單涉及香港國家安全法嘅唐英傑案，被告唐英傑被控「煽動他人分裂國家罪」同「恐怖活動罪」罪名成立，判監九年。
中西歐發大水，比利時、荷蘭、德國、瑞士、法國等多國受災，已致兩百人死亡。
意大利同埋阿根廷分別贏出歐洲國家盃同美洲國家盃。
香港政府威脅取消民主派區議員資格兼追討薪津，觸發民主派區議員辭職潮。

維基新聞^{（英｜中）} – 訃聞 – 更多時人時事…

是日好文

雙人舞（法文：Pas de deux）喺芭蕾舞上係指由（通常一男一女）兩位舞蹈員一齊跳嘅一段舞：編舞師一般都會想飾演一齣芭蕾舞劇嘅男女主角嗰兩位舞蹈員一齊跳返幾段有浪漫氣氛嘅舞，表達「男女主角墮入愛河」嘅情節；而呢啲舞段往往會係成齣芭蕾舞劇最矚目嘅部份之一。

歸檔 – 提名 – 全部正文 – 全部好文...

當年今日

9月22號：世界無車日

1499年：瑞士（圖）變為一個獨立國。
1869年：華格納嘅歌劇Rheingold喺慕尼黑亮相。
1980年：伊拉克入侵伊朗。
1982年：英國首相戴卓爾夫人訪問中華人民共和國，向鄧小平等中國領導人表達對香港嘅主權交接嘅立場。戴卓爾夫人係頭一位在任英國首相訪問中國，而中國亦成為戴卓爾夫人頭一個訪問嘅共產國。
2006年：德國磁浮試驗線撞車事故，23死。

上幾日：9月21號 – 9月20號 – 9月19號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.

維基兄弟