香港中學文憑考試

喺新學制之下，所有學生可以修讀三年初中同三年高中教育。學生完成六年中學課程之後，可以參加評核學生學業程度嘅香港中學文憑考試（DSE）。第一屆文憑試喺2012年舉行，考生以學校考生為主。

大部分學校考生報考四個核心科目（中國語文、英國語文、數學同通識教育）同兩至三個選修科目。考生可喺甲類高中科目；乙類應用學習科目或丙類其他語言科目選取選修科目。

學校考生

考生一定要係已經獲批准參加香港中學文憑考試嘅註冊學校嘅中六正讀生，並喺嗰間學校嘅註冊地址上堂。

自修生

凡係符合以下任何一項條件，都可以自修生身分參加香港中學文憑考試：

• 曾經應考香港中學文憑考試，或相等考試，
• 喺嗰年1月1號計算，已經夠19歲，
• 唔係修讀香港中學文憑考試課程，但係喺考試前一年已經修畢或修讀緊等同中六嘅課程。

甲類科目

甲類科目嘅評級由考評局全權負責，為確保成績匯報嘅方式符合國際水平、而且透明度高同清晰明確，文憑試甲類科目採用水平參照模式匯報成績。考生喺甲類科目嘅表現分為五個等級（1-5級），第5級最高等級。獲得第5級嘅考生當中表現最佳嘅會獲得「5**」，隨後表現較佳嘅就以「5*」標示。表現低過第1級嘅會標示為「不予評級」（Unclassified）。

乙類科目

乙類應用學習科目嘅評核由提供相關課程嘅機構負責，成績分別以兩個等級匯報，即係「達標」同「達標並表現優異」。表現低於「達標」嘅水平會被定為「未達標」。喺2018年文憑試開始，考生喺應用學習科目嘅成績匯報，將由之前嘅「達標」同「達標並表現優異」兩個等級，再細分為「達標」、「達標並表現優異（I）」同「達標並表現優異（II）」。「達標並表現優異（I）」嘅表現水平等同文憑試甲類科目第3級嘅成績，而「達標並表現優異（II）」嘅表現水平就等同第4級或以上嘅成績。至於應用學習中文（非華語學生適用），就繼續用「達標」同「達標並表現優異」。

丙類科目

2012至2024年，丙類其他語言科目採用英國劍橋大學國際考試（CIE）嘅高級補充程度試題，閱卷同成績評級亦交由CIE處理。成績以五個等級（a-e）喺香港中學文憑證書度匯報。其中e級為最低，a級為最高，而e級以下嘅成績將「不予評級」（Unclassified）。

2025年起，丙類其他語言科目唔再採用英國劍橋大學國際考評部嘅高級補充程度試卷。考生改為應考由相關官方考試提供機構喺香港舉辦嘅指定語言考試。考生成績達到指定嘅語言能力水平或以上，就可以獲納入文憑試丙類其他語言科目成績。

香港中學文憑科目共分為三個類別，包括24科甲類：高中科目（4個核心科目同20個選修科目）、乙類：應用學習科目同丙類：其他語言類別，考生最多可以報考八科。

若果考生選擇報考八科，至少其中一科一定要係屬於以下範疇嘅科目：

• 甲類學科中嘅倫理與宗教／音樂／體育／視覺藝術
• 乙類學科中嘅應用學習科目
• 丙類學科中嘅其他語言科目

甲類：核心科目

• 中國語文
• 英國語文
• 數學
• 通識教育（適用至2023年考試年度）
• 公民與社會發展（2024年考試年度開始）

甲類：選修科目

中國語文教育學習領域

• 中國文學

英國語文教育學習領域

• 英語文學

個人、社會及人文教育學習領域

• 中國歷史
• 經濟
• 倫理與宗教
• 地理
• 歷史
• 旅遊與款待

科學教育學習領域

• 生物
• 化學
• 物理
• 組合科學（上面三科揀兩科考）
• 綜合科學（上面三科一齊考）

科技教育學習領域

• 企業、會計與財務概論
• 設計與應用科技
• 健康管理與社會關懷
• 科技與生活（以前叫家政）
• 資訊及通訊科技

藝術教育學習領域

• 音樂
• 視覺藝術

體育學習領域

• 體育

乙類：應用學習科目

科目類別	應用學習科目	2024	2025	2026
創意學習	時裝形象設計	Y	Y	Y
	室內設計 / 室內與展覽設計	Y	Y	Y
	數碼年代―珠寶設計	Y	Y	Y
	電腦遊戲及動畫設計	Y	Y	Y
	數碼漫畫設計與製作	Y	Y	Y
	流行音樂製作	Y	Y	Y
	舞出新機 － 舞蹈藝術	Y	Y	Y
	由戲開始 • 劇藝縱橫	Y	Y	Y
媒體及傳意	數碼媒體及電台製作	Y	Y	Y
	電影及超媒體	Y	Y	Y
	數碼品牌傳播	Y	Y	Y
	多媒體故事	Y	Y	Y
	公關及多媒體傳訊	Y	Y	Y
	應用學習(職業英語) ―英文傳意	Y	Y	Y
	應用學習(職業英語) ―商用服務英語	Y	Y	Y
	應用學習(職業英語) ―服務業專業英語	Y	Y	Y
	創意英語―商務與媒體		Y	Y
	創意英語―公關與營銷		Y	Y
	實用翻譯(漢英)	Y	Y	Y
	應用日語及日本文化		Y	Y
	生活日語及日本文化		Y	Y
	韓國語文及文化	Y	Y	Y
商業、管理及法律	電子商務會計	Y	Y	Y
	人工智能―商業應用	Y	Y	Y
	商業數據應用	Y	Y	Y
	創新與創業			Y
	金融科技入門		Y	Y
	市場營銷及網上推廣	Y	Y	Y
	香港執法實務	Y	Y	Y
服務	新派東南亞菜	Y	Y	Y
	甜品及咖啡店營運	Y	Y	Y
	西式食品製作	Y	Y	Y
	機場客運大樓運作	Y	Y	Y
	酒店服務營運	Y	Y	Y
	酒店營運	Y	Y	Y
	幼兒發展	Y	Y	Y
	幼兒教育	Y	Y	Y
	美容學基礎	Y	Y	Y
	樂齡科技與服務			Y
應用科學	食品創新與科學	Y	Y
	食品科技及營養			Y
	動物護理	Y	Y	Y
	中醫藥學基礎	Y	Y	Y
	健康護理實務	Y	Y	Y
	醫務化驗科學	Y	Y	Y
	復康護理實務	Y	Y	Y
	應用心理學	Y	Y	Y
	實用心理學	Y	Y	Y
	運動及體適能教練	Y	Y	Y
	運動科學及體適能	Y	Y	Y
工程及生產	智能數碼建築		Y	Y
	電機及能源工程	Y	Y	Y
	人工智能與機械人	Y	Y	Y
	電腦鑑證科技	Y	Y	Y
	電競科技	Y	Y	Y
	資訊科技精要	Y	Y	Y
	航空學	Y	Y	Y
	鐵路學	Y	Y	Y
應用學習中文 （非華語學生適用）	商業服務中文	Y	Y	Y
	實用情境中文	Y	Y	Y
	實務中文	Y	Y	Y

丙類：其他語言科目

如果院校嘅收生規則容許，唔係以中文為母語嘅學生，可以用下面嘅科目取代核心科目入面嘅中國語文科嚟符合報香港大專院校嘅資格。如果母語係中文同埋會去考中國語文科嘅考生，可以揀下面嘅科目作為選修科嚟報讀香港嘅大專院校。

• 日語
• 法語
• 德語
• 西班牙語
• 印地語（2024年之後取消）
• 烏爾都語（2025年暫停，2026年再有）
• 韓語（2025年開始）

文憑試甲類科目成績等級係用水平參照方法評級，唔再用以前會考嘅拉曲線（俗稱拉curve）。評級主要目的係釐定考生需要最少攞到幾多分先至達到某個等級。每個等級嘅最低分數稱為臨界分數 (DSE Cut Off Score)。每年文憑試各科嘅臨界分數都會因年考生表現而異，而考評局亦冇公布臨界分數嘅官方數據。考生想知道自己嘅成績大概達到邊個等級，通常都要參考坊間收集嘅 DSE Cut-Off 分數數據。

文憑試成績等級分為5**、5*、5、4、3、2、1，表現低過第1級「不予評級」（Unclassified）。

• 香港教育
• 大學聯合招生辦法

• 香港考試及評核局 - 香港中學文憑 （繁體中文）