王家晴: 香港女歌手

王家晴喺香港出世，喺浸信會沙田圍呂明才小學同香港神託會培基書院畢業。王家晴喺中學時期曾經係女子籃球隊、田徑隊同排球隊成員，文憑試數學科同經濟科考獲5*佳績，畢業之後去讀香港城市大學社會科學學士（心理學）。

參加《全民造星IV》時期

王家晴喺2021年6月參加ViuTV搞嘅真人騷選秀節目《全民造星IV》，參賽號碼係28。

喺96強前哨戰，王家晴因演唱《紅綠燈》時失準，輸畀對手1號參賽者蘇雅琳而跌入復活區。之後俾導師許廷鏗復活並加入佢帶領嘅A組晉身60強。於60強對決時，同隊員林泳怡、何佩婷、徐嘉蔚、盧芷韻、陳景晴組成一隊，先後演繹自選項目《剎那的烏托邦》同埋指定歌曲《Bang Bang》，之後喺評判評核以0比5大敗畀B1組，但王家晴未被淘汰，並躋身40強。喺40強，就同曾善婷、黃詠霖、盧芷韻一組，自選項目係由佢做主角嘅《我好得閒》，然後表演指定歌曲《無忘花》，並獲得呢個回合5位評判一致睇好，擊敗B1組，晉身30強。喺30強比賽，王家晴有份出演《七個小矮人》同埋A組全組出演嘅《無力也請相信》。當中嘅《七個小矮人》雖然得到評判之一嘅余迪偉高度讚揚佢哋能夠喺短短幾分鐘內帶來有質素嘅音樂劇，但結果仍以4比1輸畀呢個回合代表B組嘅許寶恆同埋余嘉熙。

之後去到25強比賽，A組同B組參賽者被重新分組，王家晴被編入同林暐翹、陳泳伽、葛綽瑤同區廷筠一組，導師係男子組合ERROR隊長梁業，演譯《NoBody笨珠》，賽後得到節目監製花姐黃慧君大讚唱歌技巧有好大進步，並喺完成頭3組比賽後率先以294.4分同另外四名組員晉身總決賽。

喺2021年12月25號《全民造星IV》總決賽，王家晴跳唱《收聲多謝》同埋一場跳舞對決，最終結果係排名第八，但係王家晴嘅整體表現令到花姐喺接受傳媒訪問嘅時侯表示對王家晴刮目相看，指出「同之前比真係差好遠」。

COLLAR時期

喺2022年1月12號晚六點半，ViuTV喺香港尖沙咀海港城海運觀點舉辦嘅「Hold Your Breath」官方記者會中，宣佈女子組合COLLAR正式出道，王家晴係其中一位成員，亦係全團最年幼嘅成員。

電視節目（ViuTV）

電視劇（ViuTV）

YouTube影片（ViuTV）

參與拍攝嘅音樂錄像（MV）

• 官方擁躉名係叫「晴天蛙蛙」