長足捷蟻: 維基百科文章

長足捷蟻
物種分類
界 動物界 Animalia 門 節肢動物門 Arthropoda 綱 昆蟲綱 Insecta 目 膜翅目 Hymenoptera 科 蟻科 Formicidae 屬 捷蟻屬 Anoplolepis 種 長足捷蟻 A. gracilipes
二元學名
Anoplolepis gracilipes F. Smith, 1857
別名
Formica longipes, Plagiolepis longipes, Anoplolepis longipes

長足捷蟻體型較大，隻腳同埋觸角都好長，成身呈黃色或者橙黃色。佢廣泛分佈喺世界各地嘅熱帶地區，喺太平洋地區好常見。

 

長足捷蟻嘅原產地據推測可能係西非，已經被引入世界各地嘅亞熱帶同埋熱帶地區。其中包括加勒比群島、印度洋嘅塞舌耳、馬達加斯加、毛里求斯、留尼汪、可可斯群島同埋聖誕島、太平洋嘅新喀里多尼亞、夏威夷、法屬波利尼西亞、沖繩、瓦努阿圖、密克羅尼西亞同加拉帕戈斯群島。

該物種可以寄生喺肉桂、柑橘、可可同埋椰子樹等好多植物上，因為個巢就喺樹幹，因此極容易被運送木材嘅船隻攜帶、進而傳播到第二啲地區。

成對嘅蟻后同埋工蟻可能會離開巢穴起新屋，但係佢本身嘅擴張速度並唔係好快。之所以變成入侵物種大多數都係人類攜帶嘅緣故。據報告，塞舌耳嘅長足捷蟻每年彧嘅距離為400米（1,300英尺） 。不過聖誕島上嘅長足捷蟻速度就快得多，達到每日3米，每年移動約一千米。

長足捷蟻嘅食譜好廣，包括作物、昆蟲同埋腐屍。曾經報導發現長足捷蟻主動進攻等腳目、多足類、蛛形綱、蚯蚓、地蟹等生物。

好似其他螞蟻咁，長足捷蟻會利用蚜蟲、蚧殼蟲同埋其他胸喙類昆蟲嗰度攞蜜露。長足捷蟻極之依賴蚜蟲，如果冇足夠嘅蚜蟲提供蜜露，佢嘅擴張可以被抑制。而相應嘅，長足捷蟻會為呢尐昆蟲提供保護。研究顯示，如果長足捷蟻由一個地區搬走，當地嘅蚧殼蟲數量喺11個禮拜入面會下降近7成，10個月後將會完全消失。