毛厘士(法文:L’île Maurice,讀/l‿il mɔʁis/,當地土話Maurice),又叫毛里裘斯(英文Mauritius,讀/məˈrɪʃəs/),係非洲東部一島國,官名毛里裘斯共和國(英文Republic of Mauritius)或者毛厘士共和國(法文:République de Maurice)。毛厘士喺印度洋西邊,係個火山島;距離西面嘅馬達加斯加大概800千米,同非洲大陸相距2200千米。佢同留尼旺都好近。
毛厘士除咗本島之外,佢東便有一啲島都係歸佢之下,喺同一個洋脊之上。
毛厘士首都喺路易士港,面積1860平方千米,人口113萬(1995年),1968年3月12號獨立。官方語文係英文,但法文更加多用,報紙同電視都用法文。好多人講隻近似法文嘅混合語土話。因為有印度人,唔少講印地話。島上亦有唔少客家人移民,亦通用客家話。居民51%信奉印度教,31.3%信奉基督教,16.6%信奉伊斯蘭教。氣候係亞熱帶海洋性氣候,分冬夏兩季,終年濕熱,一年平均氣溫攝氏25度。
This article uses material from the Wikipedia 粵語 article 毛厘士, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.