Sireum

Sireum
Sireum beureum, Solenopsis invicta
Klasifikasi ilmiah
Karajaan:	Animalia
Filum:	Artropoda
Kelas:	Insékta
Ordo:	Hymenoptera
Subordo:	Apocrita
Superfamili:	Vespoidea
Kulawarga:	Formicidae Latreille, 1802
Subfamili
Apomyrminae Cerapachyinae Dorylinae Ecitoninae Subfamili Formicomorph: Aneuretinae Dolichoderinae Formicinae - misalna Formica Subfamili Leptanillomorph: Leptanillinae Leptanilloidinae Subfamili Myrmeciomorph: Myrmeciinae eg. Myrmecia Pseudomyrmecinae Subfamili Myrmicomorph: Agroecomyrmecinae Myrmicinae- misalna Pheidole, Atta Subfamili Poneromorph: Amblyoponinae Ectatomminae Heteroponerinae Paraponerinae Ponerinae Proceratiinae Subfamili nu geus lastari: Armaniinae Brownimeciinae Formiciinae Sphecomyrminae Subfamili Incertae Sedis: Paleosminthurinae

Sireum mangrupa salah sahiji kelompok insékta nu nanjung terus hirup nepi ka kiwari, matak ngirut para élmuwan ku sabab kaasup insékta sosial sarta boga bentuk koloni atawa sayang nu ditata rapih, nu anggotana bisa nepi ka jutaan. Koloni sireum nu invasif kadang réréongan ngawangun superkoloni nu ngawengku wilayah nu cukup lega. Koloni sireum kadang digambarkeun salaku superorganisme, sabab némbongkeun ketakna salaku hiji éntitas.

Sireum ngeusi ampir sakuliah Marcapada nu jumlahna bisa nepi ka 15% ti jumlah biomassa sato di leuweung hujan tropis. Nepi ka 2006, geus kacatet 11.844 spésiés sireum, nu lolobana hirup di wewengkon iklim panas.

Sireum dibédakeun ti insékta lianna ku ayana gabungan anténeu nu bingkeng, ruas abdominal kadua, kasta pagawé nu teu jangjangan, sarta ayana kelenjar métapleural.

Sireum bisa ngarasakeun ku organ nu aya dina anténeuna nu bisa ngarasakeun féromon (sanyawa tunggal) jeung hidrokarbon dina lapisan luar awakna. Nu panungtungan ieu penting pikeun ngabédakeun baturna sasayang jeung nu henteu. Sireum ogé bisa komunikasi ku ngaluarkeun sora dina bentuk geteran nu ngarambat dina taneuh.

Sireum ratu jeung nu jalu biasana mah jangjangan, tapi bisa ogé henteu.

Sireum téh holométabolus sarta mekar ngalaman métamorfosis sampurna, ngaliwatan hambalan larval jeung pupal saméméh jadi sawawa. Dina hambalan larva mah sireum téh éstuning teu walakaya antukna kudu diurus ku nu sawawa. Béda antara ratu jeung pagawé sarta antarkasta, mun aya, ditangtukeun ku parab dina hambalan larvana.

 

Komunikasi sireum utamana lumangsung ngaliwatan bahan kimia nu katelah féromon. Ku sabab sireum mah lolobana méakkeun waktuna dina taneuh, iber kimiawi ieu leuwih ngembang batan di Hymenopterans lianna. Ku kituna, misalna, nalika hiji sireum manggih hakaneun di hiji tempat, nya manéhna téh terus mulang bari ninggalkeun tapak kimiawi sapanjang jalanna, antukna balad-baladna bisa datang nuturkeun éta tapak nyokot hakaneunana. Nalika balik bari mawa hakaneun téa, si sireum téh bakal nambahkeun tapak kimiawi téa, antukna baladna nu ti sayang bisa nuturkeun éta tapak salajengna. Kitu jeung kitu nepi ka hakaneun téa béak, sedengkeun tapak kimiawina lila-lila bakal leungit (mun teu ditambahan deui).

Sireum nyerang atawa ngajaga dirina ku nyoco jeung, pikeun sababaraha spésiés, nyuntikkeun bahan kimia, misalna asam format.

 

Aya sababaraha spésiés sireum nu sok nyerang sarta ngawasa koloni spésiés sireum lianna. Aya ogé nu nyerang koloni lian pikeun maling endog jeung bilatungna pikeun hakaneun atawa dikukut salaku kuli.

Sireum mangpaat pikeun ngagebah insékta nu sok ganggu sarta pikeun aérasi taneuh. Lian ti mangpaatna, sireum ogé mindeng ngaganggu mun geus asup ka imah, buruan, patamanan, jeung lapangan. Datangna sireum bisa dicegah ku, misalna, kapur biasa nu megatkeun bau féromon, atawa kapur insékta nu bisa maéhan rupa-rupa insékta.

•  
  Sayang sireum
•  
  Gambar mikroskop éléktron hulu sireum
•  
  Sireum ngukut aphid
•  
  Sireum luhureun sayangna
•  
  Sireum ngagembrong oray paéh
•  
  Tapak jalan sireum
•  
  Sireum dina lukut
•  
  Sireum beureum mawa hakaneun atawa 'bahan wangunan' ka sayangna.

• Mirmékologi: ulikan ngeunaan sireum

• Ant, Wikipédia édisi basa Inggris (15 Maret 2006).
• Agosti, D., Majer, J.D., Alonso, L.E., Schultz, T.R. (eds.) (2000). Ants: Standard methods for measuring and monitoring biodiversity. Smithsonian Institution Press. 280 pp. Archived 2006-02-06 di Wayback Machine
• Fernández F. (ed.). 2003. Introducción a las Hormigas de la Región Neotropical. Instituto de Investigación de Recursos Biológicos Alexander von Humboldt, Bogotá, Colombia. XXVI + 398 p. Archived 2006-03-26 di Wayback Machine
• Franks, Nigel R.; Tom Richardson (January 2006). "Teaching in tandem-running ants". Nature 439: 153. doi:10.1038/439153a. http://www.nature.com/nature/journal/v439/n7073/full/439153a.html. 
• Grimaldi, D., Agosti, D., Carpenter, J.M. (1997). New and rediscovered primitive ants (Hymenoptera: Formicidae) in Cretaceous amber from New Jersey, and their phylogenetic relationships. American Museum Novitates 3208: 43pp, 24 figs., 1 tab.
• Jackson DE, Holcombe M, Ratnieks FLW (2004). Trail géometry gives polarity to ant foraging networks. Nature 432: 907-909.

• Antbase—Katalog lengkep sakabéh sireum di dunya nu ditumbukeun ka sakabéh publikasi sistimatis nu lengkep (>4,000), tumbu, gambar, jsb.
• AntWeb—Gambar leuwih ti 4.000 spésimén nu ngawengku sakabéh genera sireum, utamana di California (lengkep), Florida, jeung Madagaskar.
• Bees, Wasps and Ants Recording Society (UK)
• Myrmecology Portal—Sagala ngeunaan sireum
• Number of Known Ant Species (Ohio State University)
• The Ant Farm Archived 2020-02-15 di Wayback Machine—Ramatloka pribadi nu ngandung rupa-rupa tumbu kayaning FAQ, carita, artikel, gambar, vidéo, jsb.
• Ant Farms—Glosarium Sireum, FAQ, jeung émbaran lianna
• Hymenoptera Name Server Archived 2008-06-05 di Wayback Machine (Ohio State University, College of Biological Sciences)
• www.lasius.narod.ru—Loka Sireum Rusia jeung Galeri Poto] (basa Rusia)
• Project Archived 2006-04-19 di Wayback Machine—Kakuatan sireum nu sabenerna.
• Myrmecos.net—Galeri gambar sireum di alam liar.
• Ants of Arizona—Rupa-rupa poto sireum.
• h2g2 article on Ants
• Ant Visions—Panalungtikan sireum mutahir katut galeri gambarna.
• Japanese Ant Image Database Archived 2006-03-01 di Wayback Machine—Basis data gambar sireum (basa Jepang).
• The Ant Farm's and Myrmecology's Message Board^{[tumbu nonaktif]}—Madungdengkeun naon baé nu patali jeung sireum.

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.