వెస్టిండీస్ క్రికెట్ జట్టు

దీన్ని క్రికెట్ వెస్టిండీస్ నిర్వహిస్తుంది. ఈ జట్టును ది విండీస్ అని కూడా అంటారు. ఈ మిశ్రమ జట్టులోని ఆటగాళ్లను పదిహేను కరేబియన్ దేశ-రాజ్యాలు, భూభాగాల నుండి ఎంపిక చేస్తారు. 2022 నవంబరు 26 నాటికి, వెస్టిండీస్ క్రికెట్ జట్టు అధికారిక ICC ర్యాంకింగ్స్‌లో టెస్ట్‌లలో ఎనిమిదో స్థానంలోను, వన్‌డేలలో పది, T20I లలో ఏడవ స్థానంలోనూ ఉంది.

వెస్టిండీస్

మారుపేరు	విండీస్
అసోసియేషన్	క్రికెట్ వెస్టిండీస్
వ్యక్తిగత సమాచారం
టెస్టు కెప్టెన్	క్రేగ్ బ్రాత్‌వైట్
ఒన్ డే కెప్టెన్	షాయ్ హోప్
Tట్వంటీ I కెప్టెన్	రోవ్‌మన్ పొవెల్
కోచ్	ఆండ్రె కోలీ (టెస్టులు) దారెన్ సమీ (పరిమిత ఓవర్లు)
చరిత్ర
టెస్టు హోదా పొందినది	1928
అంతర్జాతీయ క్రికెట్ కౌన్సిల్
ICC హోదా	Full Member (1926)
ICC ప్రాంతం	ఐసిసి అమెరికాస్
ఐసిసి ర్యాంకులు ప్రస్తుత అత్యుత్తమ టెస్టులు 8th మొదటి (1964 జనవరి 1) వన్‌డే 10వ మొదటి (1 June 1981) టి20ఐ 7వ 1st (2016 జనవరి 10)
టెస్టులు
మొదటి టెస్టు	v.  ఇంగ్లాండు లార్డ్స్, లండన్; 1928 జూన్ 23-26
చివరి టెస్టు	v.  భారతదేశం క్వీన్స్‌పార్క్ ఓవల్, పోర్ట్ ఆఫ్ స్పెయిన్; 2023 జూలై 20-24
టెస్టులు ఆడినవి గెలిచినవి/ఓడినవి మొత్తం 573 182/209 (181 డ్రాలు, 1 టై) ఈ ఏడు 6 1/3 (2 డ్రాలు)
ప్రపంచ టెస్ట్ ఛాంపియన్‌షిప్ లో పోటీ	2 (first in 2019–2021 ఐసిసి ప్రపంచ టెస్టు ఛాంపియన్‌షిప్)
అత్యుత్తమ ఫలితం	8వ స్థానం (2019–2021 ఐసిసి ప్రపంచ టెస్టు ఛాంపియన్‌షిప్, 2021–2023 ఐసిసి ప్రపంచ టెస్టు ఛాంపియన్‌షిప్)
వన్‌డేలు
తొలి వన్‌డే	v.  ఇంగ్లాండు హెండింగ్లే క్రికెట్ గ్రౌండ్, లీడ్స్; 1973 సెప్టెంబరు 5
చివరి వన్‌డే	v.  భారతదేశం at బ్రయన్ లారా క్రికెట్ అకాడమీ, శాన్ ఫెర్నాండో; 2023 ఆగస్టు 1
వన్‌డేలు ఆడినవి గెలిచినవి/ఓడినవి మొత్తం 867 418/408 (11 టైలు, 30 ఫలితం తేలనివి) ఈ ఏడు 15 8/6 (1 టై, 0 ఫలితం తేలనివి)
పాల్గొన్న ప్రపంచ కప్‌లు	12 (first in 1975)
అత్యుత్తమ ఫలితం	ఛాంపియన్లు (1975, 1979)
ఐసిసి ప్రపంచ కప్ క్వాలిఫయరులో పోటీ	2 (first in 2018 క్రికెట్ ప్రపంచ కప్ క్వాలిఫయర్)
అత్యుత్తమ ఫలితం	రన్నరప్ (2018 క్రికెట్ ప్రపంచ కప్ క్వాలిఫయర్)
ట్వంటీ20లు
తొలి టి20ఐ	v.  న్యూజీలాండ్ ఈడెన్ పార్క్, ఆక్లండ్; 2006 ఫిబ్రవరి 16
చివరి టి20ఐ	v.  భారతదేశం సెంట్రల్ బ్రోవార్డ్ పార్క్, లాడర్‌హిల్; 2023 ఆగస్టు 13
టి20ఐలు ఆడినవి గెలిచినవి/ఓడినవి మొత్తం 184 76/95 (3 టైలు, 10 ఫలితం తేలనివి) ఈ ఏడు 8 5/3 (0 టైలు, 0 ఫలితం తేలనివి)
ఐసిసి టి20 ప్రపంచ కప్ లో పోటీ	8 (first in 2007 ఐసిసి ప్రపంచ ట్వంటీ20)
అత్యుత్తమ ఫలితం	ఛాంపియన్లు (2012 ఐసిసి ప్రపంచ ట్వంటీ20, 2016 ఐసిసి ప్రపంచ ట్వంటీ20)
Test kit ODI kit T20I kit
As of 2023 ఆగస్టు 12

1970ల చివరి నుండి 1990ల ప్రారంభం వరకు, వెస్టిండీస్ జట్టు టెస్టులు, వన్డే ఇంటర్నేషనల్ రెండింటిలోనూ ప్రపంచంలోనే అత్యంత పటిష్ఠంగా ఉండేది. వెస్టిండీస్ నుండి ప్రపంచంలోని అత్యుత్తమ క్రికెటర్లుగా పరిగణించబడుతున్న అనేక మంది క్రికెటర్లు వచ్చారు. వీరిలో గార్ఫీల్డ్ సోబర్స్, లాన్స్ గిబ్స్, జార్జ్ హెడ్లీ, బ్రియాన్ లారా, వివియన్ రిచర్డ్స్, క్లైవ్ లాయిడ్, మాల్కం మార్షల్, ఆల్విన్ కల్లిచరణ్, ఆండీ రాబర్ట్స్, రోహన్ కన్హై, ఫ్రాంక్ వోరెల్, గోర్డాన్ గ్రీనిడ్జ్, క్లైడ్ వాల్కాట్, ఎవర్టన్ వీక్స్, కర్ట్లీ ఆంబ్రోస్, డెస్మండ్ హేన్స్, మైఖేల్ హోల్డింగ్, కోర్ట్నీ వాల్ష్, శివనారాయణ్ చందర్‌పాల్, జోయెల్ గార్నర్, వెస్ హాల్ మొదలైనవారు ఉన్నారు. వీళ్ళందరికీ ICC క్రికెట్ హాల్ ఆఫ్ ఫేమ్‌లో చోటు లభించింది.

వెస్టిండీస్ ఐసిసి క్రికెట్ ప్రపంచ కప్‌ను రెండుసార్లు (1975, 1979, ప్రుడెన్షియల్ కప్‌), ఐసిసి టి 20 ప్రపంచ కప్‌ను రెండుసార్లు (2012,2016, వరల్డ్ ట్వంటీ 20గా మార్చినప్పుడు), ఐసిసి ఛాంపియన్స్ ట్రోఫీని ఒకసారి (2004), ICC అండర్ 19 క్రికెట్ ప్రపంచ కప్ ఒకసారి (2016),,క్రికెట్ ప్రపంచ కప్ (1983), అండర్ 19 క్రికెట్ ప్రపంచ కప్ (2004), ICC ఛాంపియన్స్ ట్రోఫీ (2006)లో కూడా రన్నరప్‌గా నిలిచింది. వెస్టిండీస్ వరుసగా మూడు ప్రపంచ కప్ ఫైనల్స్‌లో (1975, 1979,1983) ఆడింది. వెంటవెంటనే ప్రపంచ కప్‌లను గెలుచుకున్న మొదటి జట్టు (1975, 1979). ఈ రెండు రికార్డులను ఆస్ట్రేలియా అధిగమించింది. ఆస్ట్రేలియా వరుసగా 4 ప్రపంచ కప్ ఫైనల్స్‌లో (1996, 1999, 2003, 2007) ఆడి, మూడింటిని (1999, 2003, 2007) గెలుచుకుంది.

• సార్వభౌమ రాష్ట్రాలు
  •   Antigua and Barbuda ^ఎల్
  •   Barbados
  •   Dominica ^W
  •   Grenada ^W
  •   Guyana
  •   Jamaica
  •   Saint Kitts and Nevis
    • మూస:Country data Nevis ^ఎల్
    • మూస:Country data Saint Kitts ^ఎల్
  •   Saint Lucia ^W
  •   Saint Vincent and the Grenadines ^W
  •   Trinidad and Tobago
•   Kingdom of the Netherlands కు చెందిన భూభాగం
  •   Sint Maarten ^ఎల్
•   United Kingdom కు చెందిన విదేశీ భూభాగాలు
  •   Anguilla ^ఎల్
  •   British Virgin Islands ^ఎల్
  •   Montserrat ^ఎల్
•   United States కు చెందిన భూభాగం
  •   U.S. Virgin Islands ^L

క్రికెట్ వెస్టిండీస్‌లో అనుబంధ సంస్థలు

 

జట్టు గవర్నింగ్ బాడీ అయిన క్రికెట్ వెస్టిండీస్లో బార్బడోస్, గయానా, జమైకా, లీవార్డ్ దీవులు, ట్రినిడాడ్ అండ్ టొబాగో, విండ్‌వార్డ్ దీవులకు చెందిన ఆరు క్రికెట్ సంఘాలు సభ్యులు. లీవార్డ్ ఐలాండ్స్ క్రికెట్ అసోసియేషన్‌లో రెండు సార్వభౌమ దేశాలకు చెందిన మూడు క్రికెట్ సంఘాలు సభ్యులుగా ఉన్నాయి (ఆంటిగ్వా అండ్ బార్బుడా నుండి ఒకటి, సెయింట్ కిట్స్ అండ్ నెవిస్ నుండి రెండు), మూడు బ్రిటిష్ ఓవర్సీస్ టెరిటరీలు (అంగ్విల్లా, బ్రిటిష్ వర్జిన్ ఐలాండ్స్, మోంట్‌సెరాట్), ఒక US భూభాగం (US వర్జిన్ దీవులు), ఒక డచ్ రాజ్య భాగం (సింట్ మార్టెన్). విండ్‌వర్డ్ ఐలాండ్స్ క్రికెట్ బోర్డ్ ఆఫ్ కంట్రోల్‌లో నాలుగు సార్వభౌమ దేశాలకు (డొమినికా, గ్రెనడా, సెయింట్ లూసియా, సెయింట్ విన్సెంట్ అండ్ గ్రెనడైన్స్) చెందిన సంఘాలు ఉన్నాయి.

క్రికెట్ వెస్టిండీస్ లోని సభ్య సంఘాలు:

• బార్బడోస్ క్రికెట్ అసోసియేషన్ (BCA)
• గయానా క్రికెట్ బోర్డు (GCB)
• జమైకా క్రికెట్ అసోసియేషన్ (JCA)
• లీవార్డ్ ఐలాండ్స్ క్రికెట్ అసోసియేషన్ (LICA); ఇందులో కింది సంఘాలు సభ్యులు:
  • అంగుయిలా క్రికెట్ అసోసియేషన్
  • ఆంటిగ్వా అండ్ బార్బుడా క్రికెట్ అసోసియేషన్
  • బ్రిటిష్ వర్జిన్ ఐలాండ్స్ క్రికెట్ అసోసియేషన్
  • మోంట్‌సెరాట్ క్రికెట్ అసోసియేషన్
  • నెవిస్ క్రికెట్ అసోసియేషన్ (ఒక్క నెవిస్ ద్వీపం కోసం)
  • సెయింట్ కిట్స్ క్రికెట్ అసోసియేషన్ (సెయింట్ కిట్స్ ద్వీపం కోసం మాత్రమే)
  • సింట్ మార్టెన్ క్రికెట్ అసోసియేషన్
  • యునైటెడ్ స్టేట్స్ వర్జిన్ ఐలాండ్స్ క్రికెట్ అసోసియేషన్
• ట్రినిడాడ్ అండ్ టొబాగో క్రికెట్ బోర్డు (TTCB)
• విండ్‌వర్డ్ ఐలాండ్స్ క్రికెట్ బోర్డ్ ఆఫ్ కంట్రోల్ (WICBC); ఇందులో కింది సంఘాలు సభ్యులు:
  • డొమినికా క్రికెట్ అసోసియేషన్
  • గ్రెనడా క్రికెట్ అసోసియేషన్
  • సెయింట్ లూసియా క్రికెట్ అసోసియేషన్
  • సెయింట్ విన్సెంట్ అండ్ గ్రెనడైన్స్ క్రికెట్ అసోసియేషన్

భవిష్యత్తులో సభ్యులు కాగల దేశాలు

• బహమాస్
• ఫ్రాన్స్ యొక్క విదేశీ కలెక్టివిటీస్
  • సెయింట్ బార్తెలెమీ ^ఎల్
  • సెయింట్ మార్టిన్ ^ఎల్
• ఫ్రెంచ్ రిపబ్లిక్ యొక్క విదేశీ ప్రాంతాలు
  • గ్వాడెలోప్ ^ఎల్
  • మార్టినిక్ ^W
• నెదర్లాండ్స్ ప్రత్యేక మునిసిపాలిటీలు
  • సబా ^ఎల్
  • సింట్ యుస్టాటియస్

 

 

వెస్టిండీస్ క్రికెట్ జట్టు చరిత్ర 1890 లలో ప్రారంభమైంది. ఆ ఏడు సందర్శనకు వచ్చిన ఇంగ్లీష్ జట్లతో ఆడేందుకు మొదటి ప్రతినిధి జట్లను ఎంపిక చేశారు. 1926లో WICB అంతర్జాతీయ క్రికెట్ పాలక సంస్థ అయిన ఇంపీరియల్ క్రికెట్ కాన్ఫరెన్స్‌లో చేరి, తమ మొదటి అధికారిక అంతర్జాతీయ మ్యాచ్ ఆడింది. 1928లో టెస్టు హోదాను మంజూరు చేసింది, తద్వారా నాల్గవ టెస్టు 'నేషన్' అయింది. 1930లలో వారి ప్రారంభ రోజులలో, ఈ పక్షం బ్రిటిష్ కాలనీలకు ప్రాతినిధ్యం వహించింది, అది తరువాత వెస్టిండీస్ ఫెడరేషన్‌తో పాటు బ్రిటిష్ గయానాగా ఏర్పడింది.

రెండో ప్రపంచ యుద్ధం ప్రారంభమయ్యే ముందు వెస్టిండీస్, చివరిగా 1939లో ఇంగ్లండ్‌తో ఆడింది. 1948 జనవరిలో MCC వెస్టిండీస్‌లో పర్యటించే వరకు విరామం వచ్చింది. యుద్ధం తర్వాత జరిగిన ఆ మొదటి మ్యాచ్‌లో వెస్టిండీస్ ఆటగాళ్లలో గెర్రీ గోమెజ్, జార్జ్ హెడ్లీ, జెఫ్రీ స్టోల్‌మేయర్, ఫోఫీ విలియమ్స్ మాత్రమే ఇంతకుముందు టెస్టు క్రికెట్ ఆడిన అనుభవజ్ఞులు. 1948లో, లెగ్ స్పిన్నర్ విల్ఫ్రెడ్ ఫెర్గూసన్ ఇంగ్లండ్‌తో జరిగిన మ్యాచ్‌లో 11/229తో ఒక టెస్టులో పది వికెట్లు తీసిన మొదటి వెస్టిండీస్ బౌలర్‌గా నిలిచాడు; అదే సంవత్సరం, హైన్స్ జాన్సన్ అదే ప్రత్యర్థులపై 10/96తో ఆ ఘనతను సాధించిన మొదటి వెస్టిండీస్ ఫాస్టు బౌలరయ్యాడు.

1950 జూన్ 29న లార్డ్స్‌లో వెస్టిండీస్ తొలిసారిగా ఇంగ్లండ్‌ను ఓడించింది. రామధిన్, ఆల్ఫ్ వాలెంటైన్‌లు ఆ విజయానికి మూలకారకులు. అది ప్రేరణగా లార్డ్ బిగినర్, కాలిప్సో సంగీతాన్ని సృజించాడు. తర్వాత 1950 ఆగస్టు 16 న, వారు ఓవల్‌లో గెలిచి, 3-1 తో సిరీస్ విజయాన్ని పూర్తి చేశారు. టెస్టు టీమ్‌గా ప్రారంభ రోజుల్లో కొంతమంది గొప్ప ఆటగాళ్ళు ఉన్నప్పటికీ, 1960ల వరకూ, జట్టు తెల్లజాతి ఆధిపత్యం నుండి నల్లజాతి ఆధిపత్యానికి మారే వరకు, ఫ్రాంక్ వోరెల్, గ్యారీ సోబర్స్‌ల కెప్టెన్సీలు వచ్చేవరకూ, జట్టుకు విజయాలు చెదురుమదురుగానే వచ్చాయి.

1970ల చివరి నాటికి, క్లైవ్ లాయిడ్ నేతృత్వంలోని వెస్టిండీస్ అనధికారిక ప్రపంచ ఛాంపియన్‌లుగా గుర్తింపు పొందింది. ఈ ఖ్యాతిని 1980ల వరకు నిలుపుకుంది. ఈ కాలంలో వెస్టిండీస్, ప్రపంచంలోని అత్యుత్తమ బ్యాట్స్‌మెన్‌ల తోడ్పాటుతో కూడిన నలుగురు-బౌలర్ల ఫాస్టు బౌలింగ్ దాడికి ప్రసిద్ధి చెందింది. 1976లో, ఫాస్టు బౌలర్ మైఖేల్ హోల్డింగ్ ఇంగ్లండ్‌తో జరిగిన ఓవల్‌టెస్ట్‌లో 14/149 వికెట్లు తీశాడు. ఇది ఇప్పటికీ వెస్టిండీస్ బౌలరు ఒక టెస్ట్‌లో సాధించిన అత్యుత్తమ బౌలింగ్ గణాంకాలు. జట్టు 1984 లో వరుసగా 11 టెస్టు విజయాల రికార్డును నెలకొల్పింది. ఇంగ్లాండ్‌పై రెండు సార్లు 5–0 తో "బ్లాక్‌వాష్‌" చేసింది.

అయితే, 1990లు, 2000లలో, వెస్టు ఇండియన్ క్రికెట్ క్షీణించింది. వెస్టు ఇండియన్ క్రికెట్ బోర్డు ఆటను ఔత్సాహిక కాలక్షేపం నుండి వృత్తిపరమైన క్రీడగా మలచడంలో వైఫల్యం చెందడం, వెస్టిండీస్ లోని దేశాల్లో ఆర్థిక క్షీణతతో జట్టు తన గత వైభవాన్ని నిలుపుకోవడానికి పోరాడుతోంది. 2004 ఛాంపియన్స్ ట్రోఫీలో విజయం, 2006 ఛాంపియన్స్ ట్రోఫీలో రన్నరప్ ప్రదర్శన కొంత ఆశాజనకంగా మిగిలిపోయింది. అయితే ట్వంటీ 20 క్రికెట్ ప్రారంభం తర్వాతనే వెస్టిండీస్ క్రికెట్‌ ప్రముఖులలో, క్రికెట్ అభిమానులలో తిరిగి అభిమానం పొందడం మొదలైంది. క్రిస్ గేల్, కీరన్ పొలార్డ్, మార్లోన్ శామ్యూల్స్, లెండిల్ సిమన్స్, DJ బ్రావో, ఆండ్రీ రస్సెల్, కార్లోస్ బ్రాత్‌వైట్‌ మొదలైనవారు తమ పవర్ హిట్టింగ్‌తో గేమ్‌లను కైవసం చేసుకోగల ఆటగాళ్ళు తయారయ్యారు. 2012 ప్రపంచ ట్వంటీ 20 లో ఆస్ట్రేలియాను, ఆపై ఆతిథ్య శ్రీలంకను ఓడించి, 1979 ప్రపంచ కప్ తరువాత తమ మొదటి ICC ప్రపంచ ఛాంపియన్‌షిప్‌ను గెలుచుకున్నారు. ఇంగ్లాండ్‌ను ఓడించి 2016 ప్రపంచ ట్వంటీ 20ని గెలుచుకున్నారు. తద్వారా ప్రపంచ ట్వంటీ 20ని రెండుసార్లు గెలుచుకున్న మొదటి జట్టుగా నిలిచింది. దీనికి బోనసుగా, పురుషుల, మహిళల వరల్డ్ ట్వంటీ 20 రెండింటినీ ఒకే రోజు గెలుచుకున్న మొదటి జట్టుగా వెస్టిండీస్ నిలిచింది. వెస్టిండీస్ మహిళల జట్టు, మూడుసార్లు ఛాంపియనైన ఆస్ట్రేలియాను ఓడించి తమ మొదటి ICC ప్రపంచ టైటిల్‌ను గెలుచుకుంది.

 

కింది పదకొండు స్టేడియాల్లో కనీసం ఒక టెస్టు మ్యాచ్ ఆడారు. బ్రాకెట్లలో 2021 ఏప్రిల్ 2 నాటికి వేదికలో ఆడిన టెస్ట్‌ల సంఖ్య, వన్డే ఇంటర్నేషనల్‌లు, ట్వంటీ20 ఇంటర్నేషనల్‌ల సంఖ్య ఉంటుంది:

• క్వీన్స్ పార్క్ ఓవల్ – పోర్ట్ ఆఫ్ స్పెయిన్, ట్రినిడాడ్ (62/73/6): క్వీన్స్ పార్క్ ఓవల్ కరేబియన్‌లోని ఇతర మైదానాల కంటే ఎక్కువ టెస్టు మ్యాచ్‌లకు ఆతిథ్యం ఇచ్చింది. 1930 లో ఇక్కడ మొదటి టెస్టు జరిగింది. ఈ మైదానాన్ని క్రికెట్ ప్రపంచంలో అత్యంత సుందరమైన వేదికలలో ఒకటిగా పరిగణిస్తారు. ట్రినిడాడ్ దేశపు ఉత్తర కనుమల దృశ్యం దీనికి నేపథ్యంగా కనిపిస్తుంది. దీనికి 18,000 పైచిలుకు సామర్థ్యం ఉంది.
• కెన్సింగ్టన్ ఓవల్ – బ్రిడ్జ్‌టౌన్, బార్బడోస్ (55/46/23): కెన్సింగ్టన్ ఓవల్ 1930లో ఈ ప్రాంతపు మొదటి టెస్టు మ్యాచ్‌ జరిగింది. ఇది వెస్టిండీస్ క్రికెట్‌కు 'మక్కా'గా గుర్తింపు పొందింది. 2007 ప్రపంచ కప్ కోసం దీని సామర్థ్యాన్ని 15,000 నుండి 28,000కి పెంచారు. ప్రపంచ కప్ తర్వాత దాన్ని ప్రస్తుత సామర్థ్యం 11,000 కి తగ్గించారు. ఇది రెండు ICC ప్రపంచ ఫైనల్స్‌కు ఆతిథ్యం ఇచ్చింది - 2007 క్రికెట్ వరల్డ్ కప్ ఫైనల్లో ఆస్ట్రేలియా శ్రీలంకపై గెలవగా, 2010 వరల్డ్ ట్వంటీ20 ఫైనల్లో ఆస్ట్రేలియాపై ఇంగ్లాండ్ గెలిచింది.
• బౌర్డా – జార్జ్‌టౌన్, గయానా (30/11/0): బౌర్డా 1930లో తొలిసారిగా టెస్టు మ్యాచ్‌కు ఆతిథ్యం ఇచ్చింది. ఇది దక్షిణ అమెరికాలోని ఏకైక టెస్టు గ్రౌండ్ (ప్రావిడెన్స్ ఉపయోగించే వరకు). సముద్ర మట్టానికి దిగువన ఉన్నది కూడా ఇదొక్కటే. పిచ్‌పైకి వరదలు రాకుండా నిరోధించడానికి, దీనికి ఒక కందకం కూడా ఉంది. దీని సామర్థ్యం సుమారు 22,000. 1999 ఏప్రిల్‌లో ఆస్ట్రేలియా, వెస్టిండీస్‌ల మధ్య జరిగిన వన్ డే ఇంటర్నేషనల్‌లో పిచ్‌ను ప్రేక్షకులు ఆక్రమించుకున్న సంఘటనకు ఇది గుర్తుండిపోతుంది. ఆస్ట్రేలియాకు టై చెయ్యాలంటే చివరి బంతికి 3 పరుగులు, గెలవడానికి 4 పరుగులు అవసరం. పిచ్ ఆక్రమణ, బెయిళ్ళ దొంగిలింత ఫలితంగా మ్యాచ్ టై అయినట్లు పరిగణించారు.
• సబీనా పార్క్ - కింగ్‌స్టన్, జమైకా (54/41/6): సబీనా పార్క్ మొదటిసారిగా 1930లో టెస్టు మ్యాచ్‌కు ఆతిథ్యం ఇచ్చింది. కాఫీకి ప్రసిద్ధి చెందిన బ్లూ మౌంటైన్‌లు దీనికి నేపథ్యంగా ఉన్నాయి. సబీనా పార్క్ లోనే గ్యారీ సోబర్స్‌ ప్రపంచ రికార్డు 365 నాటౌట్ సాధించాడు. 1998లో, పిచ్ చాలా ప్రమాదకరంగా ఉన్నందున ఇంగ్లండ్‌తో జరిగిన టెస్టు తొలి రోజునే రద్దు చేసారు. దీని సామర్థ్యం 15,000.
• ఆంటిగ్వా రిక్రియేషన్ గ్రౌండ్ – సెయింట్ జాన్స్, ఆంటిగ్వా (22/11/0): ఆంటిగ్వా రిక్రియేషన్ గ్రౌండ్ మొదటిసారిగా 1981లో టెస్ట్‌ను నిర్వహించింది. ఈ మైదానంలో మూడు టెస్టు ట్రిపుల్ సెంచరీలు నమోదయ్యాయి: 2005లో క్రిస్ గేల్ 317, 1994లో బ్రియాన్ లారా 375 పరుగులు, 2004లో బ్రియాన్ లారా 400 నాటౌట్ ప్రపంచ రికార్డు స్కోర్లు. రాజధాని నగరం వెలుపల 3 మైళ్ల దూరంలో నిర్మించబడుతోన్న కొత్త క్రికెట్ స్టేడియం కోసం, 2006 జూన్‌లో అంతర్జాతీయ మ్యాచ్‌లు జరిగే మైదానాల జాబితా నుండి ఈ చారిత్రిక స్టేడియాన్ని తొలగించారు. అయితే, 2009 ఫిబ్రవరిలో కొత్త నార్త్ సౌండ్ గ్రౌండ్‌లో ఇంగ్లాండ్, వెస్టిండీస్ మధ్య టెస్టు మ్యాచ్ రద్దైన తర్వాత, మళ్ళీ ARGకి టెస్టు క్రికెట్ తిరిగి వచ్చింది.
• అర్నోస్ వేల్ - అర్నోస్ వేల్, కింగ్‌స్‌టౌన్, సెయింట్ విన్సెంట్ (3/23/2): ది ఆర్నోస్ వేల్ గ్రౌండ్ (ప్లేయింగ్ ఫీల్డ్స్) మొదటిసారిగా 1997లో ఒక టెస్టును నిర్వహించింది.
• నేషనల్ క్రికెట్ స్టేడియం – సెయింట్ జార్జ్, గ్రెనడా (4/25/6): గ్రెనడాలోని క్వీన్స్ పార్క్ మొదటిసారిగా 2002లో ఒక టెస్టును నిర్వహించింది.
• డారెన్ స్యామీ నేషనల్ క్రికెట్ స్టేడియం – గ్రాస్ ఐలెట్, సెయింట్ లూసియా (10/26/17): ఒరిజినల్‌గా దీని పేరు బ్యూసెజోర్ క్రికెట్ గ్రౌండ్. ఇక్కడ 2003లో తొలి టెస్టు జరిగింది. దీని సామర్థ్యం 12,000. కరీబియన్‌లో డే-నైట్ క్రికెట్ మ్యాచ్‌కు ఆతిథ్యమిచ్చిన మొదటి స్టేడియం ఇది. వెస్టిండీస్, జింబాబ్వే మధ్య ఆ మ్యాచ్ జరిగింది. 8 ఏళ్ల విరామం తర్వాత టెస్టు క్రికెట్‌లోకి తిరిగి వచ్చిన సందర్భంగా న్యూజిలాండ్ 2014లో ఒక టెస్టు ఆడాల్సి ఉంది. 2016 వరల్డ్ ట్వంటీ 20లో వెస్టిండీస్ విజయం తర్వాత, సెయింట్ లూసియాన్ ప్రభుత్వం ఈ వేదికకు కెప్టెన్ సామీ పేరు పెట్టింది. మరొక సెయింట్ లూసియన్‌ ఆటగాడు, జాన్సన్ చార్లెస్, 2012, 2016 ఛాంపియన్‌షిప్ స్క్వాడ్‌లలో భాగమైన తర్వాత అతని గౌరవార్థం ఒక స్టాండ్‌కు అతని పేరు పెట్టారు.
• వార్నర్ పార్క్ స్టేడియం – బాస్సెటెర్రే, సెయింట్ కిట్స్ (3/18/10): వార్నర్ పార్క్ స్పోర్టింగ్ కాంప్లెక్స్‌లో 2006 మే 23 న మొదటి వన్డే ఇంటర్నేషనల్‌, 2006 జూన్ 22 న మొదటి టెస్టు మ్యాచ్‌ జరిగాయి. స్టేడియం సామర్థ్యం 8,000.
• ప్రొవిడెన్స్ స్టేడియం – జార్జ్‌టౌన్, గయానా (2/24/10): ప్రొవిడెన్స్ స్టేడియం 2007 క్రికెట్ ప్రపంచ కప్ కోసం నిర్మించారు. 2007 మార్చి 28 న మొదటి వన్డే ఇంటర్నేషనల్‌, 2008 మార్చి 22 న మొదటి టెస్టు మ్యాచ్‌ జరిగాయి. ఈ స్టేడియం సామర్థ్యం 15,000. బౌర్డాకు బదులుగా ఇది టెస్టు క్రికెట్‌కు ఆతిథ్యం ఇస్తుంది.
• సర్ వివియన్ రిచర్డ్స్ స్టేడియం – నార్త్ సౌండ్, ఆంటిగ్వా (12/20/4): సర్ వివ్ రిచర్డ్స్ స్టేడియం 2007 క్రికెట్ ప్రపంచ కప్ కోసం నిర్మించారు. 2007 మార్చి 27 న మొదటి వన్డే ఇంటర్నేషనల్‌, 2008 మే 30 న మొదటి టెస్టు మ్యాచ్‌ జరిగాయి. స్టేడియం సామర్థ్యం 10,000. ఆంటిగ్వా రిక్రియేషన్ గ్రౌండ్‌కు బదులుగా టెస్టు క్రికెట్‌ను ఇక్కడ నిర్వహిస్తారు.
• విండ్సర్ పార్క్ స్టేడియం – రోసో, డొమినికా (6/4/4): విండ్సర్ పార్క్ వెస్టు ఇండియన్ టీమ్‌కు మరో సొంత వేదిక. దీని నిర్మాణం 2005లో ప్రారంభమైంది. 2007 అక్టోబరులో ప్రారంభించారు. చివరికి 2007 క్రికెట్ ప్రపంచ కప్‌కు వేదికగా వాడుకునేందుకు ఇది అందిరాలేదు. ఇది ఫస్ట్-క్లాస్ క్రికెట్‌కు ఆతిథ్యం ఇస్తుంది. 2011 జూలై 6 న భారత జట్టుతో జరిగిన మొదటి టెస్టును నిర్వహించగా, 2009 జూలై 26 న మొదటి వన్డే ఇంటర్నేషనల్‌ను నిర్వహించింది. ఇందులో 12,000 సీటింగ్ కెపాసిటీ ఉంది.

ICC ప్రపంచ టెస్ట్ ఛాంపియన్‌షిప్

క్రికెట్ ప్రపంచ కప్

ప్రపంచకప్ రికార్డు
హోస్ట్‌లు, సంవత్సరం	రౌండు	స్థానం	గ్రూ.పా	గె	ఓ	టి	NR
1975	ఛాంపియన్స్	1/8	5	5	0	0	0
1979			5	4	0	0	1
1983	రన్నర్స్-అప్	2/8	8	6	2	0	0
1987	రౌండ్ 1	5/8	6	3	3	0	0
1992		6/9	8	4	4	0	0
1996	సెమీ ఫైనల్స్	4/12	7	3	4	0	0
1999	రౌండ్ 1	7/12	5	3	2	0	0
2003		7/14	6	3	2	0	1
2007	సూపర్ 8	6/16	10	5	5	0	0
మూస:Country data BGD2011	క్వార్టర్ ఫైనల్స్	8/14	7	3	4	0	0
2015		8/14	7	3	4	0	0
2019	గ్రూప్ స్టేజ్	9/10	9	2	6	0	1
2023	అర్హత సాధించలేదు
మొత్తం	12/13	2 శీర్షికలు	80	43	35	0	2

• 1979-2014: ఆడాల్సిన అవసరం లేదు (వన్‌డే ర్యాంకింగ్స్‌లో టాప్ 8, ICC పూర్తి సభ్యుడు)
• 2018 : రన్నరప్ (ICC క్రికెట్ ప్రపంచ కప్ 2019కి అర్హత పొందింది)
• 2023 : సూపర్ సిక్స్ (5వ స్థానం)

ICC T20 ప్రపంచ కప్

టీ20 ప్రపంచకప్‌లో రికార్డు
ఆతిథ్య దేశం, సంవత్సరం	రౌండు	స్థానం	గ్రూ.పా	గె	ఓ	టి	NR
2007	గ్రూప్ స్టేజ్	11/12	2	0	2	0	0
2009	సెమీ ఫైనల్స్	4/12	6	3	3	0	0
2010	సూపర్ 8	6/12	5	3	2	0	0
2012	ఛాంపియన్స్	1/12	7	3	2	1	1
2014	సెమీ ఫైనల్స్	3/16	5	3	2	0	0
2016	ఛాంపియన్స్	1/16	6	5	1	0	0
2021	సూపర్ 12 లు	9/16	5	1	4	0	0
2022	సమూహ దశ	15/16	3	1	2	0	0
2024	అర్హత సాధించారు
మొత్తం	8/8	2 శీర్షికలు	39	19	18	1	1

ఛాంపియన్స్ ట్రోఫీ రికార్డు
ఆతిథ్య దేశం, సంవత్సరం	రౌండు	స్థానం	గ్రూ.పా	గె	ఓ	టి	NR
1998	రన్నర్స్-అప్	2/9	3	2	1	0	0
2000	రౌండ్ 1	11/11	1	0	1	0	0
2002		7/12	2	1	1	0	0
2004	ఛాంపియన్స్	1/12	4	4	0	0	0
2006	రన్నర్స్-అప్	2/10	5	3	1	0	0
2009	రౌండ్ 1	8/8	3	0	3	0	0
2013		7/8	3	1	1	1	0
2017	అర్హత సాధించలేదు
మొత్తం	7/8	1 శీర్షిక	20	10	8	1	0

• ప్రపంచ కప్ :
  • ఛాంపియన్స్ (2): 1975, 1979
  • రన్నరప్ (1): 1983
• T20 ప్రపంచ కప్ :
  • ఛాంపియన్స్ (2): 2012, 2016
• ఛాంపియన్స్ ట్రోఫీ :
  • ఛాంపియన్స్ (1): 2004
  • రన్నర్స్-అప్ (2): 1998, 2006

ఇన్నింగ్స్ మొత్తం 700 కంటే ఎక్కువ

జట్టు తరఫున: 1957–58లో కింగ్‌స్టన్‌లో పాకిస్థాన్‌పై 3 వికెట్లకు 790 డిక్లేర్డ్; 2003–04లో సెయింట్ జాన్స్‌లో ఇంగ్లండ్‌పై 5 వికెట్లకు 751 డిక్లేర్డ్; 2004–05లో సెయింట్ జాన్స్‌లో దక్షిణాఫ్రికాపై 747 ఆలౌట్; 2008-2009లో బ్రిడ్జ్‌టౌన్‌లో ఇంగ్లండ్‌పై 9 వికెట్లకు 749 డిక్లేర్ చేసింది

ప్రత్యర్థి జట్టు: 1929–30లో కింగ్‌స్టన్‌లో ఇంగ్లండ్ 849; 1954–55లో కింగ్‌స్టన్‌లో ఆస్ట్రేలియా 8 వికెట్లకు 758 డిక్లేర్.

ఇన్నింగ్స్ మొత్తం స్కోరు 60 లోపు

జట్టు తరఫున: 2003–04లో కింగ్‌స్టన్‌లో ఇంగ్లండ్‌పై 47; 1998–99లో పోర్ట్ ఆఫ్ స్పెయిన్‌లో ఆస్ట్రేలియాపై 51; 1986–87లో ఫైసలాబాద్‌లో పాకిస్థాన్‌పై 53; 2000లో లార్డ్స్‌లో ఇంగ్లండ్‌పై 54; 2017-18లో కరాచీలో పాకిస్థాన్‌పై 60 (60/9 (లొంగిపోయింది))

ప్రత్యర్థి జట్టు: 1993–94లో పోర్ట్ ఆఫ్ స్పెయిన్‌లో ఇంగ్లండ్ ద్వారా 46; 2008-09లో కింగ్‌స్టన్‌లో ఇంగ్లండ్ చేత 51

విండీస్ తరఫున ట్రిపుల్ సెంచరీలు

2003–04లో సెయింట్ జాన్స్‌లో ఇంగ్లాండ్‌పై బ్రియాన్ లారా 400 నాటౌట్; 1993–94లో సెయింట్ జాన్స్‌లో ఇంగ్లాండ్‌పై బ్రియాన్ లారా 375; 1957–58లో కింగ్‌స్టన్‌లో పాకిస్తాన్‌పై గ్యారీ సోబర్స్ 365 నాటౌట్; 2010–11లో గాలేలో శ్రీలంకపై క్రిస్ గేల్ 333; 2004–05లో సెయింట్ జాన్స్‌లో దక్షిణాఫ్రికాపై క్రిస్ గేల్ 317; 1973–74లో బ్రిడ్జ్‌టౌన్‌లో ఇంగ్లాండ్‌పై లారెన్స్ రోవ్ చేత 302

ఒక టెస్టు మ్యాచ్‌లో విండీస్ తరఫున పన్నెండు లేదా అంతకంటే ఎక్కువ వికెట్లు తీసుకున్న సందర్భాలు

1976లో ఓవల్‌లో ఇంగ్లండ్‌పై మైఖేల్ హోల్డింగ్ చేసిన 149 పరుగులకు 14; 1994–95లో వెల్లింగ్‌టన్‌లో న్యూజిలాండ్‌పై కోర్ట్నీ వాల్ష్ 55 కి 13; షానన్ గాబ్రియేల్ శ్రీలంకపై 121 పరుగులకు 13 వికెట్లు తీసుకున్నాడు.: 1974లో మద్రాస్‌లో భారత్‌పై ఆండీ రాబర్ట్స్ 121కి 12 వికెట్లు

హ్యాట్రిక్‌లు

1959లో పాకిస్థాన్‌పై వెస్ హాల్ ; 1961లో ఆస్ట్రేలియాపై లాన్స్ గిబ్స్ ; 1988లో ఆస్ట్రేలియాపై కోర్ట్నీ వాల్ష్ ; 2003లో ఆస్ట్రేలియాపై జెర్మైన్ లాసన్

వన్డే మ్యాచ్‌లు

హ్యాట్రిక్

2006 అక్టోబరు 19 న ముంబైలో ఆస్ట్రేలియాతో జరిగిన ICC ఛాంపియన్స్ ట్రోఫీ లీగ్ మ్యాచ్‌లో జెరోమ్ టేలర్ వన్‌డే హ్యాట్రిక్ ప్రదర్శన చేశాడు

ICC 2011 క్రికెట్ ప్రపంచ కప్‌లో, నెదర్లాండ్స్‌పై ప్రపంచ కప్ హ్యాట్రిక్ సాధించిన ఆరో బౌలర్‌గా కెమర్ రోచ్ నిలిచాడు.

కింది పురుషులు వెస్టిండీస్ క్రికెట్ జట్టుకు కనీసం ఒక టెస్టు మ్యాచ్‌లో కెప్టెన్‌గా ఉన్నారు:

 

వెస్టిండీస్‌తో ఒప్పందం కుదుర్చుకున్న, 2022 ఆగస్టు నుండి వెస్టిండీస్ తరపున ఆడిన లేదా ఇటీవలి టెస్ట్, వన్‌డే లేదా T20I జట్టులో పేరు పొందిన ఆటగాళ్ళ జాబితా ఇది. ఇప్పటి వరకీఊ అస్లు ఆడని ఆటగాళ్ళ పేర్లను వాలుగా చూపించాం.

• రూపాలు - వారి మొత్తం వెస్టిండీస్ కెరీర్‌లో కాకుండా, గత సంవత్సరంలో మాత్రమే వెస్టిండీస్ కోసం ఆడిన వివిధ క్రికెట్‌ రూపాలను సూచిస్తుంది.

పేరు	వయస్సు	బ్యాటింగు శైలి	బౌలింగు శైలి	దేశీయ జట్టు	రూపాలు	చొక్కా సంఖ్య	కెప్టెన్	చివరి టెస్టు	చివరి వన్‌డే	చివరి T20I
బ్యాటర్లు
జెర్మైన్ బ్లాక్‌వుడ్	32	కుడిచేతి వాటం	కుడిచేతి ఆఫ్ బ్రేక్	జమైకా	టెస్టులు	27	టెస్టులు (VC)	2023	2022	—
క్రైగ్ బ్రాత్‌వైట్	31	కుడిచేతి వాటం	కుడిచేతి ఆఫ్ బ్రేక్	బార్బడాస్	టెస్టులు	11	టెస్టులు (C)	2023	2017	—
షమర్ బ్రూక్స్	35	కుడిచేతి వాటం	—	బార్బడాస్	వన్‌డే	13		2022	2023	2022
కీసీ కార్తీ	27	కుడిచేతి వాటం	కుడిచేతి మీడియం	లీవార్డ్ ఐలాండ్స్	వన్‌డే	96		—	2023	—
టాగెనరైన్ చంద్రపాల్	27	ఎడమచేతి వాటం	—	గయానా	టెస్టులు	30		2023	—	—
షిమ్రాన్ హెట్మెయర్	27	ఎడమచేతి వాటం	—	గయానా	వన్‌డే, T20I	2		2019	2023	2023
బ్రాండన్ కింగ్	29	కుడిచేతి వాటం	—	జమైకా	వన్‌డే, T20I	53		—	2023	2023
కిర్క్ మెకెంజీ	23	ఎడమచేతి వాటం	—	జమైకా	టెస్టులు	73		2023	—	—
రోవ్మాన్ పావెల్	30	కుడిచేతి వాటం	కుడిచేతి మీడియం ఫాస్ట్	జమైకా	వన్‌డే, T20I	52	T20I (C), వన్‌డే (VC)	—	2023	2023
ఆల్ రౌండర్లు
అలిక్ అథానాజ్	25	ఎడమచేతి వాటం	—	విండ్‌వార్డ్ ఐలాండ్స్	టెస్టులు, వన్‌డే	-		2023	2023	—
రోస్టన్ చేజ్	32	కుడిచేతి వాటం	కుడిచేతి ఆఫ్ బ్రేక్	బార్బడాస్	టెస్టులు, వన్‌డే, T20I	10		2023	2023	2023
రహ్కీమ్ కార్న్‌వాల్	31	కుడిచేతి వాటం	కుడిచేతి ఆఫ్ బ్రేక్	లీవార్డ్ ఐలాండ్స్	టెస్టులు	93		2023	—	—
కావెం హాడ్జ్	31	కుడిచేతి వాటం	ఎడమచేతి ఆర్థడాక్స్	విండ్‌వార్డ్ ఐలాండ్స్	వన్‌డే	-		—	2023	—
జాసన్ హోల్డర్	32	కుడిచేతి వాటం	కుడిచేతి మీడియం ఫాస్ట్	బార్బడాస్	టెస్టులు, వన్‌డే, T20I	98		2023	2023	2023
కైల్ మేయర్స్	31	ఎడమచేతి వాటం	కుడిచేతి మీడియం	బార్బడాస్	టెస్టులు, వన్‌డే, T20I	71	T20I (VC)	2023	2023	2023
కీమో పాల్	26	కుడిచేతి వాటం	కుడిచేతి ఫాస్ట్ మీడియం	గయానా	వన్‌డే	84		2019	2023	2022
రేమాన్ రీఫర్	32	ఎడమచేతి వాటం	ఎడమచేతి మీడియం ఫాస్ట్	బార్బడాస్	టెస్టులు, వన్‌డే, T20I	87		2023	2023	2023
రొమారియో షెపర్డ్	29	కుడిచేతి వాటం	కుడిచేతి ఫాస్ట్ మీడియం	గయానా	వన్‌డే, T20I	16		—	2023	2023
ఓడియన్ స్మిత్	27	కుడిచేతి వాటం	కుడిచేతి ఫాస్ట్ మీడియం	జమైకా	వన్‌డే, T20I	58		—	2023	2023
వికెట్ కీపర్లు
జాన్సన్ చార్లెస్	35	కుడిచేతి వాటం	Left-arm orthodox	విండ్‌వార్డ్ ఐలాండ్స్	వన్‌డే, T20I	25		—	2023	2023
జాషువా డా సిల్వా	25	కుడిచేతి వాటం	—	ట్రినిడాడ్ అండ్ టొబాగో	టెస్టులు	35		2023	2021	—
షాయ్ హోప్	30	కుడిచేతి వాటం	—	బార్బడాస్	వన్‌డే, T20I	4	వన్‌డే (C)	2021	2023	2023
నికోలస్ పూరన్	28	ఎడమచేతి వాటం	కుడిచేతి ఆఫ్ బ్రేక్	ట్రినిడాడ్ అండ్ టొబాగో	వన్‌డే, T20I	29		—	2023	2023
పేస్ బౌలర్లు
షెల్డన్ కాట్రెల్	34	కుడిచేతి వాటం	ఎడమచేతి ఫాస్ట్ మీడియం	జమైకా	T20I	19		2014	2021	2023
డొమినిక్ డ్రేక్స్	26	ఎడమచేతి వాటం	ఎడమచేతి మీడియం ఫాస్ట్	బార్బడాస్	వన్‌డే			—	2023	2022
షానన్ గాబ్రియేల్	36	కుడిచేతి వాటం	కుడిచేతి ఫాస్ట్	ట్రినిడాడ్ అండ్ టొబాగో	టెస్టులు	20		2023	2019	2013
అకీమ్ జోర్డాన్	29	కుడిచేతి వాటం	కుడిచేతి ఫాస్ట్ మీడియం	బార్బడాస్	వన్‌డే	-		—	2023	—
అల్జారీ జోసెఫ్	27	కుడిచేతి వాటం	కుడిచేతి ఫాస్ట్	లీవార్డ్ ఐలాండ్స్	టెస్టులు, వన్‌డే, T20I	8		2023	2023	2023
ఒబెడ్ మెక్కాయ్	27	ఎడమచేతి వాటం	ఎడమచేతి ఫాస్ట్ మీడియం	విండ్‌వార్డ్ ఐలాండ్స్	T20I	61		—	2018	2023
కెమర్ రోచ్	35	కుడిచేతి వాటం	కుడిచేతి ఫాస్ట్ మీడియం	బార్బడాస్	టెస్టులు	24		2023	2022	2012
జేడెన్ సీల్స్	22	ఎడమచేతి వాటం	కుడిచేతి ఫాస్ట్ మీడియం	ట్రినిడాడ్ అండ్ టొబాగో	వన్‌డే	33		2022	2023	—
స్పిన్ బౌలర్లు
యానిక్ కరియా	31	ఎడమచేతి వాటం	కుడిచేతి లెగ్ స్పిన్	ట్రినిడాడ్ అండ్ టొబాగో	వన్‌డే	59		—	2023	2022
అకేల్ హోసేన్	31	ఎడమచేతి వాటం	ఎడమచేతి ఆర్థడాక్స్	ట్రినిడాడ్ అండ్ టొబాగో	వన్‌డే, T20I	21		—	2023	2023
గుడాకేష్ మోతీ	29	ఎడమచేతి వాటం	ఎడమచేతి ఆర్థడాక్స్	గయానా	టెస్టులు, వన్‌డే	64		2023	2023	2021
కెవిన్ సింక్లైర్	24	కుడిచేతి వాటం	Right-arm off spin	గయానా	వన్‌డే	77		—	2023	2021
జోమెల్ వారికన్	31	కుడిచేతి వాటం	ఎడమచేతి ఆర్థడాక్స్	బార్బడాస్	టెస్టులు	65		2023	—	—

ICC ప్రపంచ టెస్టు ఛాంపియన్‌షిప్

పరిమిత ఓవర్లు

కోచింగ్ చరిత్ర

• 1992–1995: రోహన్ కన్హై
• 1995–1996: ఆండీ రాబర్ట్స్
• 1996–1999: మాల్కం మార్షల్
• 1999: వివ్ రిచర్డ్స్ (మధ్యంతర)
• 2000–2003: రోజర్ హార్పర్
• 2003–2004: గస్ లోగీ
• 2004–2007: బెన్నెట్ కింగ్
• 2007: డేవిడ్ మూర్ (మధ్యంతర)
• 2007–2009: జాన్ డైసన్
• 2009–2010: డేవిడ్ విలియమ్స్ (మధ్యంతర)
• 2010–2014: ఒట్టిస్ గిబ్సన్
• 2015–2016: ఫిల్ సిమన్స్
• 2017–2018: స్టువర్ట్ లా
• 2018: నిక్ పోథాస్ (మధ్యంతర)
• 2019: రిచర్డ్ పైబస్ (మధ్యంతర)
• 2019: ఫ్లాయిడ్ రీఫర్ (మధ్యంతర)
• 2019–2022: ఫిల్ సిమన్స్
• 2022: ఆండ్రీ కోలీ (మధ్యంతర)
• 2023–ప్రస్తుతం: ఆండ్రీ కోలీ (టెస్ట్), డారెన్ సామీ (పరిమిత ఓవర్లు)

2010లో విడుదలైన ఫైర్ ఇన్ బాబిలోన్ అనేది బ్రిటిష్ డాక్యుమెంటరీ చిత్రం. ఇందులో ఆర్కైవల్ ఫుటేజ్, పలువురు క్రికెటర్లతో ఇంటర్వ్యూలు ఉన్నాయి. ఈ చిత్రానికి స్టీవన్ రిలే రచన, దర్శకత్వం వహించాడు. బ్రిటిష్ ఇండిపెండెంట్ ఫిల్మ్ అవార్డుకు ఇది ఉత్తమ డాక్యుమెంటరీగా నామినేటైంది.

ఈ డాక్యుమెంటరీ 1970లు, 1980లలో వెస్టిండీస్ జట్టు ఆధిపత్యం గురించి. చరిత్రలో 15 సంవత్సరాల పాటు ఒక్క టెస్టు సిరీస్‌ కూడా ఓడిపోని గొప్ప క్రికెట్ జట్టుగా దీన్ని విస్తృతంగా పరిగణిస్తారు. ఒకప్పుడు వెస్టిండీస్‌పై వలసాధిపత్యం చేసిన ఆ రోజుల్లో నల్లజాతీయులపై చూపెట్టిన జాత్యహంకార ఇంగ్లాండ్‌పై వెస్టిండీస్ ఎలా విజయం సాధించిందో ఈ డాక్యుమెంటరీ చూపిస్తుంది.

• వెస్టిండీస్ వన్‌డే అంతర్జాతీయ క్రికెట్ క్రీడాకారుల జాబితా
• ప్రత్యర్థి వారీగా వెస్టిండీస్ మహిళల క్రికెట్ జట్టు రికార్డు