Joe Biden
Joe Biden, akuratnie Joseph Robinette Biden Jr.
20 listopada 1942 w Scranton) – amerykōński politiker, synatōr ze stanu Delaware w latach 1973–2009, 47. wiceprezydynt Stanōw Zjednoczōnych w latach 2009–2017, prezydynt z ramiynia dymokratōw uod 20 stycznia 2021.
| Joe Biden | |
 Joe Biden (2013) | |
| Miano i nazwisko | Joseph Robinette Biden Jr. |
| Data narodzyniŏ | 20 listopada 1942 |
| Plac narodzyniŏ | Scranton |
| Fach | politiker |
| Małżyństwo ze | Jill Biden |
| Dzieci | Beau, Hunter, Naomi, Ashley |
| Matka | Catherine Eugenia Finnegan |
| Ôjciec | Joseph Robinette Biden Sr. |
| Neczajta | https://joebiden.com |
Podpis | |
Biografijŏ
Uczōł sie w stōnie Delaware. Po abszlusie sztudiōw prawniczych robiōł za pierca. Bez cołkõ karierã politycznõ bōł zwiōnzany z Partyjōm Dymokratycznōm. W latach 1970–1972 przinŏleżoł do Dorady Grŏfstwa New Castle. W 1973 ôstoł ôbrany do Synatu Stanōw Zjednoczōnych i dostoł reelekcyjõ w latach 1978, 1984, 1990, 1996, 2002 i 2008. Bōł piōntym nojmodszym synatorym w historyji Stanōw Zjednoczōnych i nojdużyj urzyndujōcym synatorym z Delaware. W tym czasie przewodziōł Senackiej Kōmisyje Relacyji Zagranicznych i Senackiej Kōmisyje ds. Sōndownictwa. Dwukrotnie bezskutecznie kandydował w wotōngach prezydynckich, przi rezygnowaniu w czasie prawotōngōw: w 1988 i w 2008.
W 2008 ôstoł ôbrany na wiceprezydynta Stanōw Zjednoczōnych u kraju prezydynta Baracka Obamy i dostoł reelekcyjõ w 2012. Wykōnowoł tyn amt ôd 2009 do 2017. Po abszlusie wiceprezydyntury założōł fundacyjõ Biden Cancer Initiative, kerŏ działalność je zwiōnzanŏ ze zwalczaniym doległości nowotworowych. W 2019 ôgłosiōł swōj udzioł w prawotōngu prezydynckich przed wotōngiem w 2020, z bany w siyrpniu 2020 roku ôficjalnie ôstoł kandydŏtym Partyje Dymokratycznyj na amt prezydynta Stanōw Zjednoczōnych.
Społym z Kamalōm Harris ôstoł uhonorowany nadgrodōm Czowiek Roku 2020 tydnika „Time”.
Ôdznaczyniŏ
- Medal Hōnoru Wyspy Ellis (USA) – 1992
- Medal Zwyciynstwa Świyntego Jerzego (Gruzyjŏ)
- Medal Krziża Ziymie Maryjnej (Estōnijŏ) – 5 lutego 2004
- Medal Pakistanu (Pakistan) – 10 stycznia 2009
- Medal za zaangażowanie (Irak) – 1 grudnia 2011
- Prezydyncki Medal Swobody z Wyrōżnieniem (USA) – 12 stycznia 2017
- Medal Swobody (Ukrajina) – 23 siyrpnia 2017
Przipisy
Linki zewnyntrzne
This article uses material from the Wikipedia Ślůnski article Joe Biden, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tekst udostympniany na licyncyji CC BY-SA 4.0, jeźli niy było podano inakszyj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ślůnski (DUHOCTRUNGQUOC.VN) is an independent company and has no affiliation with Wiki Foundation.