ପୁରୀ ବେଳାଭୂମି

ପୁରୀ ବେଳାଭୂମି ଓଡ଼ିଶାର ପୁରୀଠାରେ ଥିବା ବଙ୍ଗୋପ ସାଗର ତଟବର୍ତ୍ତୀ ଗୋଟିଏ ବିସ୍ତୃତ ବେଳାଭୂମି । ଏହା ଓଡ଼ିଶା ସରକାରଙ୍କ ସଂସ୍କୃତି ଓ ପର୍ଯ୍ୟଟନ ବିଭାଗଦ୍ୱାରା ଚିହ୍ନିତ ଏକ ପର୍ଯ୍ୟଟନ ସ୍ଥଳୀ । ଏହାର ମରାମତି ଓ ପରିଚାଳନା ଭାର ପୁରୀ ନଗରପାଳିକା (ପିଏମସି) ଏବଂ ଓଡ଼ିଶା ସରକାରଙ୍କ ପର୍ଯ୍ୟଟନ ବିଭାଗ ଉପରେ ନ୍ୟସ୍ତ । ଜଗନ୍ନାଥଙ୍କ ଦର୍ଶନ ନିମନ୍ତେ ଆସୁଥିବା ତୀର୍ଥଯାତ୍ରୀମାନେ ଏଠାରେ ସ୍ନାନ ନିମନ୍ତେ ଆସିଥାନ୍ତି ।

ପୁରୀ ବେଳାଭୂମି ପୁରୀ ସହରରେ ଚକ୍ରତୀର୍ଥ ରୋଡ଼ ଧାରରେ ଅବସ୍ଥିତ । ଏହା ରାଜଧାନୀ ଭୁବନେଶ୍ୱରଠାରୁ ୬୦ କିମି ଦୂର ଏବଂ କୋଣାର୍କଠାରୁ ୩୫ କିମି ଦୂରରେ ଅବସ୍ଥିତ ।

ପୁରୀ ବେଳାଭୂମିଠାରୁ ନିକଟବର୍ତ୍ତୀ ଷ୍ଟେସନ ପୁରୀ ରେଳ ଷ୍ଟେସନ ୨ କିମି ଏବଂ ନିକଟବର୍ତ୍ତୀ ବିମାନବନ୍ଦର ଭୁବନେଶ୍ୱର ୬୫ କିମି ଦୂର । ଏହା ବ୍ୟତୀତ ଜଗନ୍ନାଥ ସଡ଼କ (ଜାତୀୟ ରାଜପଥ ୩୧୬) ଯାତାୟତ ନିମନ୍ତେ ବ୍ୟବହୃତ ହୋଇଥାଏ ।

• ସୁଦର୍ଶନ ପଟ୍ଟନାୟକ ତଥା ଅନ୍ୟାନ୍ୟ ବାଲୁକା ଶିଳ୍ପୀମାନଙ୍କଦ୍ୱାରା ବାଲୁକା ଶିଳ୍ପକଳା ପ୍ରଦର୍ଶନ
• ପର୍ଯ୍ୟଟକମାନଙ୍କ ସୂର୍ଯ୍ୟସ୍ନାନ ଏବଂ ସମୁଦ୍ର ମନୋରଞ୍ଜନ ସ୍ନାନ।
• ସ୍ଥାନୀୟ ମତ୍ସ୍ୟଜୀବୀମାନଙ୍କଦ୍ୱାରା ଶୁଖିଲା ଘାସ ଓ ନଡ଼ାରେ ତିଆରି ତିନିକୋଣିଆ ଅସ୍ଥାୟୀ ଆଶ୍ରୟସ୍ଥଳୀ । ଏଠାରେ ବସି ଦର୍ଶକଗଣ ବେଳାଭୂମି ଉପଭୋଗ କରିଥାନ୍ତି ।
• ବେଳାଭୂମିରେ ରଖାଯାଇଥିବା କାଠରେ ତିଆରି ଡଙ୍ଗା ଦର୍ଶକମାନଙ୍କୁ ସୂର୍ଯ୍ୟାସ୍ତ ଦର୍ଶନ ନିମନ୍ତେ ସମୁଦ୍ର ମଝିକୁ ନେବପାଇଁ ବ୍ୟବହୃତ ହୋଇଥାଏ ।
• ଚକ୍ରତୀର୍ଥ ଦିଗରେ ଥିବା ଚରାବାଲିରେ ପର୍ଯ୍ୟଟକମାନେ ଚାଲିଚାଲି ବୁଲିଥାନ୍ତି ।
• ବାର୍ଷିକ ପୁରୀ ବେଳାଭୂମି ମହୋତ୍ସବ ଉଭୟ ସ୍ଥାନୀୟ ଓ ବିଦେଶୀ ପର୍ଯ୍ୟଟକମାନଙ୍କୁ ଆକର୍ଷଣ କରିଥାଏ ।
• ବତୀଘର।
• ବେଳାଭୂମି ଉପରେ ଥିବା ଅସ୍ଥାୟୀ ଦୋକାନ ବଜାର।
• ଏହା ମନ ଶାନ୍ୱୀ ପାଇ ଏକ ଭଲ ସ୍ଥାନ ।

•  
  ପୁରୀ ବେଳାଭୂମି ବିଚରଣ ପଥ
•  
  ପୁରୀ ବେଳାଭୂମି ଦୃଶ୍ୟ
•  
  ପୁରୀ ବେଳାଭୂମି ଖାଦ୍ୟ ବଜାର
•  
  ପୁରୀ ବେଳାଭୂମି ମହୋତ୍ସବ
•  
  ବାଲୁକା ଶିଳ୍ପ କଳା
•  
  ବେଳାଭୂମି ଦୃଶ୍ୟ୧
•  
  ବେଳାଭୂମି ଦୃଶ୍ୟ୨
•  
  ବେଳାଭୂମିରେ ଥିବା ତିନିକୋଣିଆ ଆଶ୍ରୟସ୍ଥଳୀ
•  
  ବେଳାଭୂମି ଦୃଶ୍ୟ୩
•  
  ପୁରୀ ସମୁଦ୍ର ଢେଉ
•  
  ଦିଗବାରେଣୀ ଛକ