ଚନ୍ଦ୍ରଭାଗା ବେଳାଭୂମି, କୋଣାର୍କ ସୂର୍ଯ୍ୟ ମନ୍ଦିରର ତିନି କିଲୋମିଟର ପୂର୍ବରେ ଅବସ୍ଥିତ । ଏହା ଭାରତୀୟ ରାଜ୍ୟ ଓଡ଼ିଶାର ପୁରୀ ସହରଠାରୁ ୩୦ କିଲୋମିଟର ଦୂରରେ ଅବସ୍ଥିତ । ଏଠାରେ କୁଷ୍ଠ ରୋଗୀମାନଙ୍କର ପ୍ରାକୃତିକ ଉପାୟରେ ଚିକିତ୍ସା ହୋଇଯାଏ ବୋଲି ପୂର୍ବେ ବିଶ୍ୱାସ ରହିଥିଲା । ଏସିଆର ପ୍ରଥମ ବେଳାଭୂମି ଭାବରେ ଚନ୍ଦ୍ରଭାଗା ବେଳାଭୂମିକୁ ବ୍ଲୁ-ଫ୍ଲାଗ ପ୍ରମାଣ ପତ୍ର ମିଳିଥିଲା । ଏହି ପ୍ରମାଣପତ୍ର ସୁପରିବେଶାତ୍ମକ, ପରିଷ୍କାର ଏବଂ ଅନ୍ତର୍ଜାତୀୟ ସ୍ତରର ସୁବିଧାଯୁକ୍ତ ବେଳାଭୂମିଗୁଡ଼ିକୁ ମିଳେ ।
ପୌରାଣିକ କଥାନୁସାରେ ଶ୍ରୀକୃଷ୍ଣଙ୍କର ପୁତ୍ର ଶାମ୍ବ ଚନ୍ଦ୍ରଭାଗାର ନଦୀ ମୁହାଣରେ ସୂର୍ଯ୍ୟ ଦେବତାଙ୍କୁ ପ୍ରାର୍ଥନା କରି ନିଜକୁ କୁଷ୍ଠ ରୋଗରୁ ମୁକ୍ତ କରିଥିଲେ । ନଦୀଟି ଏହାପରେ କୌଣସି କାରଣବଶତଃ ଶୁଖିଯାଇଥିଲା । ଧାର୍ମିକ କାମ ପାଇଁ ଏହାକୁ ଏକ ଆଦର୍ଶ ଜାଗା ବୋଲି ବିବେଚନା କରାଯାଇଥାଏ ।
ଅନ୍ୟ ଏକ କିମ୍ବଦନ୍ତୀ ଅନୁଯାଇ ଏକ ଋଷିଙ୍କର କନିକା, ଚନ୍ଦ୍ରଭାଗା ନିଜର ଚାତୁରୀରେ ସୂର୍ଯ୍ୟ ଦେବତାଙ୍କର ଧ୍ୟାନ ଆକର୍ଷଣ କରିଥିଲେ । ଦେବତା, ପ୍ରେମରେ ପଡ଼ି କନ୍ୟାଟିକୁ ବିବାହ କରିବାକୁ ମର୍ତ୍ତ୍ୟମଣ୍ଡଳରେ ଆଗମନ କରିଥିଲେ । ଚନ୍ଦ୍ରଭାଗା ନିଜକୁ ଭଗବାନଙ୍କର ନିକଟରେ ଅର୍ପଣ କରିନଥିଲେ । ପ୍ରେମରେ ପାଗଳ ହୋଇ ଦେବତା ଚନ୍ଦ୍ରଭାଗା ପଛରେ ପଡ଼ିଯାଇଥିଲେ । ଭୟଭୀତ ହୋଇ ଚନ୍ଦ୍ରଭାଗା ନିଜକୁ ରକ୍ଷା କରିବାକୁ ନଦୀକୁ ଡେଇଁ ଆତ୍ମହତ୍ୟା କରିଦେଲେ । ଏହି ତ୍ୟାଗକୁ ମନେରଖିବାକୁ ପ୍ରତିବର୍ଷ ମାଘ ମାସ ସପ୍ତମୀ ତିଥିରେ, ଓଡ଼ିଶା ତଥା ଓଡ଼ିଶା ବାହାରୁ ଲୋକେ ଆସି ପୋଖରୀରେ ସଂକୁଚିତ ହୋଇଯାଇଥିବା ନଦୀରେ ବୁଡ଼ ପକାଇଥାନ୍ତି । ଏହାପରେ ସୂର୍ଯ୍ୟ ଦେବତାଙ୍କୁ ପ୍ରାର୍ଥନା କରାଯାଇ ସୂର୍ଯ୍ୟୋଦୟ ଅନୁଭବ କରାଯାଇଥାଏ ।
ଚନ୍ଦ୍ରଭାଗାର ବଳିଦାନ ହୁଏତଃ ଭୂଲାଯାଇପାରେ କିନ୍ତୁ ତାଙ୍କ ନାମରେ ନାମିତ ସ୍ଥାନ ଏକ ପବିତ୍ର ଭୂମି ଏବଂ ସୂର୍ଯ୍ୟୋଦୟର ଭୂମି ଭାବରେ ଜଣାଶୁଣା । ଏହା ଧାର୍ମିକ ଏବଂ ଧ୍ୟାନ କାର୍ଯ୍ୟ କରିବାକୁ ପ୍ରେରଣା ଯୋଗାଇଥାଏ । କବି, କଳାକାର ଏବଂ ପ୍ରେମୀଯୁଗଳଙ୍କର କ୍ରୀଡ଼ାଭୂମି ଭାବରେ ଏହା ଆଜି ପରିଚିତ । ଚନ୍ଦ୍ରଭାଗା ପାଖରେ ଏକ ବତୀଘର ମଧ୍ୟ ଦେଖିବାକୁ ମିଳେ ।
ସାମୁଦ୍ରିକ ସମ୍ପଦର ଗନ୍ତାଘର ଅଟେ ଚନ୍ଦ୍ରଭାଗା । ଶୁଖିଯାଇଥିବା ନଦୀ ମୁହାଣରେ ବିଶାଖାପଟନମରୁ ଆସିଥିବା ବହୁ ମାଛଧରାଳୀ ବାସ କରନ୍ତି ।[ଆଧାର ଲୋଡ଼ା]
ନିମ୍ନଲିଖିତ ବ୍ୟବସ୍ଥା ଥିଲେ ଗୋଟିଏ ବେଳାଭୂମିକୁ ବ୍ଲୁ-ଫ୍ଲାଗ ପ୍ରମାଣ ପତ୍ର ମିଳିଥାଏ:
ବର୍ତ୍ତମାନ ସୁଦ୍ଧା ଭାରତରେ ୧୩ଟି ବ୍ଲୁ-ଫ୍ଲାଗ ପ୍ରମାଣ ପତ୍ରଯୁକ୍ତ ବେଳାଭୂମି ଅଛି । ସ୍ପେନରେ ସର୍ବାଧିକ ୫୬୬ଟି, ପରେ ଗ୍ରୀସ ଏବଂ ଫ୍ରାନ୍ସରେ ଯଥାକ୍ରମେ ୫୧୫ ଏବଂ ୩୯୫ଟି ବ୍ଲୁ-ଫ୍ଲାଗ ପ୍ରମାଣ ପତ୍ରଯୁକ୍ତ ବେଳାଭୂମି ଅଛି ।
This article uses material from the Wikipedia ଓଡ଼ିଆ article ଚନ୍ଦ୍ରଭାଗା ବେଳାଭୂମି, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.