ଧୁମସା

ଧୁମସା ଓଡ଼ିଶାର ଏକ ପାରମ୍ପାରିକ ବାଜା । ଏହାକୁ କେଟଲି ବାଜା ଶ୍ରେଣୀ ଭିତରେ ରଖାଯାଇଥାଏ । ଏହାକୁ ମୁଖ୍ୟତଃ ସାନ୍ତାଳୀମାନେ ବଜାଇଥାନ୍ତି । ଏହାର ଆକାର ନାଗରା ଭଳି ଲମ୍ବାଳିଆ ଓ ଗୋଟେ ପଟ ସରୁ ହୋଇଥାଏ କିମ୍ବା ଚା କପ ଭଳି ତଳ ପଟ ଅଳ୍ପ ଚଉଡ଼ା ଓ ଉପର ପଟ ଅଧିକ ଚଉଡ଼ାଯୁକ୍ତ ହୋଇଥାଏ । ମୋଟାମୋଟି ଆକାରରେ ଏହାର ତଳ ପଟ ଖୁବ ଛୋଟ ଓ ଉପର ପଟ ଖୁବ ଅଧିକ ଚଉଡ଼ା । ଏହି ବାଜା ଧାତୁରେ ତିଆରି ଓ ବଜାଇବା ପଟଟି ଚମଡ଼ାରେ ଘୋଡ଼ା ହୋଇଥାଏ । ଏହା ସାଧାରଣତଃ ଓଜନିଆ । ତେବେ ବାଜା ବଜାଇବା ବେଳେ ଏହାକୁ ହାତରେ କାନ୍ଧେଇ ଦୁଇଟି ବାଡ଼ିରେ ବଜାଯାଇଥାଏ । ବାଜା ବଜାଳି ଅନେକ ସମୟରେ ବାଜା ବଜାଇବା ସହିତ ନାଚିଥାନ୍ତି ।