ଆତ୍ମିକା: ଭାରତୀୟ ଅଭିନେତ୍ରୀ

ଆତ୍ମିକା ୧୯୯୩ ମସିହାର ଫେବୃଆରୀ ୯ ତାରିଖରେ କୋଏମ୍ବଟୁରଠାରେ ଜନ୍ମଗ୍ରହଣ କରିଥିଲେ । ଏମ୍.ଓ.ପି. ବୈଷ୍ଣବ କଲେଜ ଫର୍ ଓମେନ୍‌ରୁ ସ୍ନାତକ କରିବାପରେ ସେ ଚେନ୍ନାଇ ଯାଇଥିଲେ ।

ଆତ୍ମିକା ଏକ କ୍ଷୁଦ୍ର ଚଳଚ୍ଚିତ୍ର ଜରିଆରେ ତାଙ୍କ ଅଭିନୟ ଜୀବନ ଆରମ୍ଭ କରିଥିଲେ । ସେ ପ୍ରଥମେ ରାଜୀବ ମେନନଙ୍କର କ୍ଷୁଦ୍ର ଚଳଚ୍ଚିତ୍ରରେ କାମ କରିଥିଲେ । କଲେଜରେ ପଢ଼ିବା ସମୟରେ ଅଭିନୟ ପ୍ରତି ତାଙ୍କର ରୁଚି ବଢ଼ିଥିଲା ଏବଂ ସେ କିଛି କ୍ଷୁଦ୍ର ଚଳଚ୍ଚିତ୍ରର କାମ କରିବା ଆରମ୍ଭ କରିଥିଲେ । ଏହା ବ୍ୟତୀତ ସେ ମଡେଲ୍ ଭାବରେ କିଛି କାମ ବି କରିଥିଲେ । ଏହାପରେ ହିପ୍‌ହପ୍ ତମିଜାର ଆଦି ତାଙ୍କ ପ୍ରୋଫାଇଲ୍ ଅନ୍‌ଲାଇନ୍‌ରେ ଦେଖିବା ପରେ ମେସାୟା ମୁରୁକ୍କୁରେ ମୁଖ୍ୟ ନାୟିକା ଭାବରେ ତାଙ୍କୁ କାମ କରିବାକୁ ଡାକିଥିଲେ । ଏହି କଥାଚିତ୍ରରେ ତାଙ୍କ ଭୂମିକା ପାଇଁ ତାଙ୍କୁ ଭଲ ପ୍ରତିକ୍ରିୟା ମିଳିଥିଲା । ସେହିବର୍ଷ ସେ କାର୍ତ୍ତିକ ନରେନଙ୍କ ନିର୍ଦ୍ଦେଶିତ କଥାଚିତ୍ର ନରାଗାସୂରନରେ କାମ କରିଥିଲେ । ସେ ଓପ୍ପୋ ଚେନ୍ନାଇ ଟାଇମ୍ସ ଫ୍ରେସ୍ ଫେସ୍ ୨୦୧୭ର ଜଣେ ବିଚାରିକା ଭାବରେ କାମ କରିଥିଲେ ।

୨୦୧୮ ମସିହାରେ ସେ କାଟ୍ଟେରୀରେ ଅଭିନୟ କରିଥିଲେ । ଫେବୃଆରୀ ୨୦୧୯ରେ, ସେ ଅଭିନେତା ଉଦୟାନିଧି ଷ୍ଟାଲିନଙ୍କ ନାୟିକା ଭାବରେ କନ୍ନାଇ ନାମ୍ବାଥେରେ ଅଭିନୟ କରିଥିଲେ । ସେପ୍ଟେମ୍ବର ୨୦୨୦ରେ, ସେ ଆନନ୍ଦ କୃଷ୍ଣନଙ୍କ ନିର୍ଦ୍ଦେଶିତ କୋଡିୟିଲ ଅରୁଭାନ ପାଇଁ ସୁଟିଂ ଆରମ୍ଭ କରିଥିଲେ । ତାଙ୍କ ଅଭିନୀତ ପୂର୍ବ କଥାଚିତ୍ରଗୁଡ଼ିକର ମୁକ୍ତିଲାଭ ବିଳମ୍ବ ହେବାରୁ ଏହି କଥାଚିତ୍ରଟି ୨୦୨୧ ମସିହାରେ ମୁକ୍ତିଲାଭ କରିଥିଲା, ଯାହାକି ତାଙ୍କ ଅଭିନୀତ ୨ୟ କଥାଚିତ୍ର ଭାବରେ ମୁକ୍ତିଲାଭ କରିଥିଲା ।

ମ୍ୟୁଜିକ୍ ଭିଡିଓ