ଅରୁଣା ମହାନ୍ତି: ଓଡ଼ିଶୀ ନର୍ତ୍ତକୀ
ଅରୁଣା ମହାନ୍ତି (ଜନ୍ମ ୪ ଅପ୍ରେଲ ୧୯୬୦) ଜଣେ ପଦ୍ମଶ୍ରୀ ସମ୍ମାନିତ ଓଡ଼ିଶୀ ନୃତ୍ୟଶିଳ୍ପୀ ଓ ଗୁରୁ । ୨୦୨୧ ମଇ ମସିହାରେ ତାଙ୍କୁ ଓଡ଼ିଶା ସଙ୍ଗୀତ ନାଟକ ଏକାଡେମୀର ସଭାପତି ଭାବରେ ଓଡ଼ିଶା ସରକାର ନିଯୁକ୍ତ କରିଥିଲେ ।
ଅରୁଣା ମହାନ୍ତି | |
|---|---|
 ଅରୁଣା ମହାନ୍ତି ଟିଚ୍ ଏଡ୍ସ ପାଇଁ ରେକର୍ଡିଙ୍ଗ କରୁଥିବା ସମୟରେ | |
| ଜନ୍ମ | ୪ ଅପ୍ରେଲ ୧୯୬୦ ଭୁବନେଶ୍ୱର, ଓଡ଼ିଶା |
| ଜାତୀୟତା | ଭାରତୀୟ |
| ବୃତ୍ତି(ସମୂହ) | ଓଡ଼ିଶୀ ନୃତ୍ୟ ଶିଳ୍ପୀ, ଓଡ଼ିଶୀ ନୃତ୍ୟଗୁରୁ, ନୃତ୍ୟ ନିର୍ଦ୍ଦେଶକ |
| (s) | ଓଡ଼ିଶା ନୃତ୍ୟ ଏକାଡେମୀ, ଭୁବନେଶ୍ୱର |
| ପ୍ରସିଦ୍ଧି | ଓଡ଼ିଶୀ ନୃତ୍ୟ |
| ଶୈଳୀ | ଓଡ଼ିଶୀରେ ଅଭିନୟ ରୂପ ଏବଂ ଅନ୍ୟାନ୍ୟ |
| ବୈବାହିକ-ସାଥୀ | ଦେବାଶିଷ ପଟ୍ଟନାୟକ |
| ସନ୍ତାନ | ସ୍ପନ୍ଦନା ପଟ୍ଟନାୟକ (ଝିଅ) |
| ପିତାମାତା(s) | କମଳ ଲୋଚନ ମହାନ୍ତି, ପ୍ରତିମା ମହାନ୍ତି |
| ପୁରସ୍କାର | ପଦ୍ମଶ୍ରୀ, ୨୦୧୭ ମାହାରି ସମ୍ମାନ ୧୯୯୭ |
ଅରୁଣା ମହାନ୍ତି ବାଲ୍ୟକାଳରୁ ପିତା କମଳ ଲୋଚନ ମହାନ୍ତିଙ୍କଠାରୁ ନୃତ୍ୟ ଅଭିନୟ ଶିକ୍ଷାରମ୍ଭ କରିଥିଲେ । କ୍ରମେ ଶ୍ରୀନାଥ ରାଉତ ଓ ଗୋବିନ୍ଦ୍ର ପାଳଙ୍କଠାରୁ ମଧ୍ୟ ନୃତ୍ୟ ଶିକ୍ଷାଗ୍ରହଣ କରିଥିଲେ । ୧୯୭୨ ମସିହାରୁ, ସେ ଗୁରୁ ଗଙ୍ଗାଧର ପ୍ରଧାନଙ୍କଠାରୁ ଓଡ଼ିଶୀ ଶିଖିବା ଆରମ୍ଭ କରିଥିଲେ । ଗଙ୍ଗାଧର ପ୍ରଧାନଙ୍କ ତତ୍ତ୍ୱାବଧାନରେ ଅରୁଣା ନିଜକୁ ଜଣେ ନୃତ୍ୟଶିଳ୍ପୀରୁ ନୃତ୍ୟଗୁରୁ ଓ ନୃତ୍ୟନିର୍ଦ୍ଦେଶକ ଭାବରେ ଗଢ଼ିତୋଳି ଥିଲେ । ଅରୁଣା, ବିଭିନ୍ନ ସମୟରେ ଗୁରୁ ପଙ୍କଜ ଚରଣ ଦାସ, କେଳୁଚରଣ ମହାପାତ୍ର, ସଂଯୁକ୍ତା ପାଣିଗ୍ରାହୀ ଓ ସୋନାଲ ମାନସିଂହଙ୍କଠାରୁ ନୃତ୍ୟ ଶିକ୍ଷା କରିଛନ୍ତି । ନିର୍ମଳ ମହାନ୍ତି ଓ ଶାନ୍ତନୁ ଦାସଙ୍କଠାରୁ, ସେ ଓଡ଼ିଶୀ ସଙ୍ଗୀତ ଶିକ୍ଷାଲାଭ କରିଛନ୍ତି ।
ଦୂରଦର୍ଶନରେ ପ୍ରସାରିତ "ଯା ଦେବୀ ସର୍ବଃ ଭୂତେଷୁ" କାର୍ଯ୍ୟକ୍ରମର "ମା ଦୁର୍ଗା" ଚରିତ୍ର ପାଇଁ ସେ ପ୍ରସିଦ୍ଧି ଲାଭ କରିଛନ୍ତି । ଜାତୀୟ ତଥା ଆନ୍ତର୍ଜାତୀୟ ସ୍ତରରେ ଓଡ଼ିଶୀ ନୃତ୍ୟକୁ ପହଞ୍ଚାଇବାରେ ତାଙ୍କର ଭୂମିକା ରହିଛି । ବର୍ତ୍ତମାନ ସେ ଭାରତ ସରକାରଙ୍କ ଅଧୀନସ୍ଥ କେନ୍ଦ୍ର ସଙ୍ଗୀତ ନାଟକ ଏକାଡେମୀର ମୁଖ୍ୟ ଉପଦେଷ୍ଟା ଏବଂ ଓଡ଼ିଶା ନୃତ୍ୟ ଏକାଡେମୀର ମୁଖ୍ୟ ସମ୍ପାଦକ ତଥା ନୃତ୍ୟଗୁରୁ ଭାବରେ ସକ୍ରିୟ ଅଛନ୍ତି ।
ପୁରସ୍କାର ଏବଂ ସମ୍ମାନ
- ପଦ୍ମଶ୍ରୀ, ୨୦୧୭
- ଓଡ଼ିଶା ସଂଗୀତ ନାଟକ ଏକାଡେମୀ ସମ୍ମାନ, ୨୦୧୪
- କେନ୍ଦ୍ର ସଂଗୀତ ନାଟକ ଏକାଡେମୀ ସମ୍ମାନ, ୨୦୧୦
- ସଂଯୁକ୍ତା ପାଣିଗ୍ରାହୀ ସ୍ମୃତି ସମ୍ମାନ, ୨୦୦୧
- ମାହାରୀ ସମ୍ମାନ, ୧୯୯୭
ଆଧାର
ଅଧିକ ତଥ୍ୟ
- ଅରୁଣା ମହାନ୍ତିଙ୍କଦ୍ୱାରା ପରିଚାଳିତ ଓଡ଼ିଶା ନୃତ୍ୟ ଏକାଡେମୀ
- ଅରୁଣା ମହାନ୍ତିଙ୍କ ସଂଯୋଜିତ କିଛି ନୃତ୍ୟ କାର୍ଯ୍ୟକ୍ରମ
- ଓଡ଼ିଶୀ ନୃତ୍ୟ ସମ୍ବନ୍ଧରେ ଅରୁଣା ମହାନ୍ତିଙ୍କ ସହ କଥୋପକଥନ
- ଅରୁଣା ମହାନ୍ତିଙ୍କ ନୃତ୍ୟ ପରିବେଷଣ
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |
This article uses material from the Wikipedia ଓଡ଼ିଆ article ଅରୁଣା ମହାନ୍ତି, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.