Nagole ya'ia da'ö no föfö mboto sombuyu-mbuyu ba gotalua guli ba töla simane si tola mufera'ö ba mbörö danga ma zui ba faha.
Bahiza nagole tola göi eluahania nagole si tobali ndriwo.
Edöna musura da'a.
So dombua ngawalö nagole si tobali ndriwo: nagole safusi ba nagole soyo. Oi fabö'ö zu'a-su'a dawö ba nagole safusi ba soyo ba fabö'ö göi lala wondrino ya'ia. Nagole manu ba mbebe no nagole safusi ba nagole mbawi faoma göröbao no nagole soyo. Faigi tabela andre si tou ba wangila zu'a-su'a ha wa'oya protein ba tawö ba zi ero nagole:
Ngawalö | Protein | Tawö |
---|---|---|
Manu | Oya | Fagölö |
Bebe | Fagölö | Fagölö |
Bawi | Ma'ifu | Oya |
Öröbao | Fagölö | Oya |
Moguna wangönöni zu'a-su'a protein ba dawö ba nagole andre, ena'ö tola ta'ila ta'öna'ö wemanga ya'ia. Duma-dumania na andrö manö zi tobali ndriwo ha nagole mbawi, ba ta'ila wa oya sibai dawö-tawö ba da'ö, ba ha ma'ifu protein. Börö da'ö na lö famalali gö ba tola mo'amböta mboto ba protein ba hiza sa talafu töra dawö.
Sindruhunia lö salania na oya mu'a dawö. Ba hiza monöi zu'a-su'a kolesterol ba mboto na mu'a tawö-tawö si so ba nagole si mane nagole mbawi andrö. Ba molo'ö ira sangi'ila itugu alaŵa zu'a-su'a kolesterol itugu tola te'asogö wökhö dödö (sakit jantung) ba ma zui kanker.
Fabö'ö ia nagole manu. Ba nagole manu no oya protein soguna ba ha ma'ifu dawö. Börö da'ö abölö moguna ba mboto na mu'a dua kali manu ba sakali nagole mbawi. Baso zura sanandrösa ba ndriwo ba wing'iila hadia guna wemanga nagole ba mboto.
This article uses material from the Wikipedia Li Niha article Nagole, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.