Liha on elätin luurangon lihasto razvanke da luunke (liha luul) libo ilmai luudu (luutoi liha).
Toiči lihakse sanotah erähien elättilöin sydämyksii - kieliöi, maksoi, počkii, aivoloi, syväimii, diafragmoi imi. Tavan mugah lihua käytetäh syömizenny.
Sana "liha" monis kul'tuurilois ei merkiče kaloin da merielättilöin lihua.
Suurin vuitti lihua, kuduadu rahvas syvväh, valmistetah žiivattufermoil. Syvvähgi tostu lihua (suurii da pienii meččyelattilöi, reptilieloi, amfiibieloi da muudu).
Suurin vuitti lihua on lihaksii, kudualois on nestetty (73-77%), proteinua (18-21%), lipidua (1-3%), ekstraktiivistu ainehtu (1,7-2% azotanke, 0,9-1,2% ilmai azottua), minerualuainehtu (0,8-1,0%). Paiči lihaksii lihah kuuluu yhtistäi, razvu da hermokas kuvostu. Ristikanzan syömizes liha on fosforan piäalgulähtö. Lihanke ristikanzan organizmah tullah mikroelementoi da vitamiinoi.
Eineh | Vezi, % | Proteinu, % | Razvu, % | Minerualuainehet, % |
---|---|---|---|---|
Lambahanliha 1. kategourii | 67,6 | 16,3 | 15,3 | 0,8 |
Buivolanliha --//-- | 66,8 | 19,0 | 13,2 | 1,0 |
Lehmänliha --//-- | 67,7 | 18,9 | 12,4 | 1,0 |
Hevonliha --//-- | 69,6 | 19,5 | 9,9 | 1,0 |
Pedrunliha --//-- | 71,0 | 19,5 | 8,5 | 1,0 |
Počinliha (bekonu) 1. kategourii | 54,8 | 16,4 | 27,8 | 1,0 |
Počinliha (liha) 2. kategourii | 51,6 | 14,6 | 33,0 | 0,8 |
Vazanliha 1. kategourii | 78,0 | 19,7 | 1,2 | 1,1 |
Verbl'uudanliha | 70,7 | 18,9 | 9,4 | 1,0 |
Kaikkiedah muailmas valmistetah läs 53-54 miljonua tonnua lihua vuvves. Muailmas valmistetah läs 33,2 kiluo lihua vuvves yhteh ristikanzah näh. Jevroupas yhteh ristikanzah näh valmistetah läs 83,5 kiluo vuvves, Kitais - 29,4 kiluo, Danies - 326,9 kiluo, Bel'gies - 144,2 kiluo. Enimyölleh valmistetah počinlihua, läs 39,1%. Toizel kohtal - siibikarjanliha - 29,3%, sit lehmänliha - 25,0%, lambahanliha - 4,8%, toizet lihalajit - 1,8%.
This article uses material from the Wikipedia Karjalan article Liha, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Syväindö on käytös licenzien CC BY-SA 4.0 mugah, ei lienne toizin mainittu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Karjalan (DUHOCTRUNGQUOC.VN) is an independent company and has no affiliation with Wiki Foundation.