Lala nangi ma mafi noho ya'ia da'ö no si öfa wetahö sanuturu heza yöu, raya, atumbukhu ba aekhula.
Kodenia ba li Indonesia U, S, T, B (Utara, Selatan, Timur, Barat) ba ba li Inggris N, S, E, W (North, South, East, West). Te'oguna'ö lala nangi ba Danö Niha me föna ba wanohonogöi heza gametahö i'otahögö na edöna lafasindro sambua omo ma sambua banua si bohou ma sagörö mbolo mbenua ma zui na lako'o lewatö niha. Bahiza iada'a te'oguna'ö göi ia ba wangalui heza so sambua nahia ba gulidanö mangoguna'ö wangerai koordinat si no muhonogöi ba zi sagörö ulidanö. Andrö wa moguna sibai lala nangi andre ba wakake simane kompas, GPS ba ba gambara danö (peta).
So ŵalu lala nangi molo'ö ba wa'amofanö dandra luo, simane ba da'a mitou :
Me föna ba Danö Niha, fatua lö lafasindro nomo ba lahonogöi ua wetaro heza i'otahögö faudu ba wamaigi lala nangi si sökhi. Lafotöi da'a foriŵa duturu geu. Lafalua ia ba zihulöwöngi na no otufo namo (± bözi 08.00) ba mufaudugö wehaga mbanua ba zoroma haga luo. Lataru'ö lewuö sise-ise mato sandrohu niha wa'anau ba dalu naha nomo si göna haga zino, ba ba lumö lewuö no mege lariŵa duturu geu: labagi dua, labagi öfa, labagi ŵalu ba labagi fele'önö. Na no awai woriŵa duturu geu andre awena lahonogöi heza wetaro i'otahögö omo sedöna lafasindro.
This article uses material from the Wikipedia Li Niha article Lala nangi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.