Fanari Moyo
Fanari Moyo ya'ia da'ö no sambua ngawalö wanari moroi ba Danö Niha, na lakaoni ia, sindruhunia ya'ia da'ö Tari Moyo.
Si to'ölönia ladöniai'ö wanari andre ira'alawe. Bakha ba wanari da'a tefadumaisi wanari-nari moyo ba dalumbanua si yaŵa.
Tari Moyo tola lamane ia ba li Indonesia; tari elang sambua wanari sitefatohu moroi ba zatua föna irugi ma'ökhö, ma no tobali ia fangi'ila wanari tradisional si tumbu ba hulo Danö Niha provinsi Sumatra Utara, Indonesia. Molo'ö hikayania (etimologi), Moyo ba wehede ba Danö Niha ya'ia fofo sohomo ba dalumbanua. Fofo so'afi andre fangi'ila moroi ba niha si so ba Danö Niha ba wamadumaisi lega mboto wofo andre na inötö ifangafo gafinia, lö khönia fa'atebai, ilaŵa nangi, ba wanolo ya'ia samösa ba awönia. Fanari moyo andre, sambua fanari fa'omuso dödö zatua (bada'a ina so'ono) ba wangawuli nono khönia moroi ba wasuwöta. Fanari da'a göi no tobali famaedo wa'atarö dödö, ba wa'abataha ba ngawalö zalua, ba simanö göi ba gohitö dödö.
Ba Danö Niha, lala wamalega boto moroi ba wanari moyo andre, oi fabö'ö ma'ifu, tebörötaigö moroi ba wamobörö fanari, ba wamalega boto, ofeta ba lala note zinunö sifao ba wanari andre.
Tari Moyo ba wangi'ila molo'ö Antropologi no sambua famaehagö zi so ba dödö zi samösa niha ma sambua angowuloa ma banua, ba sitobali ondröita moroi ba zatua föna. Tari Moyo andre, tenga ha famalega boto si no fondrege zi sökhi, hiza so khönia misa waö-waö ma lala wanari andre ni'olohesi i'otarai meföna irugi mane ma'ökhö. Tari moyo tenga ha ni'anunöisi hiza no tola tefa'ila'ö ba niha samaigi hewisa wa'asökhi ngawalö wamalega boto moroi ba zanari moyo andre. Ba wamalua fanari moyo, oya ngawalö zi lö tola lö'ö lahenagö simane; sanari, nukha zanari, fangahaögö zikhala, li moroi ba musik, nahia ba haniha zamaigi fanari andre. Oi da'a fefu nitöngöni na edöna lafalua wanari moyo.
Hada
Tari moyo sambua fanari fondrege nirorogö ma istimewa, hiza memböröta fanari andre, ha ba gangowuloa sebua lafalua ia, simane ba wanema samösa nono matua sangawuli moroi ba wasuwöta, ba gangowuloa si so razo, ba wanema'ö tome salua ba golayama. Sanari fefu ono alawe. Baero da'ö, fanari moyo lafalua na so walöŵa, sinete moroi ba wanawö kara, hombo batu. Eluahania, aefa wanawö kara, ba tefa'ele'ö wanari moyo ba isawaisi dania faoma Fanari Fogaele. Na no awai manari ba sanari la'ohe mbola nafo khö zangowalu ba walöŵa andrö ba simanö göi khö dome sato fefu.
Umbu
Wiki no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.
This article uses material from the Wikipedia Li Niha article Fanari Moyo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.