Tambagö (moroi ba li Indonesia tembaga) no sambua mbotoŵa si so ba danö soroyo-royo si tola möi niwöwöi ba la'oguna'ö ia ba wamazökhi kabel (li Indonesia kawat) simane kabel listrik, kabel telepon, ba kabel komputer, ma zui ba wamazökhi gama-gama ba nomo simane bowoa, kawali, sere, ati-ati, btn.
awö ba wamazökhi ngawalö wakake elektronik ma na i ba wamazökhi sagö. Bakha ba kimia lafotöi ia Cu (li Latin "Cuprum") faoma numero atom khönia 29.
Tambagö tefaböbö ba ngawalö "logam" ba töra moroi ba da'ö tambagö no "logam asli", eluahania tola i'anema'ö la'oguna'ö ia, lö moguna wangohalöŵögöigö sibai simane ngawalö logam tanö bö'ö. Da'ö göi mbörö wa tambagö no logam si föföna sibai la'oguna'ö niha ba gulidanö, ambö töra 8.000 fakhe fatua lö tumbu Keriso.
La'a-la'a dambagö no oroyo-royo (faigi gambara yaŵa) bahiza khönia bakha so sambua nifotöi "senyawa" si hulö asio si tola möi baero ba oroma mobalau ma zui mowuge'e (faigi gambara malige ba nga'örö andre).
This article uses material from the Wikipedia Li Niha article Tambagö, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.