Harry Potter (labaso hari potö) ya'ia da'ö ngenoli fitu mbuku novela nisura J.
K. Rowling ba Li Inggris. Si tobali duho nitutunö ba novela andrö lala wa'auri samösa so'elemu sotöi Harry Potter me möi ia ba zikola Hogwarts School of Witchcraft and Wizardry. Lö ama lö ina ia börö me awena döfi ia so so'elemu sazaha sotöi Voldemort zamunu zatuania. Awena i'ila duria sindruhu wa'amate zatuania me lafatunö khönia wa no latema'ö ia ba zikola Hogwarts me 11 fakhe ia. Toröi ia ba nomo lawe awö zibayania sokhö samösa nono matua si lö mangomasi'ö ya'ia. Ba zikola, falukha Harry khö nawönia sahatö si'ai khönia. Samösa ono alawe sotöi Hermione Granger faoma samösa ono matua sotöi Ron Weasley. Fao-fao ia khö Harry ba wafalukhatania khö Voldemort.
Philosopher's Stone (1997) | |
---|---|
Sanura | J. K. Rowling |
Negara | Inggris |
Li | Inggris |
Laraka | 26 baŵa si önö 1997 – 21 baŵa si fitu 2007 (foraka si föföna) |
Media | Cetak |
Audiobook | |
E-book | |
Fa'oya mbuku | 7 |
Fetaro ba gu'ö | https://www.wizardingworld.com |
Tefasafi gulidanöra ya'ira so'elemu moroi ba niha sato si lö elemu nikaoni Muggle (mögöl). Ya'ira ndra so'elemu no lafabu'u wa lö la'oroma'ö elemura föna Muggle börö me so hikaya sambö ami meföna. Lö ato ira ndra so'elemu ba zi sagörö gulidanö. Ba danö toröi Harry, Inggris, ha Hogwarts zikola elemu, fetaronia ba mbanua Skotlandia.
Itema zura fanema'önia ba Hogwarts Harry ba ngaluo wa'atumbunia si 11 fakhe. Lala gofanöwara moroi ba nomo numalö ba zikola ya'ia da'ö kureta api. Ba da'ö falukha ia khö darua nawönia, Hermione faoma Ron. Me no lakhamö zikola, latatugö nahia asrama toröi ira ba datölu ira andre toröi ba asrama Gryffindor.
Ba ginötö da'ö no labini'ö gara sofetua (philosopher's stone) ba Hogwarts moroi ba wangi'ila Voldemort. Oya ngawalö salua ia börö me la'ila Harrry faoma nawönia wa so sangalui gara andrö he wa'ai lö la'ila wa Voldemort. Da'ö nitatahö dödöra i gurura ba kalasi wamazökhi dalu-dalu, Severus Snape. Ba gafuriatania awena oroma wa Voldemort andre ibini'ö ia barö mbala högö gurura bö'ö sotöi Quirrell. Tola ilau simanö börö me lö mboto nia sa'ae, ha nosonia si toröi ba mboto niha bö'ö.
This article uses material from the Wikipedia Li Niha article Harry Potter, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.