Стороны свѣта — стороны горизонта, четыре главны точкы горизонта: сѣвер, юг, восток/выход и запад.
Даколи сторонами свѣта называють тыж одповѣдны четвертины горизонта: сѣверну, южну, восточну/выходну и западну.
Стороны свѣта означують буквами С, Ю, В и З, або одповѣдно N, S, О и W (в австро-угорской мореплавной традиции Nord, Süd, Ost, West), або N, S, E и W (в англицкой North, South, East, West); в градусах 0°, 180°, 90°, 270°.
На точнѣшу дефиницию напрямох, котры суть меджи головныма, хоснують далшы:
Назва | Англицке | Австро-угорске | Русинске | В градусах |
---|---|---|---|---|
сѣверозапад | NW | NW | СЗ | 315° |
сѣверовыход | NE | NO | СВ | 45° |
югозапад | SW | SW | ЮЗ | 225° |
юговыход | SE | SO | ЮВ | 135° |
Про далшу точнѣйшу дефиницию хоснують 8 означѣнь, котры указують напрямы помеджи головныма и напрямами другого ряду. В зачатку назвы ся кладе головный, пак через дефис за ним слѣдуе напрям другого ряду.
Назва | Англицке | Австро-угорске | Русинске | В градусах |
---|---|---|---|---|
сѣвер-сѣверозапад | NNW | NNW | ССЗ | 337,5° |
сѣвер-сѣверовыход | NNE | NNO | ССВ | 22,5° |
запад-сѣверозапад | WNW | WNW | ЗСЗ | 292,5° |
выход-сѣверовыход | ENE | ONO | ВСВ | 67,5° |
запад-югозапад | WSW | WSW | ЗЮЗ | 247,5° |
выход-юговыход | ESE | OSO | ВЮВ | 112,5° |
юг-югозапад | SSW | SSW | ЮЮЗ | 202,5° |
юговыход | SSE | SSO | ЮЮВ | 157,5° |
Про ориентацию служить компас. Найпростша ориентация без нього вдень за сонцьом, котре в полудне (в найвысшой позиции) укаже нам юг. Вночи нам сѣвер укаже Поларка, в хотьякый час, бо ей полога на небѣ ся не мѣнять.
This article uses material from the Wikipedia Русиньскый article Стороны свѣта, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.