Алкоголизм

Проявлять ся физичнов и психичнов зависимостьов од алкогола, психичнов и социалнов деградациов, патологиов внуторных органох, перемѣны материй, централной и периферной нервовой системы. Доста часто наставають алкоголны психозы.

Дакотры особы можуть мати генетичну предиспозицию ку алкоголу. Кедь в истории родины суть алкоголикы, буде розумно не споживати алкогол: ай малы давкы в такых припадах можуть привести ку алкоголной нахылности.

Окрем дѣдичности суть еще найменше пять далшых факторох, што можуть привести ку алкоголизму: взайомный вплыв, културна традиция, дакотры психоактивны условия, доступность алкогола и род занятя.

Окрем зъявного нищивого вплыва на психику и розум, негативный ефект ся указуе на тѣлесной кондиции:

• алкогол нарушать метаболизм, освоеня витаминох (найпаче групы B), нищиво вплывать на нервову систему. Резултатом е трясѣня палцьох, почѣня, студены рукы, слабшый зрак, слух и пах;
• алкогол нищить внуторны органы — печунку, жалудок, сердце, мозок;
• алкогол веде до знижѣня функций организма и передчасной старобы, на 15-20% куртать живот.

Оцѣны росширености алкоголизма ся колышуть в доста великом россягу, зависимо од строгости критериох, але обще мож повѣсти же меджи мужами е роширеный двараз вецей як меджи женами. Подля найтвердшых критериох, меджи мужами, в США и Европѣ — 20%, намного менше в Юговосточной Азии и Африцѣ. В СССР при Сталинѣ ся официално поважовало, же алкоголизм не ествуе, але по его смерти указали ся вопиючы оцѣны — 40%.

• Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0.
• Mark Keller, George E. Vaillant: Alcoholism. //Encyclopaedia Britannica.
• What is Alcoholism? //WiseGeek, clear answers for common questions.
• Алкоголизм. //Энциклопедия Кругосвет.

 

Вікісклад має мултімедіалны дата на тему:

Алкоголизм