Османьска Імперія

دولت عليه عثمانيه — Девлет-і Āлійе-и Осмāнійе, тур. Osmanlı İmparatorluğu) — офіціална назва державы, заснованой накінцї 13. ст. султаном Османом І., в Малій Азії. Столиця з 1453 р. - Стамбул (колишнїй Константінополь). Основу державы спочатку складали туркы. Бігом 15-16. ст. внаслїдку войн в Азії, Африцї і Европі імперія досягла своёй теріторіалной і войсковой величі.

Держава османьскых султанів єствовала з 1299 до 1923 року. В Европі Османьску імперію часто называли Оттоманьсков імперіов. В період розквіту в XVI—XVII сторочах держава включала Анатолію, Близкый Выход, Южну Африку, Балканьскый півостров і прилеглы к нёму южны земли Европы.

Анатолія (Мала Азія), в якій росположена сучасна Турція, в давнину была колысков много цівілізацій. Туркы, котры ся гев нащали в XI. сторочу, были першов вовнов турецькых воёвників, тай они поступно започали доывати земли, над якыма дотогды пановала Візантія, тай асіміловали єй ґрецьке населїня і освоїли єй културну дїдовизны.

Наступником першых Труків ся стала Османьска імперія, яка завершыла добываня Візантії взятём Константінополя в 1453 роцї. На вершынї своёй могутности, під час правлїня Сулеймана I. Пышного (1520—1555), імперія ростїговала ся од ворот Віднї до Перьской затокы, од Криму до Марока.

По закінчіню Першой світовой войны ся Османьска імперія роспала: Франція обтримала Сірію, Анґлія — Ірак і Палестину; турецькы земли входять до сучасной Турції.

Тоты даны суть часточно або цалком основаны на перекладї статї Османська імперія на україньскій Вікіпедії.

 

Вікісклад має мултімедіалны дата на тему:

Османьска імперія

• Османьска імперя
• Османьска імперія
• Збройны силы Османьской імперії в XV-XVII ст.