पचपन्न ओटा आकर्षक झ्यालहरू भएको कारणले यसलाई पचपन्नझ्याले दरबार भनिएको हो। ऐतिहासिक महत्त्व बोकेको यो दरबार भक्तपुर जिल्लाको भक्तपुर दरबार क्षेत्र मा रहेको छ । पचपन्नझ्याले दरबारको निर्माण राजा भूपतिन्द्र मल्ल ले नेपाल सम्बत ८२८ (विक्रम सम्बत १७६५) मा गरेका थिए ।
तत्कालिन स्वतन्त्र राज्य भक्तपुरका राजा भूपतिन्द्र मल्लले बनाउन लगाएको पचपन्नझ्याले दरबार भक्तपुर राजदरबार (ख्वप लायकु) कै एक पुनर्निर्मित भाग थियो । सो भागमा त्यस अघि उनकै बाबुले निर्माण गरेको थम्थु राजकुल नामक सुन्दर दरबार थियो । नेपाल सम्बत ७९८ (बिक्रम सम्बत १७३५ ) मा निर्माण पुरा भएको सो दरबार निर्माणको तीनवर्ष पछि तत्कालिन नेपाल उपत्यकामा गएको भयानक भूकम्पले पूरै भत्कियो । भूपतिन्द्र मल्लले भूकम्पले तहसनहस भएको थम्थु राजकुलको दक्षिण पट्टिको भागमा नयाँ जग हाली नयाँ ढङ्गले पुनर्निर्माण गर्न लगाए ।
This article uses material from the Wikipedia नेपाली article पचपन्नझ्याले दरबार, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.