आन्द्रे सुर्ले: जर्मनेली फुटबल खेलाडी

आन्द्रे सुर्ले जर्मन पेसेबर फुटबल खेलाडी हुन् जो फुलहाम एफसी र जर्मनी राष्ट्रिय फुटबल टिमका लागि खेल्ने गर्दछन् । १ एफएसभी माइन्ज ०५बाट २००९ मा वरिष्ठ क्लब जीवन सुरू गरेका सुर्ले £६.५ मिलियनमा दुइ वर्षपछी बायर ०४ लिभरकुसेनमा स्थानान्तरण गरिएका थिए । लिभरकुसेनमा उनले गरेको प्रदर्शन चेल्सी लाई उनीप्रति आकर्षण गर्न पुग्दो भयो । चेल्सीले उनलाई £ १,८०,००,००० मा क्लब भित्रायो र १४ नम्बरको जर्सी प्रदान गर्यो । चेल्सीमा अन्य फुटबलरहरूले विश्वास जीतिरहँदा उनी प्राय वैकल्पिक खेलाडी का रूपमा रहेर २०-२५ मिनेट मात्र खेल्न पाउँथे । त्यसैले उनले आफू स्थानान्तरित हुन चाहेको कुरा गाइयँ-गुइयँ सुनिन थाल्यो । करिब डेढ वर्ष चेल्सी मा बिताएर उनी २०१५ को सुरूवातमै बुन्डेसलिगा क्लब भीएफएल उल्फ्सबर्गको बाटो तताउन पुगे । उल्फ्सबर्ग क्लबले उनलाई भित्राउन चेल्सीलाई करिब £ २२,००,००,००० तिर्नुपर्यो ।