लुईझियाना (इंग्लिश: Louisiana; फ्रेंच: État de Louisiane; उच्चार ) हे अमेरिकेचे एक राज्य आहे.
अमेरिकेच्या दक्षिण भागात वसलेले लुईझियाना क्षेत्रफळाच्या दृष्टीने अमेरिकेमधील ३१वे तर लोकसंख्येच्या दृष्टीने २५व्या क्रमांकाचे राज्य आहे.
लुईझियाना Louisiana État de Louisiane | |||||||||||
अमेरिका देशाचे राज्य | |||||||||||
| |||||||||||
अधिकृत भाषा | कोणतीही नाही | ||||||||||
इतर भाषा | इंग्लिश, फ्रेंच | ||||||||||
राजधानी | बॅटन रूज | ||||||||||
मोठे शहर | न्यू ऑर्लिन्स | ||||||||||
क्षेत्रफळ | अमेरिकेत ३१वा क्रमांक | ||||||||||
- एकूण | १,३५,३८२ किमी² | ||||||||||
- रुंदी | २१० किमी | ||||||||||
- लांबी | ६१० किमी | ||||||||||
- % पाणी | १५ | ||||||||||
लोकसंख्या | अमेरिकेत २५वा क्रमांक | ||||||||||
- एकूण | ४५,३३,३७२ (२०१० सालच्या गणनेनुसार) | ||||||||||
- लोकसंख्या घनता | ४०.७/किमी² (अमेरिकेत २६वा क्रमांक) | ||||||||||
संयुक्त संस्थानांमध्ये प्रवेश | ३० एप्रिल १८१२ (१८वा क्रमांक) | ||||||||||
गव्हर्नर | बॉबी जिंदाल | ||||||||||
संक्षेप | US-LA | ||||||||||
संकेतस्थळ | www.louisiana.gov |
लुईझियानाच्या दक्षिणेला मेक्सिकोचे आखात, पश्चिमेला टेक्सास, उत्तरेला आर्कान्सा तर पूर्वेला मिसिसिपी ही राज्ये आहेत. बॅटन रूज ही लुईझियानाची राजधानी तर न्यू ऑर्लिन्स हे सर्वात मोठे शहर आहे. मिसिसिपी ही अमेरिकेमधील सर्वात मोठी नदी राज्याच्या मधून वाहते. राज्याचा दक्षिणेकडील भाग दलदलीच्या स्वरूपाचा आहे.
मासेमारी व शेती हे दोन येथील सर्वात मोठे उद्योग आहेत. दरडोई उत्पन्नाच्या बाबतीत लुईझियानाचा देशात ४१वा क्रमांक लागतो. येथील मोठ्या प्रमाणावर उपलब्ध असणाऱ्या जलमार्गांमुळे सागरि वाहतूकीचे लुईझियाना हे अमेरिकेमधील सर्वात मोठे केंद्र आहे. मिसिसिपी नदीवर बांधलेले दक्षिण लुईझियाना बंदर हे पश्चिम गोलार्धातील सर्वात मोठे बंदर आहे.
अमेरिकन संघात सामील होण्यापूर्वी लुईझियाना ही एक फ्रेंच वसाहत होती. त्यामुळे येथील संस्कृतीवर फ्रेंच पगडा जाणवतो. आज्च्या घडीला लुईझियाना राज्यातील ३२.१ टक्के रहिवासी आफ्रिकन अमेरिकन वंशाचे आहेत. बॉबी जिंदाल हे भारतीय वंशाचे राजकारणी लुईझियानाच्या राज्यपाल पदावर आहेत.
विकिमीडिया कॉमन्सवर खालील विषयाशी संबंधित संचिका आहेत: |
This article uses material from the Wikipedia मराठी article लुईझियाना, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). इतर काही नोंद केली नसल्यास,येथील मजकूर CC BY-SA 4.0च्या अंतर्गत उपलब्ध आहे. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मराठी (DUHOCTRUNGQUOC.VN) is an independent company and has no affiliation with Wiki Foundation.