कान्सू
कान्सू (देवनागरी लेखनभेद: गान्सू ; सोपी चिनी लिपी: 甘肃; पारंपरिक चिनी लिपी: 甘肅; फीन्यिन: Gānsù; ) हा चीन देशाच्या ईशान्येकडील प्रांत आहे.
हा प्रांत तिबेटाचे पठार व ह्वांगथू पठार यांच्या मधोमध वसला आहे. याच्या उत्तरेस मंगोलियाची आंतरराष्ट्रीय सीमा, तसेच आंतरिक मंगोलिया व निंग्श्या, पश्चिमेस शिंच्यांग व छिंघाय, दक्षिणेस सिच्वान, पूर्वेस षा'न्शी या चिनाच्या जनता-प्रजासत्ताकातील प्रांतांच्या सीमा भिडल्या आहेत. कान्सूच्या दक्षिणेकडील भागातून पीत नदी वाहते. लांचौ येथे या प्रांताची राजधानी आहे.
| कान्सू 甘肃省 | |
| चीनचा प्रांत | |
 कान्सूचे चीन देशामधील स्थान | |
| देश |  चीन |
| राजधानी | लांचौ |
| क्षेत्रफळ | ४,२५,८०० चौ. किमी (१,६४,४०० चौ. मैल) |
| लोकसंख्या | २,५५,७५,२५४ |
| घनता | ६० /चौ. किमी (१६० /चौ. मैल) |
| आय.एस.ओ. ३१६६-२ | CN-GS |
| संकेतस्थळ | http://www.gansu.gov.cn/ |
सुमारे २.६ कोटी लोकसंख्या (इ.स. २००९) असलेल्या कान्सूत ह्वी वांशिकांचे लक्षणीय अस्तित्व आहे. प्रांताच्या नैऋत्येकडील भागांत तिबेटी लोकही वसले आहेत. एकूण लोकसंख्येपैकी ९१ % प्रजा हान वंशीय असून, ५ % प्रजा ह्वी वंशीय, तर २ % प्रजा तिबेटी वंशीय आहे.
भूगोल
४,२५,८०० वर्ग कि.मी. क्षेत्रफळाचा कान्सू प्रांत तिबेटाचे पठार आणि ह्वांगथू पठार यांच्यादरम्यान वसला आहे. प्रांताची बहुशः जमीन समुद्रसपाटीपासून १,००० कि.मी. उंचीवर पसरली आहे. उत्तर कान्सूचा बराचसा भूप्रदेश समतल आहे. गोबी वाळवंटाचा काही भाग प्रांताच्या उत्तर भागातच मोडतो. प्रांताच्या दक्षिणेकडील भूप्रदेश डोंगराळ असून छिल्यान पर्वताच्या रांगांनी हा भाग व्यापला आहे. चिनाच्या प्रमुख नद्यांपैकी एक असलेली पीत नदी दक्षिण कान्सूतून वाहते, तसेच तिला तिचे बरेचसे पाणी या भागातल्या जलस्रोतांमधूनच लाभते. प्रांताची राजधानी असलेले लांचौ शहर पीत नदीच्याच तीरावर वसले आहे.
बाह्य दुवे
- कान्सू शासनाचे अधिकृत संकेतस्थळ (चिनी मजकूर)
हा लेख/विभाग स्वत:च्या शब्दात विस्तार करण्यास मदत करा. |
This article uses material from the Wikipedia मराठी article कान्सू, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). इतर काही नोंद केली नसल्यास,येथील मजकूर CC BY-SA 4.0च्या अंतर्गत उपलब्ध आहे. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मराठी (DUHOCTRUNGQUOC.VN) is an independent company and has no affiliation with Wiki Foundation.