Quebec dia tanàna renivohi-paritanin'i Quebec, anisan'ny faritany any atsinanan'i Kanada.
Ny antenimieran'i Quebec dia mipetraka ao miaraka amin'ny akabeazan'ny fikambanam-paritany. Ny fivondronan'ny Vieux-Québas dia ao amin'ny lisitry ny Haren-tsaina izao tontolo izao an'ny UNESCO hatry ny 1985. Ny tanànan'i Quebec ihany koa ny tanàna voafefy any Amerika Avaratra.
Ny tanànan'i Quebec dia anisan'ny tanàna lehibe any atsinanan'i Quebec, eo anivon'ny toerana misy mipetraka any Quebec, eo amoron'ny Saint-Laurent. I Samuel de Champlain no namorona ilay tanàna tamin'ny 1608 ; ary izy no renivohitry ny Frantsa Vao, ny Kanada-Ambany, ary, nandritry ny taona fohy, renivohitry ny Kanada ; ny anarana hafa omena an'i Quebec dia « Vieille Capitale » (« Renivohitra Taloha »).
Hatry ny 2001, ny tanànan'i Quebec dia tanàna kanadianina anisan'ny mandroso indrindra eo aorian'ny Calgary, Edmonton sy Saskatoon. Vitsy dia vitsy ny isan'ny olona tsy miasa. Ny asa mivoatra dia ny biôteknôlôjia, ny taozava-baventy, ny fizahantany, ny siansa momban'ny fiainana, ny fahasalamana ary ny sakafo, ny toky sy ny teknôlôjia ampiasina. Izy koa seranana lehibe : ny seranany dia fahatelo any Kanada amin'ny resaka tonnage.
This article uses material from the Wikipedia Malagasy article Québec (tanàna), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.