Ny mpianatr' i Jesoa roa amby fitopolo na mpianatr' i Jesoa fitopolo na mpianatr' i Jesosy roa amby fitopolo na mpianatr' i Jesosy fitopolo izay nofidin' i Jesoa na Jesosy ka nirahiny ho any amin' ny faritra samihafa mba hitory ny Filazantsara.
Ny lovantsofin' ny Kristiana tandrefana dia manao azy ireo hoe "mpianatra" (amin' ny teny grika: μαθητής / mathētḗs; amin'ny teny latina: discipulus) fa ny Kristiana tantsinanana kosa miantso azy ireo hoe "apôstôly" (grika: ἀπόστολος / apóstolos, izany hoe "iraka"; latina: apostolus). Ny dikan-tenin' ny Baiboly kristiana sasany dia ahitana teny midika hoe "fitopolo" fa ny hafa kosa ahitana teny midika hoe "roa amby fitopolo". Ao amin' ny Evanjelin' i Lioka irery (Lio. 10:1-24) no ahitana ny firesahana azy ireo.
Misy mihevitra, noho izany, fa ny Apôstôly tsirairay dia misahana ny fampianarana mpianatra enina avy, ka mahatonga ny isa ho lasa 84, izany hoe ny Apôstôly 12 miampy ny mpianatra 72.
This article uses material from the Wikipedia Malagasy article Mpianatr' i Jesoa fitopolo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.