Kôngregasiônalisma
Ny kôngregasiônalisma na rafitra kôngregasiônaly dia rafi-pitantanam-piangonana izay manome fahefana ny mpikambana rehetra ao amin' ny fiangonana isan-toerana, izany hoe ny Kristiana rehetra.
Izany fomba fitantanana izany dia aorin' ny mpankasitraka azy amin' izay voalaza ao amin' ny Testamenta Vaovao, indrindra araka ny Asan' ny Apôstôly. Tao amin' ny fiangonana voalohany dia izany no fomba nitantanana ny fiangonana isan-toerana rehetra talohan' ny nisian' ny fanavahana ny Kristiana ho sokajy roa, dia ny mpitondra fiangonana sy ny kristiana tsotra (na lahîka). Nanomboka tamin' ny emperora Kônstantino I tamin' ny taona 315 no nisian' izany fizaràna ny Kristiana ao amin' ny fiangonana ho roa izany.
Teo amin' ny tantara dia maro ny hetsika sy fikambanana kristiana avy amin' ny Fanavaozana prôtestanta nampihatra izany fomba fitondram-piangonana izany. Mampihatra ny demôkrasia mivantana ny kôngregasiônalisma satria manome fahefana ny mpino rehetra ao am-piangonana. Ny kôngregasiônalisma dia hita matetika ao amin' ireo fiangonana prôtestanta sy fiangonana ara-pilazantsara (na evanjelika).
Jereo koa
- Rafitra episkôpaly
- Rafitra presbiteriana sinôdaly
- Rafitra kôneksiônaly
- Rafitra kôngregasiônaly
This article uses material from the Wikipedia Malagasy article Kôngregasiônalisma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.