Fotopampianarana Sy Fanekempihavanana
Ny Fotopampianarana sy Fanekempihavanana dia iray amin'ny boky masin'ny Fiangonan'i Jesoa Kristy ho an'ny Olomasin'ny Adro Farany manampy ny Baiboly sy ny Bokin'i Môrmôna ary ny Voahangy Lafo Vidy.
Atao hoe Doctrine and Covenants izy amin'ny teny anglisy. Amin'ireo Olomasin'ny Andro Farany dia fanangonana fanambaràna vokatry ny tsindrimandry avy amin'Andriamanitra io boky io izay natao hametrahana sy hitantanana ny Fanjakan'Andriamanitra ety an-tany amin'ny Andro Farany.
Araka ny fampianarana dia azo tamin'ny alalan'i Joseph Smith, mpaminany sy filoha voalohan'ny Olomasin'ny Andro Farany, ny ankabeazan'ireo fanambaràna ireo. Misy ny fanampin'ireo fanambaràna ireo izay nampidirin'ny mpadimby toerana azy teo amin'ny fitondrana ny fiangonana taty aoriana.
Ny Fotopampianarana sy Fanekempihavanana dia manana ny anjara toerany manokana tsy itoviany amin'ireo boky masina hafa ampiasain'ny Olomasin'ny Andro Farany amin'ny tsy maha fandikan-tenina soratra taloha azy, fa nosoratana tamin'ny vanimpotoan'izao Andro Vaovao izao sady fanomezan'Andriamanitra tamin'ny alalan'ireo mpaminany izay voafidin'Andriamanitra mba hamerina amin'ny laoniny indray ny Fanjakan'Andriamanitra eto an-tany amin'izao andro diavintsika izao. Ny hampiomana amin'ny Fihavian'i Kristy fanindroany ety an-tany sady hanatanteraka ny tenin'ireo mpaminany tany aloha no tanjon'io boky io.
Jereo koa
Rohy ivelany
This article uses material from the Wikipedia Malagasy article Fotopampianarana sy Fanekempihavanana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.