Alohotsy

Ny Alohotsy dia vintana faharoa ambin' ny folo amin' ny fanandroana malagasy.

Ny Adalo no eo alohany ary ny Alahamady no manaraka azy. Ny tapany antsinana amin' ny rindrin-trano avaratra no toerana omena azy. Vintan' olona tsy mahatombin-toerana ny Alohotsy araka ny finoan-drazana malagasy. Tsy alana volo na hoho na ampiasana zava-maranitra ny zaza madinika fa tsy ho mety sitrana raha maratra.

Fiavian' ilay anarana

Fiavian' ilay anarana

Avy amin' ny anaran' antokon-kintan' ny zodiaka amin' ny teny arabo hoe الحوت / Al-Hut ("trondro") ny hoe Alohotsy. Manondro ny antokon-kintana atao amin' ny teny latina sy anglisy hoe Pisces na amin' ny teny frantsay hoe Poissons. Amin' ny fiteny soahily dia atao hoe Hutu na Samaki io antokon-kintana io. Amin' ny teny maley dia atao hoe Hut na Ikan ihany koa izy.

Alohotsy 
Antokon-kintan'ny Hazandrano

Ny antokon-kintana Hazandrano sy ny zôdiaka

Ny fotoana andalovan' ny masoandro ao amin' ny antokon-kintana Hazandrano dia amin' ny 12 Marsa hatramin' ny 18 Avrily. Eo amin' ny 15 Marsa hatramin' ny 14 Avrily ny fari-potoan' ny Hazandrano ao amin' ny zôdiakan-kintana fa amin' ny 20 Febroary hatramin' ny 20 Marsa kosa izany ao amin' ny zôdiaka mikisaka. Tsy mifanaraka amin' ireo ny fanandroana malagasy noho izy miandry tsinam-bolana.

Ny vintana Alohotsy

Toerany

Ao amin' ny fanandroana malagasy dia vintana faharoa ambin' ny folo koa ny Alohotsy ka ny tapany antsinana amin' ny rindrin-trano avaratra no toerana omena azy. Zanabintana ny Alohotsy. Mifandratra amin' ny Asombola sy miarina eo amin' ny Adimizana ny vintana Alohotsy. Baben' ny renivintana Alahamady ny zanabintana Alohotsy. Ao amin' ny fitetezana andro dia mitondra tonon' andro roa ny Alohotsy, dia ny vava Alohotsy (na vavan' Alohotsy) sy ny vody Alohotsy (na vodin' Alohotsy).

Fombany

Ankapobeny

Vintan' olona tsy mahatombin-toerana ny Alohotsy araka ny finoan-drazana malagasy. Tsy alana volo na hoho na ampiasana zava-maranitra ny zaza madinika fa tsy ho mety sitrana raha maratra.

Atao hoe volam-padina ny volana Alohotsy noho izy iomanana amin' ny Asaramanitra (izany hoe ny Alahamadibe). Tandremana mafy mba tsy haràtra amin' ny hety na antsy ny zazamadinika fa tsy ho mety sitrana ka noho izay tsy alana volo na hoho na ampiasana zava-maranitra. Ny olona maty ao amin' ny volana Alohotsy dia alevina mangingina. Andro maivana ny andro Alohotsy.

Vava Alohotsy

Ny zaza teraka vava Alohotsy dia tsy ho marim-ponenana fa mifindrafindra na toerana na zavatra hafa. Amin' ny vava Alohotsy dia tsy misy manao taozavatra.

Vody Alohotsy

Ny zaza teraka vody Alohotsy dia ho salama ihany. Amin' ny vody Alohotsy dia tsy misy manao taozavatra.

Ala faditra

Raha hanorin-trano sy hampaka-bady amin' ny andro Alohotsy dia tsy maintsy misorona vatokaranana sy hazo harahara na famaho alevina eo atsinanan'ny andry avaratra tandrify ny Alohotsy mba tsy hihetsiketsika.

Volana Alohotsy

Misy amin' ny Malagasy ny mandray ny volana Alohotsy ho volana faharoa ambin' ny folo amin' ny taona ao amin' ny tetiandro malagasy (raha ny Alahamady no ataony volana voalohany). Manomboka amin' ny vava Alohotsy miafara amin' ny vody Adalo ny volana Alohotsy raha misy 28 andro. Raha tsy tsinanam-bolana ny andro aorian' ny vody Adalo dia miafara amin' ny vava Alohotsy ny volana izay misy 29 andro; raha mbola tsy tsinana aorian' io vava Alohotsy io dia mifarana amin' ny vody Alohotsy ny volana izay misy 30 andro.

Jereo koa

Vintana ao amin' ny fanandroana malagasy:

Evan' ny zôdiaka:

Antokon-kintan' ny zôdiaka:

Tetiandro

Loharano sy fanamarihana

Tags:

Alohotsy Fiavian ilay anaranaAlohotsy Ny vintana Alohotsy Jereo koaAlohotsy Loharano sy fanamarihanaAlohotsyAdaloAlahamadyFanandroana malagasy

🔥 Trending searches on Wiki Malagasy:

HaihayZahaSakalavaBoky deoterôkanônikaTaioànaKolontsaina malagasyVolafotsyLisitry ny filohan' i MadagasikaraMôntenegrôAotrisyÉcole nationale de l'aviation civile900TsimihetyAntoko pôlitika malagasyTamil NaduWikimaniaMasedônia Avaratra1968ZavakantoSary masinaHavatsa-UPEMLolo vokatraFahefana mpanao lalànaNina Hartley1565Fanahy MasinaVondrona EorôpeanaFady (malagasy)Andriamanitra (tokana)FanagasianaSouciracLahatraFiteny indônezianaBaraAlbaniaMalakiaAntarktikaFiraisana ara-nofoAntandroyZezikaAmerika AvaratraTantaran' i MadagasikaraAdy Lehibe VoalohanyTriniteSôzaAlakaosyAbidy malagasyZairaFizakan' i Andry Rajoelina zom-pirenena frantsayAmbohimangaLimaVintana (finoan-drazana malagasy)Fanekem-pinoana apôstôlikaFanekem-pinoana nikeanaBaiboly Dikanteny Iombonana Eto MadagasikaraAdy an-tranoToekarenaVorontsilozaAurangzebToamasina800Bodo (mpihira)TamotamoVietJet AirAndriamasinavalonaTendryFiangonana Pentekotista Mitambatra (Madagasikara)🡆 More