Federasiônan' I Malỳ
Ny Federasiônan' i Malỳ dia federasiôna tany Afrika Andrefana mampiray ny zanatany frantsay any Senegaly sy ny Repoblika Sodaney (na Sodàna Frantsay) nandritra ny roa volana tamin' ny taona 1960.
Niorina ho fizaràn-tany manana fizakan-tena tamin' ny 4 Avrily 1959 izy tao anatin' ny Communauté Française ary lasa nahaleo tena taorian' ny fifampiraharahana tamin' i Frantsa tamin' ny 20 Jona 1960.
.svg)
Roa volana taty aoriana, tamin' ny 19 Aogositra 1960 dia nanetsika ny tafika ny mpitarika ny Repoblika Sodaney tao amin' ny Federasiônan' i Malỳ, ary namaly ny mpitarika an' i Senegaly tao amin' ilay federasiôna tamin' ny fanetsehana ny zandarimaria; niafara amin' ny fifandonana henjana izany, ary nitarika ny fialan' i Senegaly tao amin' ilay federasiôna ny ampitson' iny.
Nanohitra io fandravana io ny manampahefana tao amin' ny Repoblika Sodaney, nanapaka ny fifandraisana ara-diplômasia tamin' i Senegaly, ary nanova ny anaran' ny fireneny ho Malỳ. Nandritra ny fisian' ny Federasiôn' i Malỳ, ny praiminisitra dia i Modibo Keïta, izay lasa filoha voalohany tao Malỳ, ary ny governemantany dia niorina tao Dakar, renivohitr' i Senegaly.
This article uses material from the Wikipedia Malagasy article Federasiônan' i Malỳ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.