ພາສາແອັດສະປາຍ (ແອັດສະປາຍ: español) ແມ່ນພາສາໂຣມັງພາສາໜຶ່ງ ອັນມີຕົ້ນກຳເນີດແຕ່ປະເທດແອັດສະປາຍ.
ມີຜູ້ເວົ້າປະມານ 387 ລ້ານຄົນເປັນພາສາແມ່ ອັນເຮັດໃຫ້ເປັນພາສາທີ່ເວົ້າຫຼາຍທີ່ສຸດອັນດັບທີ 2 ຂອງໂລກ ຕາມຫຼັງພາສາຈີນກາງ. ປະເທດເມັກຊິກມີຜູ້ເວົ້າພາສາແອັດສະປາຍຫຼາຍທີ່ສຸດ. ພາສາແອັດສະປາຍແມ່ນໜຶ່ງໃນພາສາທາງກາງທັງ 6 ຂອງສະຫະປະຊາຊາດ ແລະ ມີການໃຊ້ເປັນພາສາທາງການໃນສະຫະພາບເອີຣົບ ແລະ ໃນຕະຫຼາດກາງຕອນໃຕ້.
ພາສາແອັດສະປາຍແມ່ນພາສາໜຶ່ງເຊິ່ງຈັດຢູ່ໃນກຸ່ມພາສາອີເບໂລ-ໂຣມັງ ເຊິ່ງມີການວິວັດທະນາການມາຈາກພາສາຖິ່ນຕ່າງໆ ຂອງພາສາລາແຕງສາມັນໃນແຄວ້ນອີເບລີ ຫຼັງການຫຼົ້ມສະຫຼາຍຂອງອານາຈັກໂຣມັງຕາເວັນຕົກໃນສະຕະວັດທີ 5. ພາສາແອັດສະປາຍມີການບັນທຶກຂຽນເທື່ອທຳອິດໃນແຄວ້ນອີເບລີເໜືອກາງໃນສະຕະວັດທີ 9 ແລະມີການຂະຫຍາຍໂຕທີລະໜ້ອຍໄປພ້ອມກັບການຂະຫຍາຍໂຕຂອງອານາຈັກກາສະຕີ ຈົນໄປຮອດພາກກາງ ແລະ ພາກໃຕ້ຂອງແຄວ້ນອີເບລີ. ທຳອິດຄຳສັບພາສາແອັດສະປາຍໄດ້ຮັບອິດທິພົນຈາກພາສາບາດ ແລະ ພາສາອີເບໂລ-ໂຣມັງອື່ນໆ ແລະພາຍຫຼັງພາສາແອັດສະປາຍໄດ້ຮັບຄຳສັບຈາກພາສາອາຣັບ ລະຫວ່າງທີ່ຊາວມຸດສະລິມຄອງຄາບສະໝຸດອີເບລີ. ພາສາແອັດສະປາຍຍັງໄດ້ຮັບຄຳສັບເຊິ່ງບໍ່ໄດ້ມາຈາກກຸ່ມພາສາອີເບລີອີກນຳ ເຊັ່ນພາສາອົກຊີຕັງ, ພາສາຝຣັ່ງ, ພາສາອິຕາລີ, ພາສາຊາກ ແລະ ເລີ່ມມີຄຳຈາກພາສາອັງກິດໃນຍຸກປັດຈຸບັນອີກນຳ. ພາສາແອັດສະປາຍໄດ້ມີການໃຊ້ແຜ່ໄປຮອດຫົວເມືອງຂອງອານາຈັກແອັດສະປາຍໃນສະຕະວັດທີ 16 ທີ່ເປັນທີ່ຮູ້ຈັກກັນດີແມ່ນໃນພື້ນທີ່ໃນທະວີບອາເມຣິກາ ແລະ ບ່ອນອື່ນໆ ໃນທະວີບອາຟຣິກາ, ທະວີບໂອເຊອານີ ແລະ ຟີລິບປິນ.
This article uses material from the Wikipedia ລາວ article ພາສາແອັດສະປາຍ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.