ປອກຕຸຍການ (ປອກຕຸຍການ: Portugal) ຫຼືຊື່ທາງການແມ່ນ ສາທາລະນະລັດປອກຕຸຍການ (ປອກຕຸຍການ: República Portuguesa) ແມ່ນສາທາລະນະລັດເຊິ່ງມີລະບອບການປົກຄອງແບບປະຊາທິປະໄຕ.
ຕັ້ງຢູ່ໃນພາກຕາເວັນຕົກແລະຕາເວັນຕົກສຽງໃຕ້ຂອງຄາບສະໝຸດອີເບລີທາງຕອນໃຕ້ຂອງທະວີບເອີລົບ ແລະຖືວ່າເປັນປະເທດທີ່ຢູ່ທາງທິດຕາເວັນຕົກຫຼາຍທີ່ສຸດໃນບັນດາປະເທດໃນທະວີບເອີລົບທັງຫຼາຍ (ຍົກເວ້ນໝູ່ເກາະບະເຣຕາຍໃຫຍ່ແລະໝູ່ເກາະໃກ້ຄຽງ). ປອກຕຸຍການມີພົມແດນຕິດກັບແອສະປາຍໃນທາງທິດເໜືອແລະທິດຕາເວັນອອກ ແລະຢູ່ຕິດກັບມະຫາສະໝຸດອັດລັງຕີກໃນທາງທິດຕາເວັນຕົກແລະທິດໃຕ້. ນອກຈາກນີ້ ປອກຕຸຍການຍັງປະກອບໄປດ້ວຍອານາເຂດໝູ່ເກາະຢູ່ຫຼາຍໝູ່ເກາະດ້ວຍກັນໃນມະຫາສະໝຸດອັດລັງຕີກ ເຊັ່ນ ອາຊອກ (Azores ຫຼື Açores) ແລະເກາະມາເດລາແລະປອກຕຸຍຊັນຕູ (ລວມເຖິງໝູ່ເກາະຊາເວດດ້ວຍ).
ສາທະລະນະລັດປອກຕຸຍການ República Portuguesa (ປອກຕຸຍການ) | |
---|---|
ຄຳຂວັນ: ບໍ່ມີ | |
ເພງຊາດ: A Portuguesa | |
ເມືອງຫຼວງ ແລະ ເມືອງໃຫຍ່ທີ່ສຸດ | ລີຊະບົນ |
ພາສາລັດຖະການ | ພາສາປອກຕຸຍການ1 |
ການປົກຄອງ | ປະຊາທິປະໄຕລະບົບລັດຖະສະພາ |
• ປະທານປະເທດ | ອານີບານ ກາວາກູ ຊີນວາ |
• ນາຍົກລັດຖະມົນຕີ | ເປດູ ປາຊູດ ກູເອນຢູ |
ການສ້າງຊາດ ຄ.ສ. 868 | |
• ເອກະລາດ | 24 ມິຖຸນາ ຄ.ສ. 1128 |
• ເປັນທີ່ຍອມຮັບ | 5 ຕຸລາ ຄ.ສ. 1143 |
0.5% | |
ປະຊາກອນ | |
• ກ.ຄ. 2005 ປະມານ | 10,495,000 (76) |
• ສຳມະໂນປະຊາກອນ 2544 | 10,148,259 |
GDP (ອຳນາດຊື້) | 2548 (ປະມານ) |
• ລວມ | 203.4 ພັນລ້ານໂດລາສະຫະລັດ (41) |
• ຕໍ່ຫົວ | 19,335 ໂດລາສະຫະລັດ (37) |
HDI (2546) | 0.904 ສູງຫຼາຍ · 27 |
ສະກຸນເງິນ | ຢູໂລ (€) 2 (EUR) |
ເຂດເວລາ | WET3 |
• ລະດູຮ້ອນ (ເວລາອອມແສງ) | UTC+1 (EST) |
ລະຫັດໂທລະສັບ | 351 |
ລະຫັດອິນເຕີເນັດ | .pt |
1ພາສາມີລັງແມ່ນພາສາທາງການຮ່ວມພື້ນທີ່ທາງຕາເວັນອອກສຽງເໜືອ 2ກ່ອນປີ ຄ.ສ. 1999: ອິດກູດູປອກຕຸຍການ 3ອາຊໍເລດ: UTC-1; UTC ໃນລະດູຮ້ອນ |
ປອກຕຸການມີປະຊາກອນປະມານ 10,927,250 ຄົນ (ປີ ຄ.ສ. 2013) ໃນຈຳນວນນີ້ 3.13 % ເປັນຜູ້ຍ້າຍຖີ່ນເຂົ້າປະເທດຢ່າງຖືກກົດໝາຍ ເຊິ່ງສ່ວນຫຼາຍມາຈາກ ບະເຣຊິນ ອູກະແລນ ແລະ ອັງໂກລາ ໂດຍສ່ວນຫຼາຍນັບຖືສາສະໜາຄະຣິດນິກາຍໂລມັງກາໂຕລິກມີຄົນນັບຖືປະມານ 94 % ແລະຍັງມີນິກາຍປະໂລແຕສະຕັງແລະອື່ນ ໆ ລວມ 6 % ໂດຍທຸກສາສະໜາຢູ່ດ້ວຍກັນຢ່າງສະຫງົບ.
ພາສາປອກຕຸຍການແມ່ນພາສາທາງການຂອງປະເທດປອກຕຸຍການ. ແມ່ນພາສາຈັດຢູ່ໃນກຸ່ມພາສາໂຣມັງ ເຊິ່ງໃນກຸ່ມພາສານີ້ມີແອສະປາໂຍນ ຝະລັ່ງ ແລະ ອິຕາລີ ນຳ. ມີຜູ້ເວົ້າປະມານ 10,000,000 ຄົນ ພາຍໃນປະເທດປອກຕຸຍການ (ປີ ຄ.ສ. 2012) ແລະປະມານ 203,349,200 ຄົນ ທົ່ວໂລກ.
This article uses material from the Wikipedia ລາວ article ປະເທດປອກຕຸຍການ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.