Continens

Continentes per normas usitatas, non normas strictas, plerumque definiuntur. Continens una massa terrestris vel pars maioris massae terrestris esse potest (ut Asia et Europa). Qua pro causa, numerus continentium variatur: usque ad septem vel quattuor regiones continentes vulgo appellantur. Plurimae civitates angloloquentes septem regiones continentales habent, quae a minima ad maximam sunt Asia, Africa, America Septentrionalis, America Australis, Antarctica, Europa, et Australia. Variae interpretationes nonnullas ex his regionibus coniungunt; inter exempla talis coniunctionis Americam Septentrionalem et America Australem in Americam, Asiam et Europam in Eurasiam, atque Africam, Asiam, et Europam in Afro-Eurasiam^(en) coniungunt.

Contraria continentis notio est mare vel oceanus. Tota continentium orbis terrarum superficies minor est quam superfieis marium. Insulae saepe in globo eodem cum vicino continentali ponuntur.

Rerum geographicarum periti omnes continentes olim unam continentem fuisse docent, quae Pangaea appellatur. Ea fracta est abhinc annorum milliones in duas continentes, Laurasiam et Gondwanam. Nonnulli putant continentes post complures milliones annorum iterum in unam terram coalituras esse, quae terra iam nomen proprium habet, scilicet Pangaeae Ultimae.

Numerus continentium disputatur esse: aut quattuor, quinque, sex, aut septem. Ab eis qui sex continentes esse putent, continentes sic agnoscuntur:

• Africa
• America (America Septentrionalis et America Australis)
• Asia
• Europa
• Oceania
• Antarctica

• Anthony, David W. (2007), The Horse The Wheel And Language. How Bronze-Age Riders From the Eurasian Steppes Shaped The Modern World, Princeton University Press .
• Flood, Gavin (1996), An Introduction to Hinduism, Cambridge University Press, ISBN 978-0-521-43878-0 .
• Lewis, Martin W.; Wigen, Kären E. (1997). The Myth of Continents: a Critique of Metageography. Berkeleiae: University of California Press. ISBN 978-0-520-20743-1 .
• Oberlies, Thomas (1998), Die Religion des Rgveda: Kompositionsanalyse der Soma-Hymnen des R̥gveda, Vindobonae: Institut für Indologie der Universität Wien .
• Witzel, Michael (1995), "Early Sanskritization: Origin and Development of the Kuru state", EJVS 1 (4) .
• Witzel, Michael (1997), "The Development of the Vedic Canon and its Schools: The Social and Political Milieu", in Witzel, Michael, Inside the Texts, Beyond the Texts: New Approaches to the Study of the Vedas, Harvard Oriental Series, Opera Minora; vol. 2, Cantabrigiae in Massachusetta: Harvard University Press .

• Imagines continentium a prisca Terra apud situm Colorado Plateau Geosystems, Inc.